လံာ်တၢ်ကဲထီၣ်အခီၣ်ထံး 41:49 - Sgaw Karen Common Bible

⁴⁹ ဒီးဘုဧိၤဟုဧိၤအိၣ်အါဝဲဂီၢ်ဝဲဒ်မဲးလၢပီၣ်လဲၣ်နံၤအ သိး, တုၤဒၣ်လဲာ်စီၤယိၤသးဆိတ့ၢ်ဃီၣ်ဝဲမ့ၢ်လၢဃီၣ်ဝဲတကဲတသ့ လၢၤဘၣ်အဃိလီၤ.

လံာ်တၢ်ကဲထီၣ်အခီၣ်ထံး 41:49 Iomraidhean Croise

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 41:48

တၢ်န့ၣ်တဖၣ်ခဲလၢာ်စီၤယိၤသးထၢဖှိၣ်ဒီးပဒၢးပာ်အီၤလၢဝ့ၢ် တဖၣ်အပူၤန့ၣ်လီၤ. ဒီးလၢတဝ့ၢ်ဘၣ်တဝ့ၢ်န့ၣ်, အဝဲပဒၢးပာ်တၢ်အီၣ်တဖၣ်လၢအဟဲလၢပျီအိၣ်ခိၣ်အိၣ်ဃၢၤအီၤန့ၣ် လီၤ.

လံာ်တၢ်ကဲထီၣ်အခီၣ်ထံး 41:50

ဒီးတချုးလၢတၢ်သၣ်ဝံၤလီၤဒိအနံၣ်တဖၣ်တုၤဃီၤဒံးဘၣ်န့ၣ် စီၤယိၤသးအိၣ်ဒီးအဖိခွါခံဂၤလၢနီၢ်အၤစနးန့ၣ်လီၤ.

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

စံးထီၣ်ပတြၢၤ 78:27

အဝဲဒုးဟဲစူၤလီၤတၢ်ညၣ်လၢအဝဲသ့ၣ်အဖီခိၣ် ဒ်ဟီၣ်ခိၣ်အကမူၣ်အသိး, ဒီးထိၣ်အိၣ်ဒီးအဒံးဆ့, ဒ်ပီၣ်လဲၣ်အမဲးအသိးန့ၣ်လီၤ.

လံာ်ယံးရမံယၤ 33:22

ယကမၤအါထီၣ်ယခ့ယပှၤ စီၤဒၤဝံးအစၢၤအသွဲၣ် တဖၣ်အနီၣ်ဂံၢ်, တုၤဒၣ်လဲာ် ပှၤဂံၢ်အဝဲသ့ၣ်တသ့ လၢၤဘၣ်. ဒ်ပှၤဂံၢ်ဆၣ်တဖၣ်လၢ မူကပိာ်လိၤ မ့ၢ်ဂ့ၤ, မဲးဧိၤဟီၣ်ဧိၤလၢ ပီၣ်လဲၣ်ကၢၢ်နံၤမ့ၢ်ဂ့ၤ, တသ့ဝဲဘၣ် အသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 6:5

အဝဲသ့ၣ်ဟဲဝဲဃုာ်ဒီးအဆၣ်ဖိကီၢ်ဖိတဖၣ်ဒီးဒဲတဖၣ်အါဝဲဂီၢ်ဝဲဒ်သိးဒွဲၣ်ဧိၤတြၤဧိၤန့ၣ်လီၤ. အဝဲသ့ၣ်ဒီးအကီၤလၤအူးတဖၣ်အါဝဲတုၤဒၣ်လဲာ်တၢ်ဂံၢ်အီၤတသ့ဘၣ်လီၤ. အဝဲသ့ၣ်ဟဲဒီးမၤဟးဂူာ်ဟးဂီၤကီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:12

ဒီးပှၤမံးဒယၣ်ဖိ, ပှၤဧမၤလ့းဖိဒီးပှၤမဲးမုၢ်ခိၣ်အဒူၣ်တဖၣ် ရၤလီၤအသးလၢတၢ်ပျီပူၤဒ်ဒွဲၣ်ဧိၤတြၤဧိၤအဖုအဂီၢ်အသိး န့ၣ်လီၤ. အဝဲသ့ၣ်အိၣ်ဒီးကီၤလၤအူးအါမးဒ်မဲးဧိၤဟီၣ်ဧိၤလၢပီၣ် လဲၣ်ကၢၢ်နံၤအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.