လံာ်တၢ်ကဲထီၣ်အခီၣ်ထံး 41:47 - Sgaw Karen Common Bible

⁴⁷ လၢတၢ်အီၣ်ကုးအီပှဲၤနွံနံၣ်အတီၢ်ပူၤန့ၣ်, ဟီၣ်ခိၣ်ဒုးမဲထီၣ်သၣ်ထီၣ်ဘုဧိၤဟုဧိၤအါအါဂီၢ်ဂီၢ်လီၤ.

လံာ်တၢ်ကဲထီၣ်အခီၣ်ထံး 41:47 Iomraidhean Croise

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 41:29

တၢ်အီၣ်ကုးအီပှဲၤနွံနံၣ်ကအိၣ်ဝဲလၢကီၢ်အဲၤကူပတူးဒီဘ့ၣ် ညါအပူၤလီၤ.

လံာ်တၢ်ကဲထီၣ်အခီၣ်ထံး 41:46

စီၤယိၤသးအသးအိၣ်အနံၣ်သၢဆံဖဲအစးထီၣ်မၤတၢ်လၢကီၢ်အဲၤကူ ပတူးအစီၤပၤအဂီၢ်န့ၣ်လီၤ. ဒီးစီၤယိၤသးဟးထီၣ်လၢစီၤပၤအနူၢ်ပူၤစီၤပူၤဒီးလဲၤတၢ် လၢကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 41:48

တၢ်န့ၣ်တဖၣ်ခဲလၢာ်စီၤယိၤသးထၢဖှိၣ်ဒီးပဒၢးပာ်အီၤလၢဝ့ၢ် တဖၣ်အပူၤန့ၣ်လီၤ. ဒီးလၢတဝ့ၢ်ဘၣ်တဝ့ၢ်န့ၣ်, အဝဲပဒၢးပာ်တၢ်အီၣ်တဖၣ်လၢအဟဲလၢပျီအိၣ်ခိၣ်အိၣ်ဃၢၤအီၤန့ၣ် လီၤ.

စံးထီၣ်ပတြၢၤ 72:16

မ်ဘုဧိၤဟုဧိၤကအိၣ်လၢပှဲၤဝဲလၢထံကီၢ်အပူၤ, ဒီးတၢ်လူၢ်တဖၣ် အဒီခိၣ်န့ၣ်ကဟူးဝးဝဲဒ်လဘၤနိၣ်အသိး မ်အသၣ်ထီၣ်အါအါဂီၢ်ဂီၢ်ဒ် လဘၤနိၣ်အတၤသၣ်တဖၣ်အသိးတက့ၢ်. မ်အဂုၤထီၣ်ပသီထီၣ်ဒ် နီၣ်ဧိၤမံၤဧိၤလၢစံာ်ပျီပူၤအသိးတက့ၢ်.