လံာ်တၢ်ကဲထီၣ်အခီၣ်ထံး 41:42 - Sgaw Karen Common Bible

⁴² စီၤပၤဘ့ၣ်လီၤကွံာ်ပသံးလၢအအိၣ်ဒီးစီၤပၤအတၢ်စဲပနီၣ်လၢ အစုလိၤဒီးဒုးသိးထီၣ်စီၤယိၤသးန့ၣ်လီၤ. အဝဲဒုးကၤထီၣ်အီၤလၢဆ့ကၤဘဲအဂ့ၤတဘ့ၣ်ဒီးဒုးလံာ်ထီၣ်အီၤ လၢဖဲထူတပျံၤလၢအကိာ်လိၤလီၤ.

လံာ်တၢ်ကဲထီၣ်အခီၣ်ထံး 41:42 Iomraidhean Croise

လံာ်တၢ်ကဲထီၣ်အခီၣ်ထံး 38:18

အဝဲသံကွၢ်ဝဲ, “ယကဘၣ်ဟ့ၣ်နၤတၢ်ဟ့ၣ်ကီၤမနုၤတမံၤန့ၣ် လဲၣ်.” ပိာ်မုၣ်န့ၣ်စံးဆၢအီၤ, “နတၢ်စဲဃာ်ပနီၣ်ဒီးအပျံၤဒီးနီၣ် ထိးဘိလၢနစိာ်အီၤန့ၣ်လီၤ.” အဝဲဟ့ၣ်လီၤအီၤလၢတၢ်တဖၣ်န့ၣ်လီၤ. ဒီးအဝဲသ့ၣ်မံဃုာ်, ဒီးပိာ်မုၣ်အံၤဒၢထီၣ်ဝဲလီၤ.

လံာ်တၢ်ကဲထီၣ်အခီၣ်ထံး 41:43

စီၤပၤဟ့ၣ်လီၤအီၤလၢစီၤပၤအလ့ၣ်ကဟၣ်ခံဆိတဆိလၢကဒိးဝဲ အဂီၢ်, ဒီးပှၤဃ့ၢ်ဆိတၢ်တဖၣ်လၢစီၤပၤအလ့ၣ်ကဟၣ်မဲာ်ညါန့ၣ် ကိးထီၣ်ဝဲ, “ဟ့ၣ်ကျဲတက့ၢ်, ဟ့ၣ်ကျဲတက့ၢ်” န့ၣ်လီၤ. အန့ၣ်ဒီးစီၤယိၤသးဘၣ်တၢ်ဃုထၢပာ်လီၤအီၤဒ်ပဒိၣ် ဖးဒိၣ်လၢကီၢ်အဲၤကူပတူးဒီဘ့ၣ်အဖီခိၣ်န့ၣ်လီၤ.

လံာ်နီၢ်အ့ၤစတၢ် 10:3

ပှၤယူဒၤဖိစီၤမၢ်ဒကဲၤအိၣ်လၢလီၢ်လၤခံတီၤတတီၤဖဲ စီၤပၤအဃၤၡဝ့ရိၣ်အကစၢ်ဒၣ်ဝဲအဖီလာ်န့ၣ်လီၤ. အဝဲဘၣ်တၢ်ယူးယီၣ်တ့ၢ်ဒီးဘၣ်သူၣ်ဘၣ်သးတ့ၢ်အီၤလၢအပှၤယူဒၤ ဖိကဒဲကဒဲဒီးအီၤတဖၣ်လီၤ. အဝဲမၤတ့ၢ်တၢ်အဂ့ၤလၢအပှၤဂီၢ်မုၢ်အဂီၢ်ဒီးလၢကယဲၢ်အစၢၤ အသွဲၣ်တဖၣ်အတၢ်ဘံၣ်တၢ်ဘၢအဂီၢ်န့ၣ်လီၤ.

လံာ်နီၢ်အ့ၤစတၢ် 3:10

စီၤပၤဘ့ၣ်လီၤအပသံးလၢအဘၣ်တၢ်သူအီၤဒ်တၢ်စဲပနီၣ်လၢ အဘၣ်ဃးဒီးပဒိၣ်ပပှၢ်အတၢ်ဘိးဘၣ်သ့ၣ်ညါ, ဒီးဟ့ၣ်လီၤဝဲ ဆူပှၤအကၤကးဖိ, စီၤဟးမဒၤသၤအဖိခွါစီၤဟၤမၣ်လၢ အမ့ၢ်ပှၤယူဒၤဖိအဒုၣ်အဒါအစုပူၤန့ၣ်လီၤ.

လံာ်နီၢ်အ့ၤစတၢ် 3:12

လၢတၢ်န့ၣ်အဃိ, လၢလါအခီၣ်ထံးတလါထီၣ်တဆံသၢ သီတနံၤန့ၣ်, စီၤဟၤမၣ်ကိးန့ၢ်စီၤပၤအပှၤ ကွဲးလံာ်တဖၣ်ဒီးကိးထီၣ်ထးခိၣ်န့ၢ်အီၤလၢ တၢ်ဘိးဘၣ်သ့ၣ်ညါတခါလၢကဘၣ်တၢ်ကွဲးကျိးထံ အီၤဆူကျိာ်ကိးကျိာ်ဒဲးလၢတၢ်သူအီၤလၢဘီမုၢ်အ ပူၤခဲလၢာ်ဒီးကဘၣ်တၢ်ရၤလီၤအီၤဆူပှၤပၢတၢ်တဖၣ်, ပဒိၣ်ပပှၢ်ခဲလၢာ်အအိၣ်န့ၣ်လီၤ. လံာ်ဘိးဘၣ်သ့ၣ်ညါအံၤဘၣ်တၢ်ရၤလီၤအီၤလၢစီၤပၤအဃၤၡဝ့ ရိၣ်အမံၤဒီးဘၣ်တၢ်စဲပနီၣ်ဃာ်အီၤလၢစီၤပၤအပသံးန့ၣ်လီၤ.

လံာ်နီၢ်အ့ၤစတၢ် 8:10

စီၤမၢ်ဒကဲၤဒုးကွဲးလီၤလံာ်ပရၢတဖၣ်အံၤလၢစီၤပၤအဃၤၡဝ့ရိၣ်အမံၤ, ဒီးစဲပနီၣ်ဃာ်အီၤလၢစီၤပၤအတၢ်စဲပနီၣ်လီၤ. လံာ်ပရၢတဖၣ်န့ၣ်ဘၣ်တၢ်ရၤလီၤအီၤလၢပှၤဒိးကသ့ၣ်အချ့တဖၣ် လၢကဒိးကသ့ၣ်လၢပှၤဘုၣ်ဃာ်အီၤလၢစီၤပၤအဂီၢ်န့ၣ်လီၤ.

လံာ်နီၢ်အ့ၤစတၢ် 8:15

စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

လံာ်နီၢ်အ့ၤစတၢ် 8:2

စီၤပၤဘ့ၣ်လီၤကွံာ်အပသံးလၢအအိၣ်ဒီးအဝဲအတၢ်စဲပနီၣ်, (လၢအဟံးန့ၢ်က့ၤဝဲလၢစီၤဟၤမၣ်အအိၣ်န့ၣ်), ဒီးဟ့ၣ်လီၤဝဲစီၤမၢ်ဒကဲၤန့ၣ်လီၤ. ဒီးနီၢ်အ့ၤစတၢ်ပာ်စီၤမၢ်ဒကဲၤဒ်ပှၤပၢၤစီၤဟၤမၣ်အတၢ်စုလီၢ် ခီၣ်ခိၣ်န့ၣ်လီၤ.

လံာ်နီၢ်အ့ၤစတၢ် 8:8

မ့မ့ၢ်, လံာ်ဘိးဘၣ်သ့ၣ်ညါတဘ့ၣ်လၢအဘၣ်တၢ်ရၤလီၤတ့ၢ်လံအီၤ လၢစီၤပၤအမံၤ, ဒီးစီၤပၤအတၢ်စဲပနီၣ်န့ၣ်, တၢ်ဘိးကဒါအီၤတသ့ဘၣ်. ဘၣ်ဆၣ်, သုကွဲးလံာ်ပရၢဆူပှၤယူဒၤဖိတဖၣ်အအိၣ်ဖဲသုအဲၣ်ဒိးသ့ဝဲ ဒီးသုကဘၣ်ကွဲးအီၤလၢယမံၤဒီးစဲပနီၣ်ဃာ်အီၤဒီးစီၤပၤအတၢ်စဲ ပနီၣ်လီၤ.”

စံးထီၣ်ပတြၢၤ 73:6

မၤသးဒ်န့ၣ်ဒီးတၢ်ပာ်ထီၣ်ထီသးန့ၣ်မ့ၢ် အဝဲသ့ၣ်အကိာ်ကွီၤတဖၣ်, ဒီးတၢ်မၤတၢ်လၢတၢ်စုဆူၣ်ခီၣ်တကးလုၣ်ဘၢ အဝဲသ့ၣ်ဒ်တၢ်ကူတၢ်ကၤအသိးန့ၣ်လီၤ.

တၢ်ကတိၤဒိ. 1:9

အဝဲသ့ၣ်အတၢ်သိၣ်လိကမၤဂ့ၤထီၣ်နသကဲာ်ပဝးဒ်ခိၣ်ကျီၤ အဃံအလၤ, မ့တမ့ၢ်ဒ်ဖဲတပျံၤလၢကမၤဂ့ၤထီၣ်နတၢ်အိၣ်ဖျါ အဂီၢ်အသိးန့ၣ်လီၤ.

တၢ်ကတိၤဒိ. 31:22

အဝဲမၤလီၢ်မံဒါတဖၣ်ဒီးကူဝဲသိးဝဲတၢ်ကူတၢ်ကၤတဖၣ်လၢအဘၣ် တၢ်မၤအီၤလၢဘဲလုးတကုာ်အဂ့ၤကတၢၢ်န့ၣ်လီၤ.

တၢ်ကတိၤဒိ. 31:24

အဝဲမၤတၢ်ကူတၢ်သိးဒီးယီၢ်တကိးတဖၣ်ဒီးဆါလီၤဝဲဆူ ပှၤကူၣ်တၢ်ကၤတၢ်တဖၣ်အအိၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:10

နခိၣ်သူလၢအလီၤစဲၤလၢနဘိးပၤအလိၤတဖၣ်န့ၣ်မၤဃံမၤလၤထီၣ် နဘိးပၤ, ဒီးလၢအလီၤစဲၤလၢနကိာ်ကျၤခံတဖၣ်န့ၣ်လီၤဂာ်ဒီးဖဲအဝီတဖၣ် လၢတၢ်မၤအီၤလၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:9

ယတၢ်အဲၣ်ဒီးယတလးမူးပိာ်မုၣ်ဧၢ, နမဲာ်ချံအတၢ်ကွၢ် ဒီးဖဲလၢနလံာ်အီၤတဖၣ်န့ၣ်, ထုးန့ၢ်ယသးန့ၣ်လီၤ.

လံာ်ယၡါယၤ 3:23

အတၢ်ကူတၢ်ကၤဘူသလါ, အစုဖီၣ်, ဒီးတၢ်ကံးယာ်တဝံာ်ကိာ်ဒီးခိၣ်ဖၢၣ် တဖၣ်လၢအခိၣ်တဖၣ်အလိၤန့ၣ်လီၤ.

လံာ်ယံးရမံယၤ 52:33

လၢတၢ်န့ၣ်အဃိ, စီၤယဟိၤယါခံၣ်န့ၢ်ဘၣ် တၢ်ပျဲလၢကလဲလိာ်ကွံာ်အဃိာ်အကူအသိး တဖၣ်ဒီးကအီၣ်သကီးတၢ်လၢ စီၤပၤအစီၢ်နီၤခိၣ်လၢ အဝဲအသးသမူလၢ အအိၣ်လီၤတဲာ်အပူၤန့ၣ်လီၤ.

လံာ်ယဃ့းစက့လး 27:7

နယၢ်လၣ်တဖၣ်ဘၣ်တၢ်မၤအီၤလၢဖှီဝါကဆှၣ်, ဖှီဝါကဆှၣ်ဆးဒဲးကံၣ်ဒဲးဝ့ၤအသးဟဲလၢ ကီၢ်အဲၤကူပတူးတခီ, လၢအဘၣ်တၢ်သ့ၣ်ညါအီၤညီကဒၣ်လၢ အယံၤန့ၣ်လီၤ. နတၢ်ပနီၣ်တဖၣ်ဘၣ်တၢ်မၤအီၤလၢ တၢ်ကံးယာ်အဂ့ၤကတၢၢ်အိၣ်ဒီးအလွဲၢ်လုးတကုာ်ဟဲလၢ ကီးကူပြူးတခီန့ၣ်လီၤ.

လံာ်ဒၤနံးယ့လး 5:16

ခဲကနံၣ်အံၤယနၢ်ဟူတ့ၢ်လၢနဃုထံၣ်တၢ်အခီပညီလီၤဘၢ တဖၣ်ဒီးတဲဖျါတၢ်ခူသူၣ်အဒိၣ်အယိာ်တဖၣ်သ့ဝဲဒၣ်လီၤ. နဖးတၢ်ကွဲးအသးအံၤဒီးတဲယၤလၢအခီပညီတဖၣ်မ့ၢ်သ့ဒီး, နကဘၣ်တၢ်ဒုးသိးထီၣ်နၤလၢစီၤလိၣ်စီၤပၤအဆ့ကၤဖးထီတဖၣ် အိၣ်ဒီးအလွဲၢ်လုးတကုာ်ဒီးဒုးလံာ်ထီၣ်နၤလၢတၢ်မၤလၤက ပီၤအဖဲထူတဝီလၢနကိာ်လိၤဒီးနကကဲထီၣ်ဘၣ်ပှၤပၢတၢ်သၢဂၤ တဂၤလၢဘီမုၢ်အပူၤန့ၣ်လီၤ.”

လံာ်ဒၤနံးယ့လး 5:29

အန့ၣ်ဝံၤတကီၢ်ခါ, စီၤဘ့ၤလၡါစၢ်ဟ့ၣ်လီၤအကလုၢ်လၢအ တၢ်ခ့တၢ်ပှၤတဖၣ်ကဒုးသိးထီၣ်စီၤဒၤနံးယ့လးလၢစီၤလိၣ်စီၤပၤ အဆ့ဖးထီတဘ့ၣ်အိၣ်ဒီးအလွဲၢ်လုးတကုာ်, ဒုးလံာ်ထီၣ်အီၤ လၢတၢ်လၤကပီၤအဖဲထူလၢအကိာ်လိၤန့ၣ်လီၤ. ဒီးဒုးကဲထီၣ်အီၤလၢပှၤပၢ တၢ်သၢဂၤတဂၤလၢအဘီမုၢ်အပူၤန့ၣ်လီၤ.

လံာ်ဒၤနံးယ့လး 5:7

ဒီးစီၤပၤကိးပသူထီၣ်လၢအကလုၢ်ဖးဒိၣ်လၢပှၤကဆှၢနုာ်ပှၤ မၤကဒါမဲာ်တဖၣ်, ပှၤသ့သမူပယၢ်တၢ်တဖၣ်ဒီးပှၤဖးဆၣ်ဧိၤ ဖီဧိၤအဂ့ၢ်တဖၣ်န့ၣ်လီၤ. စီၤပၤစံးဘၣ်ပှၤဟ့ၣ်ကူၣ်တၢ် တဖၣ်လၢဘၤဘူၤလိၣ်အပူၤန့ၣ်, “ပှၤတဂၤလၢ်လၢ်လၢအဖးတၢ် ကွဲးအသးအံၤဒီးမၤဖျါထီၣ်န့ၢ်ယၤအခီပညီမ့ၢ်သ့န့ၣ် ယကဒုးသိးထီၣ်အီၤလၢစီၤလိၣ်စီၤပၤအတၢ်ကူတၢ်သိး အလွဲၢ်လုးတကုာ်ဒုးလံာ်ထီၣ်အီၤလၢဖဲထူတပျံၤလၢ အကိာ်လိၤဒီးကဘၣ်တၢ်ဒုးကဲထီၣ်အီၤလၢပှၤပၢတၢ် သၢဂၤတဂၤလၢဘီမုၢ်အံၤအပူၤန့ၣ်လီၤ.”

လံာ်လူၤကၣ် 15:22

ဘၣ်ဆၣ်ဒီးပၢ်ကိးဃီၤအတၢ်ခ့တၢ်ပှၤတဖၣ်ဒီးစံး, ‘မၤချ့ချ့တက့ၢ်. ဟဲစိာ်ဆ့ကၤဖးထီအဂ့ၤကတၢၢ်တဘ့ၣ်ဒီးဒုးကၤထီၣ်အီၤတက့ၢ်. ဖျီၣ်လီၤပသံးတဘိလၢအစုမုၢ်လိၤဒီးဒုးဒိးထီၣ်အီၤခီၣ်ဖံးတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 18:4

အဝဲဘ့ၣ်လီၤအဆ့ကၤဖးထီလၢအသိးဃာ်ဝဲဒီးဟ့ၣ်လီၤအီၤဆူ စီၤဒၤဝံး, ဃုာ်ဒီးအသဃိးဒီးအနး, အချံၣ်, ဒီးအယီၢ်တကိးစ့ၢ်ကီးလီၤ.