လံာ်တၢ်ကဲထီၣ်အခီၣ်ထံး 41:40 - Sgaw Karen Common Bible

⁴⁰ ယကပာ်နၤလၢပှၤပၢယထံယကီၢ်အလီၢ်, ဒီးပှၤဂီၢ်မုၢ်ခဲလၢာ်ကစူၢ်တၢ်ကလုၢ်တဖၣ်လၢနဟ့ၣ်လီၤန့ၣ်လီၤ. လၢတၢ်စိတၢ်ကမီၤအလီၢ်န့ၣ်, နကမ့ၢ်ပှၤခံဂၤတဂၤလၢယၤဝံၤအလီၢ် ခံန့ၣ်လီၤ.

လံာ်တၢ်ကဲထီၣ်အခီၣ်ထံး 41:40 Iomraidhean Croise

လံာ်တၢ်ကဲထီၣ်အခီၣ်ထံး 39:9

ယအိၣ်ဒီးတၢ်စိတၢ်ကမီၤထဲသိးဒီးအီၤလၢဟံၣ်အံၤအပူၤန့ၣ် လီၤ. မ့တမ့ၢ်ဘၣ်ထဲလၢနၤတဂၤဧိၤဘၣ်ဒီး, အဝဲတတြီဃာ်တၢ်အဂုၤအဂၤနီတမံၤလၢယကပၢၤအီၤဘၣ်လီၤ. လၢတၢ်န့ၣ်အဃိ, ယကမၤတၢ်အၢတၢ်သီဒ်သိးအံၤတမံၤဒီးမၤတၢ်ဒဲး ဘးထီဒါကစၢ်ယွၤဒ်လဲၣ်.”

လံာ်တၢ်ကဲထီၣ်အခီၣ်ထံး 44:18

စီၤယူဒၤလဲၤဆူစီၤယိၤသးအအိၣ်ဒီးစံးဝဲ, “ကစၢ်ဧၢ, ဝံသးစူၤပျဲယကတိၤတၢ်ဒီးနၤလၢတၢ်သဘျ့အပူၤတက့ၢ်. တဘၣ်သးထီၣ်ယၤတဂ့ၤ. နမ့ၢ်ပှၤဒ်စီၤပၤအကစၢ်ဒၣ်ဝဲ အသိးလီၤ.

လံာ်တၢ်ကဲထီၣ်အခီၣ်ထံး 45:26

အဝဲသ့ၣ်စံးဘၣ်အပၢ်, “စီၤယိၤသးအိၣ်မူဒံးဝဲလီၤ. အဝဲမ့ၢ်ပှၤပၢတၢ်လၢကီၢ်အဲၤကူပတူးဒီဘ့ၣ်အဖီခိၣ်လီၤ.” စီၤယၤကိာ်ကမၢကမၣ်ဒီးအသးလီၤကတုၤဒီးနာ်အဝဲသ့ၣ်တသ့ဘၣ်.

လံာ်နီၢ်အ့ၤစတၢ် 10:3

ပှၤယူဒၤဖိစီၤမၢ်ဒကဲၤအိၣ်လၢလီၢ်လၤခံတီၤတတီၤဖဲ စီၤပၤအဃၤၡဝ့ရိၣ်အကစၢ်ဒၣ်ဝဲအဖီလာ်န့ၣ်လီၤ. အဝဲဘၣ်တၢ်ယူးယီၣ်တ့ၢ်ဒီးဘၣ်သူၣ်ဘၣ်သးတ့ၢ်အီၤလၢအပှၤယူဒၤ ဖိကဒဲကဒဲဒီးအီၤတဖၣ်လီၤ. အဝဲမၤတ့ၢ်တၢ်အဂ့ၤလၢအပှၤဂီၢ်မုၢ်အဂီၢ်ဒီးလၢကယဲၢ်အစၢၤ အသွဲၣ်တဖၣ်အတၢ်ဘံၣ်တၢ်ဘၢအဂီၢ်န့ၣ်လီၤ.

လံာ်နီၢ်အ့ၤစတၢ် 3:1

တၢ်န့ၣ်တဖၣ်အလီၢ်ခံ, စီၤပၤအဃၤၡဝ့ရိၣ်သုးထီထီၣ်ပှၤအကၤကးဖိ စီၤဟးမဒၤသၤအဖိခွါစီၤဟၤမၣ်အလီၢ်အလၤဆူကိတိာ်ခိၣ်ကျၢၢ်လီၤ.

လံာ်စီၤယိၤဘး 31:27

ယတဘၣ်တၢ်လ့ပစီယၤလၢယကဘါထီၣ်တၢ်တဖၣ်န့ၣ်လၢ တၢ်ခူသူၣ်အပူၤဒီးယတဖှိၣ်ထီၣ်ယစုလၢတၢ်ယူးယီၣ်အီၤဘၣ်.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

တၢ်ကတိၤဒိ. 22:29

ဒုးနဲၣ်ယၤပှၤတဂၤလၢအမၤတၢ်မၤအဂ့ၤတမံၤန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဂ့ၤန့ၢ်ဒံးပှၤအါတက့ၢ်ဒီးကြၢး ဒီးစီၤပၤတဖၣ်အတၢ်ရ့လိာ်မုာ်လိာ်န့ၣ်လီၤ.

လံာ်ဒၤနံးယ့လး 5:29

အန့ၣ်ဝံၤတကီၢ်ခါ, စီၤဘ့ၤလၡါစၢ်ဟ့ၣ်လီၤအကလုၢ်လၢအ တၢ်ခ့တၢ်ပှၤတဖၣ်ကဒုးသိးထီၣ်စီၤဒၤနံးယ့လးလၢစီၤလိၣ်စီၤပၤ အဆ့ဖးထီတဘ့ၣ်အိၣ်ဒီးအလွဲၢ်လုးတကုာ်, ဒုးလံာ်ထီၣ်အီၤ လၢတၢ်လၤကပီၤအဖဲထူလၢအကိာ်လိၤန့ၣ်လီၤ. ဒီးဒုးကဲထီၣ်အီၤလၢပှၤပၢ တၢ်သၢဂၤတဂၤလၢအဘီမုၢ်အပူၤန့ၣ်လီၤ.

လံာ်ဒၤနံးယ့လး 6:3

တယံာ်ဘၣ်ဒီးစီၤဒၤနံးယ့လးအိၣ်ဖျါထီၣ်ဝဲလၢအမၤတၢ်သ့ ဂ့ၤန့ၢ်ဒံးပှၤပၢဆှၢအံးကွၢ်တၢ်အဂၤတဖၣ်ဒီးပဒိၣ်ဖးဒိၣ်တဖၣ် န့ၣ်လီၤ. မ့ၢ်လၢအဝဲဒၣ်ဖျိးစိအဃိ, စီၤပၤပာ်သူၣ်ပာ်သးတ့ၢ် ဒ်သိးကပာ်ထီၣ်အီၤလၢဘီမုၢ်ဒီဘ့ၣ်ညါအဖီခိၣ်န့ၣ်လီၤ.

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.