လံာ်တၢ်ကဲထီၣ်အခီၣ်ထံး 41:32 - Sgaw Karen Common Bible

³² နတၢ်မံမီၢ်ဝံၤမံမီၢ်က့ၤခံဘျီအံၤအခီပညီမ့ၢ်ဝဲ, တၢ်ဂ့ၢ်အံၤဘၣ်တၢ်ပာ်ဂၢၢ်ပာ်ကျၢၤအီၤလၢကစၢ်ယွၤ, ဒီးတယံာ်ဘၣ်န့ၣ်အဝဲကဒုးကဲထီၣ်လိၣ်ထီၣ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 41:32 Iomraidhean Croise

လံာ်တၢ်ကဲထီၣ်အခီၣ်ထံး 37:7

ပဝဲခဲလၢာ်ပအိၣ်လၢစံာ်ပျီပူၤဒီးစၢကဒိၣ်ထီၣ်ပဘုကၠူၣ်တ ဖၣ်, ဖဲယဘုကဒိၣ်ဝံၢ်ထီၣ်အသးအိၣ်ဆၢထၢၣ်ထူၣ်ကလာ်န့ၣ်လီၤ. သုဘုကဒိၣ်တဖၣ်ဟဲအိၣ်ဝးတရံးယဘုကဒိၣ်ဒီးသကုးလီၤအသးလၢ ယဘုကဒိၣ်အမဲာ်ညါလီၤ.”

လံာ်တၢ်ကဲထီၣ်အခီၣ်ထံး 37:9

ဒီးစီၤယိၤသးအိၣ်ဒီးအတၢ်မံမီၢ်တဂၤတမံၤဒီးတဲဘၣ်အဒီပုၢ် ဝဲၢ်ခွါသ့ၣ်တဖၣ်, “ယအိၣ်ဒီးတၢ်မံမီၢ်အဂၤတမံၤ, ဒီးလၢယတၢ်မံမီၢ်အပူၤန့ၣ်, ယထံၣ်မုၢ်, လါဒီးဆၣ်တဆံ တဖျၢၣ်သကူးလီၤအသးလၢယမဲာ်ညါန့ၣ်လီၤ.”

လံာ်တၢ်ကဲထီၣ်အခီၣ်ထံး 41:25

စီၤယိၤသးစံးဘၣ်စီၤပၤ, “တၢ်မံမီၢ်ခံမံၤအံၤ, အခီပညီ မ့ၢ်တၢ်တမံၤဃီလီၤ. ကစၢ်ယွၤတဲဘၣ်နၤတၢ်လၢအဝဲကမၤဝဲန့ၣ် လီၤ.

လံာ်တၢ်ကဲထီၣ်အခီၣ်ထံး 41:28

တၢ်အံၤမ့ၢ်ဒ်ယစံးတ့ၢ်နၤအသိး, ကစၢ်ယွၤဒုးနဲၣ်နၤတၢ်လၢအဝဲ ကမၤဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 41:31

တၢ်အီၣ်ကုးအီပှဲၤအဆၢကတီၢ်ကဘၣ်တၢ်သးပ့ၤနီၣ်ကွံာ်အီၤလၢာ် လၢာ်ဆ့ဆ့, မ့ၢ်လၢတၢ်သၣ်ဝံၤလီၤဒိလၢအပိာ်ထွဲထီၣ်အခံကမ့ၢ်တၢ်လၢအနး ဒိၣ်မးအဃိန့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ဒၤနံးယ့လး 2:45

ဒ်နထံၣ်တ့ၢ်လၢၢ်တဖျၢၣ်လၢပှၤတထိးဘၣ်အီၤလၢအစုနီတဂၤ န့ၣ်လီၤတပှၢ်လၢလ့ကဘျၣ်ဖးထီအလိၤဒီးဟဲလီၤတီၢ်ဘၣ်တၢ်ဂီၤ န့ၣ်ဒီးမၤသဘှံးကွံာ်ထး, တိၢ်ဘီ, ကပံာ်, စ့ဒီးထူအသိးန့ၣ်, ကစၢ်ယွၤဖးဒိၣ်တဂၤလီၣ်ဖျါထီၣ်န့ၢ်နဲဒၣ်စီၤပၤလၢတၢ် ကမၤအသးဆူညါတဖၣ်အဂ့ၢ်န့ၣ်လီၤ. ယစံးဘၣ်တ့ၢ်နၤလီၤတံၢ်လီၤဆဲးတၢ်လၢနမံမီၢ်တ့ၢ်ဒီးဖးန့ၢ် တ့ၢ်နၤအခီပညီအမ့ၢ်အတီလီၤ.”

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မၢ်ကူး 10:40

ဘၣ်ဆၣ်ဒီးတၢ်ဒုးဆ့ၣ်နီၤပှၤလၢယစုထွဲမ့ၢ်ဂ့ၤ, ယစုစ့ၣ်မ့ၢ်ဂ့ၤန့ၣ် တအိၣ်လၢယစုပူၤဘၣ်. ကစၢ်ယွၤကဟ့ၣ်လီၤတၢ်လီၢ်တဖၣ် အံၤလၢပှၤလၢအဝဲဒၣ်ကတဲာ်ကတီၤပာ်ဝဲလၢအဂီၢ်န့ၣ်လီၤ.”

1 ကရံၣ်သူး 2:9

ဘၣ်ဆၣ်ဒီးဒ်တၢ်ကွဲးအသးစီဆှံစံးဝဲအသိး, “တၢ်လၢပှၤတထံၣ်တ့ၢ်ဒီးနၢ်ဟူတ့ၢ်နီတဂၤဘၣ် တၢ်လၢပှၤတဆိကမိၣ်ကမၤအသးနီတဂၤဘၣ်န့ၣ်, မ့ၢ်ဝဲတၢ်တမံၤဃီလၢ ကစၢ်ယွၤအိၣ်ကတဲာ်ကတီၤပာ်လၢ ပှၤလၢအအဲၣ်အီၤတဖၣ်အဂီၢ်လီၤ.”

၂ ကရံၣ်သူး 13:1

အဝဲအံၤ မ့ၢ်ယတၢ်ဟဲသၢဘျီတဘျီလၢယကအိၣ်သကိးသု အဂီၢ်လီၤ. ဒ်တၢ်ကွဲးအသးစံးဝဲအသိးန့ၣ်, “တၢ်ပာ်တၢ်ကမၣ်တမံၤမံၤကြၢးဘၣ်တၢ်ကတိၤဂၢၢ်ကတိၤ ကျၢၤအီၤလၢပှၤခံဂၤမ့တမ့ၢ်သၢဂၤအတၢ်အုၣ်အသးလီၤ.”

လံာ်လီၣ်ဖျါ 9:15

ကလူးလွံၢ်ဂၤန့ၣ်, ဘၣ်တၢ်ပျၢ်လီၤကွံာ်အီၤလီၤ. အဝဲသ့ၣ်ဘၣ်တၢ်ကတဲာ်ကတီၤပာ်အီၤလီၤဆီဒၣ်တၢ်လၢနၣ်ရံၣ်အံၤ, နံၤသီ, လါဒီးနံၣ်အံၤအဂီၢ်, ဒ်သိးအကမၤသံကွံာ်ပှၤဟီၣ်ခိၣ်ဖိ သၢပူတပူန့ၣ်လီၤ.