လံာ်တၢ်ကဲထီၣ်အခီၣ်ထံး 41:30 - Sgaw Karen Common Bible

³⁰ အန့ၣ်ဝံၤအလီၢ်ခံ, တၢ်သၣ်ဝံၤလီၤဒိနွံနံၣ်ကအိၣ်ထီၣ်ဝဲဒၣ်, ဒီးတၢ်အီၣ်ကုးအီပှဲၤအနံၣ်ခဲလၢာ်ကဘၣ်တၢ်သးပ့ၤနီၣ်ကွံာ် အီၤ, မ့ၢ်လၢတၢ်သၣ်ဝံၤလီၤဒိကမၤဟးဂီၤကွံာ်ထံကီၢ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 41:30 Iomraidhean Croise

လံာ်တၢ်ကဲထီၣ်အခီၣ်ထံး 41:21

ဘၣ်ဆၣ်ပှၤတသ့ၣ်ညါနီတဂၤမ့ၢ်လၢအဝဲသ့ၣ်ဖျါဃဲၤဒီးလာ်အၢဒၣ် ဒ်လၢညါအသိးအဃိန့ၣ်လီၤ. ဒီးယမံပၢၢ်ထီၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 41:27

ဂီၤဖံးမိၢ်အဃဲၤနွံဒုလၢအဟဲထီၣ်လၢခံဒီးဘုစဲၤနွံစဲၤလၢအသွံး, ဒီးဃ့ထီၣ်ကွံာ်လၢမုၢ်ထီၣ်ကလံၤန့ၣ်မ့ၢ်တၢ်သၣ်ဝံၤလီၤဒိ အနံၣ်နွံနံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 41:31

တၢ်အီၣ်ကုးအီပှဲၤအဆၢကတီၢ်ကဘၣ်တၢ်သးပ့ၤနီၣ်ကွံာ်အီၤလၢာ် လၢာ်ဆ့ဆ့, မ့ၢ်လၢတၢ်သၣ်ဝံၤလီၤဒိလၢအပိာ်ထွဲထီၣ်အခံကမ့ၢ်တၢ်လၢအနး ဒိၣ်မးအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 41:51

စီၤယိၤသးစံးဝဲ, “ကစၢ်ယွၤဒုးသးပ့ၤနီၣ်ကွံာ်ယၤယတၢ်နး တၢ်ဖှီၣ်ခဲလၢာ်ဒီးကယဲၢ်ယပၢ်အဟံၣ်ဖိဃီဖိခဲလၢာ်လံ.” လၢတၢ်န့ၣ်အဃိအဝဲယုၢ်န့ၢ်အဖိခွါဝဲၢ်ကိအမံၤလၢစီၤမနၤၡ့ၤ လီၤ.

လံာ်တၢ်ကဲထီၣ်အခီၣ်ထံး 41:54

ဒီးတၢ်သၣ်ဝံၤလီၤဒိနွံနံၣ်စးထီၣ်ဝဲ, ဒ်စီၤယိၤသးစံးတ့ၢ် ဝဲအသိးန့ၣ်လီၤ. လၢထံကီၢ်အဂၤခဲလၢာ်န့ၣ်, တၢ်သၣ်ဝံၤလီၤဒိအိၣ်ထီၣ်ဝဲ, ဘၣ်ဆၣ်ဒီးလၢကီၢ်အဲၤကူပတူးအပူၤသကုၤဆးဒးန့ၣ်တၢ်အီၣ်တၢ် အီအိၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 41:56

တၢ်သၣ်ဝံၤလီၤဒိနးထီၣ်ဝဲ, ဒီးရၤလီၤအသးလၢထံကီၢ်ဒီတဘ့ၣ် အပူၤသတးဒီး, စီၤယိၤသးအိးထီၣ်ကွံာ်တၢ်ပဒၢးဘုဧိၤဟုဧိၤအဟံၣ်တဖၣ်ဒီး ဆါလီၤဘုဧိၤဟုဧိၤဆူပှၤအဲၤကူပတူးဖိတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:13

တၢ်သၣ်ဝံၤလီၤဒိမၤအသးနးနးကျံးကျံးတုၤဒၣ်လဲာ်တၢ်အီၣ်တၢ် အီတအိၣ်လၢတၢ်လီၢ်နီတပူၤဘၣ်, ဒီးပှၤဂီၢ်မုၢ်လၢကီၢ်အဲၤကူပတူးဒီးကီၢ်ကနၤဧၣ်တဖၣ်လီၤဘှါ ဝဲလၢတၢ်သူၣ်ဝံၤသၣ်စ့ၤအဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:13

စီၤကးလဲၤဆူစီၤဒၤဝံးအအိၣ်ဒီးတဲဘၣ်အီၤကယဲၢ်တၢ်လၢယွၤ စံးတ့ၢ်ဝဲတဖၣ်, ဒီးသံကွၢ်အီၤ, “နဃုထၢမနုၤတမံၤလဲၣ်. တၢ်သၣ်ဝံၤလီၤဒိသၢနံၣ်လၢနထံနကီၢ်အပူၤဧါ. မ့တမ့ၢ်, တၢ်ထွးထီၣ်ဃ့ၢ်လၢနဒုၣ်နဒါအမဲာ်ညါသၢလါဧါ. မ့တမၢ်တၢ်သံသတြိာ်လၢနကီၢ်ပူၤသၢသီဧါ. ခဲအံၤဆိကမိၣ်ထံ တၢ်ဂ့ၢ်အံၤတက့ၢ်. ဒီးတဲယၤယကဘၣ်က့ၤစိာ်တၢ်စံးဆၢမနုၤတမံၤဆူယွၤအအိၣ်လဲၣ်တက့ၢ်.”

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤခံဘ့ၣ်တဘ့ၣ် 8:1

ဒီးခဲအံၤစီၤအလံၤၡါတဲဘၣ်ပိာ်မုၣ်လၢအအိၣ်ဆိးလၢဝ့ၢ်ၡူ န့ၣ်, လၢအဝဲမၤမူထီၣ်န့ၢ်က့ၤအဖိခွါလၢ, ယွၤကဒုးလီၤဘၣ်တၢ်သၣ် ဝံၤလီၤဒိတမံၤလၢကီၢ်န့ၣ်, လၢကယံာ်ဝဲနွံနံၣ်, ဒီးလၢအဝဲကဘၣ်ဟးထီၣ်ဃုာ်ဒီးအပှၤဟံၣ်ဖိဃီဖိ, ဒီးလဲၤဒီးအိၣ်ဆိးလၢတၢ်လီၢ်အဂၤတတီၤတီၤန့ၣ်လီၤ.

စံးထီၣ်ပတြၢၤ 105:16

ယွၤဒုးလီၤဘၣ်တၢ်သၣ်ဝံၤလီၤဒိလၢ အဝဲသ့ၣ်အထံအကီၢ်, ဒီးစိာ်ထီၣ်ကွံာ်အတၢ်အီၣ်တၢ်အီခဲလၢာ်လီၤ.

တၢ်ကတိၤဒိ. 31:7

ပျဲအဝဲသ့ၣ်အီဒၣ်ဝဲဒီးသးပ့ၤနီၣ်ကွံာ်အတၢ်ဖှီၣ်တၢ်ယာ်ဒီး အတၢ်သူၣ်တမုာ်သးတမုာ်န့ၣ်တက့ၢ်.

လံာ်ယၡါယၤ 65:16

ပှၤတဂၤဂ့ၤတဂၤဂ့ၤလၢထံကီၢ်ပူၤ, လၢအဃ့တၢ်ဆိၣ်ဂ့ၤတမံၤ န့ၣ်, ကဃ့ဝဲဒ်သိးတၢ်သူၣ်တီသးရၤအကစၢ်ယွၤကဆိၣ်ဂ့ၤအီၤအဂီၢ် န့ၣ်လီၤ. ပှၤတဂၤလၢ်လၢ်လၢအမၤတၢ်ဆိၣ်တမံၤန့ၣ်, ကဆိၣ်လီၤအသးလၢတၢ်သူၣ်တီသးရၤအကစၢ်ယွၤအမံၤ အပူၤန့ၣ်လီၤ. တၢ်ကီတၢ်ခဲလၢအပူၤကွံာ်တဖၣ် ကလၢာ်ကွံာ်ဒီးကဘၣ်တၢ်သးပ့ၤနီၣ်ကွံာ်အီၤန့ၣ်လီၤ.”

လံာ်လူၤကၣ် 4:25

ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ.

ယၤကိာ် 5:17

ဝံအ့ၤလံယၤမ့ၢ်ပှၤဒ်နၤယၤအသိးန့ၣ်လီၤ. အဝဲဘါထုကဖၣ်တၢ်သပှၢ်ပှၢ်ဒ်သိးတၢ်သုတဟဲစူၤတဂ့ၤဒီးလၢသၢ နံၣ်ဃုလါအတီၢ်ပူၤန့ၣ်, တၢ်တဟဲစူၤလီၤလၢဟီၣ်ခိၣ်အလိၤဘၣ်.