လံာ်တၢ်ကဲထီၣ်အခီၣ်ထံး 41:16 - Sgaw Karen Common Bible

¹⁶ စီၤယိၤသးစံးဆၢဝဲ, “ကစၢ်စီၤပၤဧၢ, ယဖးတၢ်မံမီၢ်အခီ ပညီတသ့ဘၣ်. ဘၣ်ဆၣ်ဒီးကစၢ်ယွၤကဟ့ၣ်နၤတၢ်အခီပညီလၢအဂ့ၤတမံၤလီၤ.”

လံာ်တၢ်ကဲထီၣ်အခီၣ်ထံး 41:16 Iomraidhean Croise

လံာ်တၢ်ကဲထီၣ်အခီၣ်ထံး 37:14

အပၢ်စံးဘၣ်အီၤ, “လဲၤဒီးကွၢ်မ့ၢ်နဒီပုၢ်ဝဲၢ်ခွါသ့ၣ်တဖၣ် ဒီးသိတဖၣ်အိၣ်ဘၣ်မုာ်မုာ်ခုၣ်ခုၣ်ဂ့ၤဂ့ၤဘၣ်ဘၣ်ကစီဒီဧါ. ဒီးဟဲက့ၤတဲစံးယၤတက့ၢ်.” ဒီးအပၢ်ပျဲလီၤအီၤလၢအတၢ် လဲၤအကျဲလၢဝ့ၢ်ဃ့ဘြိၣ်အတြီၤပူၤန့ၣ်လီၤ. စီၤယိၤသးလဲၤတုၤဝဲဆူၡက့ၣ်,

လံာ်တၢ်ကဲထီၣ်အခီၣ်ထံး 40:8

အဝဲသ့ၣ်စံးဆၢဝဲ, “ပဝဲတဂၤစုာ်စုာ်ပအိၣ်ဒီးပတၢ်မံမီၢ် ဒီးဖဲအံၤပှၤလၢကဖးန့ၢ်ပှၤတၢ်မံမီၢ်တဖၣ်အံၤအခီပညီတအိၣ် နီတဂၤဘၣ်.” စီၤယိၤသးစံးဘၣ်အဝဲသ့ၣ်, “ပှၤလၢအဟ့ၣ်တၢ်သ့တၢ်ဘၣ်လၢတၢ် ဖးတၢ်မံမီၢ်တဖၣ်အဂီၢ်န့ၣ်, မ့ၢ်ဒၣ်ကစၢ်ယွၤလီၤ. တဲယၤသုတၢ်မံမီၢ်တဖၣ်တက့ၢ်.”

လံာ်တၢ်ကဲထီၣ်အခီၣ်ထံး 41:17

စီၤပၤစံးဝဲ, “ယမံမီၢ်တ့ၢ်လၢယဆၢထၢၣ်လၢထံကျိနံလၤ အကၢၢ်နံၤ,

လံာ်တၢ်ကဲထီၣ်အခီၣ်ထံး 41:25

စီၤယိၤသးစံးဘၣ်စီၤပၤ, “တၢ်မံမီၢ်ခံမံၤအံၤ, အခီပညီ မ့ၢ်တၢ်တမံၤဃီလီၤ. ကစၢ်ယွၤတဲဘၣ်နၤတၢ်လၢအဝဲကမၤဝဲန့ၣ် လီၤ.

လံာ်တၢ်ကဲထီၣ်အခီၣ်ထံး 41:28

တၢ်အံၤမ့ၢ်ဒ်ယစံးတ့ၢ်နၤအသိး, ကစၢ်ယွၤဒုးနဲၣ်နၤတၢ်လၢအဝဲ ကမၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:27

ကီၢ်အံၣ်စရ့လးအစီၤပၤစံးဆၢဝဲဒၣ်, “ယွၤမ့ၢ်, တမၤစၢၤနၤဘၣ်ဒီးယဟ့ၣ်မၤစၢၤနၤမနုၤကသ့န့ၣ်လဲၣ်. မ့ၢ်ယအိၣ်ဒီးဘုကၠူၣ်မ့ၢ်ဂ့ၤစပံးထံမ့ၢ်ဂ့ၤတမံၤမံၤန့ၣ် ဧါ.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 4:2

ယဆိကမိၣ်တၢ်, မ့ၢ်တၢ်ဂ့ၤဘၣ်ယၤလၢယကဒုးသ့ၣ်ညါက့ၤ တၢ်ပနီၣ်တဖၣ်ဒီးတၢ်လီၤလးတဖၣ်လၢတၢ်ထီကတၢၢ်ကစၢ် ယွၤလီၣ်ဖျါထီၣ်တ့ၢ်လၢယၤန့ၣ်လီၤ.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်လူၤကၣ် 19:42

စံးဝဲ, “နမ့ၢ်သ့ၣ်ညါနဲမုၢ်မဆါတနံၤအံၤလၢ, တၢ်လိၣ်ဘၣ်မနုၤတဖၣ်လိၣ်ဝဲလၢတၢ်ဃူတၢ်ဖိးအဂီၢ်လဲၣ်န့ၣ်ဒီး, ကဂ့ၤမးလီၤ. မ့မ့ၢ်ခဲကနံၣ်အံၤ, နထံၣ်နဲတသ့ဘၣ်.

မၤတၢ် 3:12

တုၤစီၤပ့းတရူးထံၣ်ဘၣ်ပှၤတဖၣ်န့ၣ်ဒီး, အဝဲဒၣ်စံးဘၣ်အဝဲသ့ၣ်, “ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ဘၣ်မနုၤသုကမၢကမၣ်လၢတၢ်အံၤအဃိလဲၣ်. ဒီးဘၣ်မနုၤသုကွၢ်ထံကွၢ်ဆးပှၤန့ၣ်လဲၣ်. ပှၤတဂၤအံၤဟးက့ၤလၢအခီၣ်သ့ဝဲန့ၣ်, မ့ၢ်သုဆိကမိၣ်လၢပမၤအီၤ လၢပစိကမီၤဒၣ်ဝဲ, မ့တမ့ၢ်ဘၣ်ဒီးလၢပမ့ၢ်ပှၤစီဆှံအဃိန့ၣ်ဧါ.

မၤတၢ် 3:7

အန့ၣ်ဒီးစီၤပ့းတရူးဖီၣ်ထီၣ်အစုထွဲဒီးဝံၢ်ဆၢထၢၣ်အီၤ, ဒီးတဘျီဃီဖဲန့ၣ်အဝဲဒၣ်အခီၣ်လၣ်ဒီးအခီၣ်ဒ့တဖၣ်ဆှိၣ်ထီၣ်ဝဲဒၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

၂ ကရံၣ်သူး 3:5

တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.

လံာ်သိၣ်လီၤသီလီၤတၢ် 29:29

တၢ်အိၣ်ဒံးဝဲအဂၤတနီၤလၢယွၤ, ပကစၢ်ယွၤပၢၤဃာ်ခူသူၣ်တ့ၢ်အီၤ, ဘၣ်ဆၣ်အဝဲလီၣ်ဖျါတ့ၢ်အဝဲအတၢ်သိၣ်တၢ်သီ, လၢပှၤယူဒၤဖိအဂီၢ်ဒီးပဝဲဒီးပစၢၤပသွဲၣ်တဖၣ်ပကဘၣ်စူၢ်အီၤ လီၤစိၤလီၤထီန့ၣ်လီၤ.