လံာ်တၢ်ကဲထီၣ်အခီၣ်ထံး 40:8 - Sgaw Karen Common Bible

⁸ အဝဲသ့ၣ်စံးဆၢဝဲ, “ပဝဲတဂၤစုာ်စုာ်ပအိၣ်ဒီးပတၢ်မံမီၢ် ဒီးဖဲအံၤပှၤလၢကဖးန့ၢ်ပှၤတၢ်မံမီၢ်တဖၣ်အံၤအခီပညီတအိၣ် နီတဂၤဘၣ်.” စီၤယိၤသးစံးဘၣ်အဝဲသ့ၣ်, “ပှၤလၢအဟ့ၣ်တၢ်သ့တၢ်ဘၣ်လၢတၢ် ဖးတၢ်မံမီၢ်တဖၣ်အဂီၢ်န့ၣ်, မ့ၢ်ဒၣ်ကစၢ်ယွၤလီၤ. တဲယၤသုတၢ်မံမီၢ်တဖၣ်တက့ၢ်.”

လံာ်တၢ်ကဲထီၣ်အခီၣ်ထံး 40:8 Iomraidhean Croise

လံာ်တၢ်ကဲထီၣ်အခီၣ်ထံး 40:9

လၢတၢ်န့ၣ်အဃိ, ပှၤကွၢ်ထွဲစပံးထံစံးဝဲ, “လၢယတၢ်မံမီၢ်အပူၤန့ၣ်, စပံးမုၢ်တမုၢ်အိၣ်ဝဲလၢယမဲာ်ညါ,

လံာ်တၢ်ကဲထီၣ်အခီၣ်ထံး 41:25

စီၤယိၤသးစံးဘၣ်စီၤပၤ, “တၢ်မံမီၢ်ခံမံၤအံၤ, အခီပညီ မ့ၢ်တၢ်တမံၤဃီလီၤ. ကစၢ်ယွၤတဲဘၣ်နၤတၢ်လၢအဝဲကမၤဝဲန့ၣ် လီၤ.

လံာ်စီၤယိၤဘး 33:23

ဘၣ်သ့ၣ်သ့ၣ် ကလူးတဂၤ, လၢအမ့ၢ်ကစၢ်ယွၤအကလူးအကထိ တဖၣ်အကျါတဂၤ ကဟဲမၤစၢၤအီၤဒီး ဒုးသ့ၣ်နီၣ်ပှၤကညီ လၢအမူအဒါန့ၣ်လီၤ.

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ဒၤနံးယ့လး 2:11

တၢ်ဂ့ၢ်လၢစီၤပၤသံကွၢ်ဝဲန့ၣ်ကီဝဲတုၤဒၣ်လဲာ်မ့တမ့ၢ်ဘၣ်လၢက စၢ်တဖၣ်လၢအတအိၣ်ဝဲဆိးဝဲလၢပှၤကညီအကျါဘၣ်သတး ဒီးပှၤပာ်ဖျါထီၣ်အီၤဆူစီၤပၤတသ့နီတဂၤဘၣ်.”

လံာ်ဒၤနံးယ့လး 2:27

ဒီးစီၤဒၤနံးယ့လးစံးဆၢစီၤပၤ, “ပှၤသ့သမူပယၢ်တၢ်မ့ၢ်ဂ့ၤ, ပှၤမၤကဒါမဲာ်မ့ၢ်ဂ့ၤ, ပှၤဖးတၢ်ဟဲဝံဟဲစိာ်မ့ၢ်ဂ့ၤ, ပှၤဖးဆၣ်ဧိၤဖီဧိၤအဂ့ၢ်တဖၣ်မ့ၢ်ဂ့ၤလီၣ်ဖျါ ထီၣ်တၢ်အဒိၣ်အယိာ်လၢစီၤပၤသံကွၢ်န့ၣ်တသ့ဘၣ်နီတဂၤဘၣ်.

လံာ်ဒၤနံးယ့လး 2:28

ဘၣ်ဆၣ်ဒီးကစၢ်ယွၤလၢအမၤဖျါထီၣ်အတၢ်ခူသူၣ်အဒိၣ်အ ယိာ်အိၣ်ဝဲဒၣ်လၢမူခိၣ်တဂၤလီၤ. အဝဲလီၣ်ဖျါထီၣ်တ့ၢ်တၢ်ကမၤအ သးလၢမုၢ်နံၤလၢခံတဖၣ်အဂ့ၢ်န့ၣ်ဆူနၤ, စီၤပၤနဘူၤကးန့စၢ်အအိၣ်န့ၣ်လီၤ. ခဲကနံၣ်အံၤယကတဲဘၣ်နၤတၢ်မံမီၢ်ဒီးတၢ်ထံၣ်လၢညါခီလၢ နထံၣ်ဘၣ်တ့ၢ်ဖဲနမံသပ့ၤဘၣ်နသးအခါန့ၣ်လီၤ.

လံာ်ဒၤနံးယ့လး 2:3

စီၤပၤစံးဘၣ်အဝဲသ့ၣ်တဖၣ်, “ယမံမီၢ်တ့ၢ်တၢ်တမံၤဒီးယသး သူၣ်ကိၢ်သးဂီၤယဲလီၤ. ယအဲၣ်ဒိးသ့ၣ်ညါတၢ်မံမီၢ်အံၤအခီ ပညီန့ၣ်လီၤ.”

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 4:8

လၢခံကတၢၢ်န့ၣ်စီၤဒၤနံးယ့လး, လၢအဘၣ်တၢ်ယုၢ်က့ၤအမံၤ လၢဘ့ၤလးတၡါစၢ်ဒ်ယကစၢ်အမံၤအသိးန့ၣ်, ဟဲနုာ်ဆူ ယမဲာ်ညါလီၤ. ကစၢ်ယွၤလၢအစီဆှံတဂၤအသးအိၣ်လၢ အပူၤသတးဒီးယစံးဘၣ်အီၤတၢ်လၢယမံမီၢ်တ့ၢ်န့ၣ်လီၤ.

လံာ်ဒၤနံးယ့လး 5:16

ခဲကနံၣ်အံၤယနၢ်ဟူတ့ၢ်လၢနဃုထံၣ်တၢ်အခီပညီလီၤဘၢ တဖၣ်ဒီးတဲဖျါတၢ်ခူသူၣ်အဒိၣ်အယိာ်တဖၣ်သ့ဝဲဒၣ်လီၤ. နဖးတၢ်ကွဲးအသးအံၤဒီးတဲယၤလၢအခီပညီတဖၣ်မ့ၢ်သ့ဒီး, နကဘၣ်တၢ်ဒုးသိးထီၣ်နၤလၢစီၤလိၣ်စီၤပၤအဆ့ကၤဖးထီတဖၣ် အိၣ်ဒီးအလွဲၢ်လုးတကုာ်ဒီးဒုးလံာ်ထီၣ်နၤလၢတၢ်မၤလၤက ပီၤအဖဲထူတဝီလၢနကိာ်လိၤဒီးနကကဲထီၣ်ဘၣ်ပှၤပၢတၢ်သၢဂၤ တဂၤလၢဘီမုၢ်အပူၤန့ၣ်လီၤ.”

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.