လံာ်တၢ်ကဲထီၣ်အခီၣ်ထံး 40:13 - Sgaw Karen Common Bible

¹³ လၢသၢသီအတီၢ်ပူၤန့ၣ်, စီၤပၤကမၤထူၣ်ဖျဲးနၤ, ကပျၢ်နတၢ်ကမၣ်ဒီးပာ်က့ၤနၤလၢနလီၢ်န့ၣ်လီၤ. နကဟ့ၣ်အီၤအလီခီဒ်နမၤတ့ၢ်လၢညါအသိးဖဲနမ့ၢ်တ့ၢ်အပှၤကွၢ်ထွဲ စပံးထံန့ၣ်လီၤ.

လံာ်တၢ်ကဲထီၣ်အခီၣ်ထံး 40:13 Iomraidhean Croise

လံာ်တၢ်ကဲထီၣ်အခီၣ်ထံး 40:1

တၢ်ဆၢကတီၢ်တနီၤပူၤကွံာ်ဝံၤဒီးကီၢ်အဲၤကူပတူးအစီၤပၤအပှၤ ကွၢ်ထွဲစပံးထံတဂၤဒီးအပှၤကုၢ်ကိၣ်အဒိၣ်တဂၤမၤသးဒိၣ်ထီၣ် ဘၣ်စီၤပၤန့ၣ်လီၤ.

လံာ်တၢ်ကဲထီၣ်အခီၣ်ထံး 40:12

စီၤယိၤသးစံးဝဲ, “အခီပညီမ့ၢ်တၢ်အံၤလီၤ. တၢ်အဒ့သၢဒ့န့ၣ်, မ့ၢ်မုၢ်နံၤသၢနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 40:14

ဘၣ်ဆၣ်ဝံသးစူၤသ့ၣ်နီၣ်ယၤဖဲတၢ်ကိးမံၤဒဲးဘၣ်လီၢ်ဘၣ်စးလၢ နဂီၢ်တက့ၢ်. ယဃ့ကညးနၤ, သးကညီၤယၤဒီးတဲဘၣ်စီၤပၤလၢယဂ့ၢ်ဒီးမၤစၢၤယၤဒ်သိး ယကထူၣ်ဖျဲးထီၣ်ကွံာ်လၢဃိာ်အံၤအပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 7:4

စးထီၣ်ခဲအံၤဒီးဆူညါနွံနံၤန့ၣ်ယကဒုးစူၤလီၤမူခိၣ်ဒီး ကစူၤဝဲအနံၤလွံၢ်ဆံဒီးအနၤလွံၢ်ဆံလၢကမၤဟးဂီၤကွံာ်ကယဲၢ် တၢ်လၢအမူအသါတဖၣ်လၢယတ့တ့ၢ်အီၤခဲလၢာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 25:27

ဖဲနံၣ်တနံၣ်လၢစီၤအ့ဝလးမရိဒးကဲထီၣ်ကီၢ်ဘၤဘူၤလိၣ်အစီၤ ပၤန့ၣ်, အဝဲပာ်ဖျါထီၣ်အတၢ်သးကညီၤဆူကီၢ်ယူဒၤအစီၤပၤယဟိၤယါခံၣ်, ခီဖျိတၢ်ပျၢ်ဖျဲးကွံာ်အီၤလၢတၢ်စၢဃာ်အပူၤန့ၣ်လီၤ. တၢ်အံၤမၤအသးဖဲစီၤယဟိၤယါခံၣ်ဘၣ်တၢ်စိာ်ကွံာ်အီၤဒ်ပှၤဘၣ် တၢ်စၢဃာ်အသိးပှဲၤထီၣ်သၢဆံနွံနံၣ်တနံၣ်ဝံၤအလီၢ်ခံ, လါတဆံခံလါတလါထီၣ်ခံဆံနွံသီအနံၤန့ၣ်လီၤ.

စံးထီၣ်ပတြၢၤ 3:3

မ့မ့ၢ်နဲဒၣ်အံၤ, ယွၤဧၢ, နမ့ၢ်ကတီၤတဘ့ၣ်လၢ အအိၣ်ဝးတရံးယၤထီဘိလၢ တၢ်ဘၣ်ယိၣ်ဘၣ်ဘီအကတီၢ်, နဟ့ၣ်ယၤတၢ်မၤနၢၤ ဒီးတၢ်သူၣ်ဒူသးဒူန့ၣ်လီၤ.

လံာ်ယံးရမံယၤ 52:31

နံၣ်လၢစီၤအ့ဝလးမရၤဒိးကဲထီၣ်စီၤပၤလၢ ကီၢ်ဘၤဘူၤလိၣ်အပူၤန့ၣ်, အဝဲဒုးနဲၣ်တၢ်သးကညီဆူ ကီၢ်ယူဒၤအစီၤပၤယဟိၤယါခံၣ်ခီဖျိတၢ်ပျၢ်ဖျဲးကွံာ်အီၤလၢ ဃိာ်ပူၤန့ၣ်လီၤ. တၢ်အံၤမၤအသးဖဲ စီၤယဟိၤယါခံၣ်ဘၣ်တၢ်စိာ်ကွံာ် အီၤဒ်ပှၤဃိာ်ဖိတဂၤအသိးပှဲၤထီၣ်သၢဆံနွံနံၣ်, တဆံခံလါတလါ, လါထီၣ်ခံဆံယဲၢ်သီတသီနံၤန့ၣ်လီၤ.