လံာ်တၢ်ကဲထီၣ်အခီၣ်ထံး 4:8 - Sgaw Karen Common Bible

⁸ ဒီးစီၤကၤယံၣ်စံးဘၣ်အပုၢ်စီၤဟ့းဘ့းလး, “ပကလဲၤသကိးဆူပျီပူၤ” န့ၣ်လီၤ. ဒီးဖဲအတုၤလၢပျီပူၤန့ၣ်ဒီးစီၤကၤယံၣ်ထီဒါအပုၢ်စီၤဟ့း ဘ့းလးဒီးမၤသံကွံာ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 4:8 Iomraidhean Croise

လံာ်တၢ်ကဲထီၣ်အခီၣ်ထံး 4:25

စီၤအၤဒၣ်ဒီးအမါမၤန့ၢ်ကဒီးအဖိခွါအဂၤတဂၤန့ၣ်လီၤ. ဒီးအမါစံးဝဲဒၣ်, “လၢစီၤဟ့းဘ့းလး, ပှၤလၢအဘၣ်တၢ်မၤသံ အီၤလၢစီၤကၤယံၣ်တဂၤန့ၣ်အလီၢ်, ကစၢ်ယွၤဟ့ၣ်ယၤယဖိခွါတဂၤ လီၤ.” လၢတၢ်န့ၣ်အဃိအဝဲယုၢ်န့ၢ်ဝဲအမံၤလၢစီၤၡ့သးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:6

တၢ်ဒိၣ်ဧၢ, ယအိၣ်ဒီးဖိခွါခံဂၤ, ဒီးဘၣ်တနံၤန့ၣ်အဝဲသ့ၣ် အ့ၣ်လိာ်အသးလၢပျီတဖၣ်အပူၤ, ဖဲပှၤတအိၣ်နီတဂၤလၢကထုးဖှၣ်အဝဲသ့ၣ်ဘၣ်, ဒီးလၢအကျါတဂၤန့ၣ်မၤသံကွံာ်အဂၤတဂၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:4

တုၤစီၤယဟိရၣ်အိၣ်ဂၢၢ်ဆိးကျၢၤလၢတၢ်ပၢဘၣ်ဘီမုၢ်န့ၣ်, အဝဲမၢပှၤမၤသံကွံာ်အဒီပုၢ်ဝဲၢ်ခွါခဲလၢာ်ဒီးဒ်န့ၣ်အသိး ကီၢ်အံၣ်စရ့လးအပဒိၣ်ပပှၢ်တနီၤန့ၣ်လီၤ.

လံာ်စီၤနဃ့မယၤ 6:2

ဒီးလၢတၢ်န့ၣ်အဃိစီၤစၤနဘၤလး, ဒီးစီၤက့ၤၡ့ၣ်ဆှၢလီၤန့ၢ် ယၤတၢ်ကစီၣ်လၢယကထံၣ်လိာ်ယသးဒီးအီၤလၢသဝီတဖၣ် အကျါတဖျၢၣ်အိၣ်လၢတၢ်ပၢၤခိၣ်အိနိၤန့ၣ်လီၤ. တၢ်အံၤမ့ၢ်အဝဲသ့ၣ်အတၢ်ကူၣ်တမံၤလၢကမၤအၢယၤန့ၣ်လီၤ.

လံာ်စီၤယိၤဘး 11:15

တုၤနုၤတစုနကမိာ်ထီၣ်နမဲာ်တအိၣ်ဘၣ်ဒီးတၢ်မဲာ်ဆှးဘၣ်န့ၣ် လီၤ. နကအိၣ်ဆၢထၢၣ်ဂၢၢ်ကျၢၤဒီးနတပျံၤဘၣ်တၢ်ဘၣ်န့ၣ်လီၤ.

စံးထီၣ်ပတြၢၤ 139:19

ကစၢ်ယွၤဧၢ, ယသးအိၣ်မးလၢ နကမၤသံပှၤ တတီတလိၤန့ၣ်လီၤ. ယသးအိၣ်မးလၢ ပှၤမၤဆူၣ်မၤစိးတၢ်တဖၣ် ကဟးဖးဒီးယၤန့ၣ်လီၤ.

စံးထီၣ်ပတြၢၤ 36:3

အထးခိၣ်အတၢ်ကတိၤမ့ၢ် တၢ်အၢတၢ်သီဒီးတၢ်လီတၢ်ဝ့ၤန့ၣ်လီၤ. အဝဲသ့ၣ်ဆိကတီၢ်လၢကမၤတၢ်လၢတၢ်ကူၣ်သ့ ဒီးတၢ်မၤဂ့ၤတၢ်န့ၣ်လီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်မံကၤ 7:6

ဖိမုၣ်တဖၣ်ထီဒါက့ၤအမိၢ်တဖၣ်, ပိာ်မုၣ်သးစၢ်တဖၣ်အ့ၣ်လိာ် အသးဒီးမံၤပှၢ်ပိာ်မုၣ်တဖၣ်လီၤ. ပှၤတဂၤအဒုၣ်အဒါတဖၣ်မ့ၢ်အဟံၣ်ဖိဃီဖိဒၣ်ဝဲတဖၣ်လီၤ.

လံာ်တၢ်ဂံၢ် 35:20

ပှၤတဂၤမ့ၢ်သးဟ့ပှၤအဂၤတဂၤဂၤဒီးမၤသံကွံာ်အီၤခီဖျိတၢ် ဆီၣ်လီၤတဲာ်အီၤမ့ၢ်ဂ့ၤ, ကွံာ်အီၤလၢတၢ်တမံၤမံၤမ့ၢ်ဂ့ၤ,

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

လံာ်လူၤကၣ် 11:51

လၢတၢ်မၤသံစီၤဟ့းဘ့းလးတုၤလီၤလၢတၢ်မၤသံစီၤစကၤ ရယၤလၢအဘၣ်တၢ်မၤသံအီၤလၢတၢ်လုၢ်လီၢ်ဒီးတၢ်လီၢ်စီဆှံ အဘၢၣ်စၢၤန့ၣ်လီၤ. မ့ၢ်လီၤ. ယစံးဘၣ်တဲဘၣ်သု, ပှၤတစိၤအံၤကဘၣ်တၢ်စံၣ်ညီၣ်အီၤလၢအဝဲသ့ၣ်တဖၣ်ခဲလၢာ်အဃိလီၤ.

လံာ်လူၤကၣ် 22:48

ဘၣ်ဆၣ်ဒီးယ့ၣ်ၡူးစံးဝဲဒၣ်, “စီၤယူဒၤဧၢ, မ့ၢ်နဟ့ၣ်လီၤကွံာ်ပှၤကညီဖိခွါလၢတၢ်နၢမူတဘီန့ၣ်ဧါ.”

ဧ့ၤဘြံၤ 11:4

လၢတၢ်စူၢ်တၢ်နာ်န့ၣ်, စီၤဟ့းဘ့းလးလုၢ်ထီၣ်ကစၢ်ယွၤလၢတၢ်လုၢ် လၢအဂ့ၤဒိၣ်န့ၢ်စီၤကၤယံၣ်အတၢ်လုၢ်တက့ၢ်ဒီးလၢတၢ်အံၤ အဃိ, အဝဲဒၣ်ဒိးန့ၢ်ဘၣ်ယွၤအတၢ်ဘၣ်သူၣ်ဘၣ်သးဒ်ပှၤအတီ အလိၤတဂၤအသိး, အဂ့ၢ်မ့ၢ်လၢကစၢ်ယွၤအကစၢ်ဒၣ်ဝဲအုၣ်အသးခီဖျိအတူၢ်လိာ် အဝဲဒၣ်အတၢ်ဟ့ၣ်အဃိန့ၣ်လီၤ. လၢအတၢ်စူၢ်တၢ်နာ်အဃိအဝဲဒၣ်သံဘၣ်ဆၣ်ကတိၤဒံးတၢ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.