လံာ်တၢ်ကဲထီၣ်အခီၣ်ထံး 4:4 - Sgaw Karen Common Bible

⁴ ဒီးစီၤဟ့းဘ့းလးဟဲစိာ်စ့ၢ်ကီးသိဝဲၢ်ကိလၢအဖှံလီၤလၢအသိ အကျါတဒုဒီးမၤသံဝဲဝံၤနီၤဖးဝဲတၢ်ဖံးတၢ်ညၣ်အဂ့ၤကတၢၢ် တနီၤဒီးဟ့ၣ်ထီၣ်ဝဲဒ်တၢ်လုၢ်တၢ်ပာ်တမံၤအသိးန့ၣ်လီၤ. ယွၤဘၣ်သူၣ်ဘၣ်သးလၢစီၤဟ့းဘ့းလးဒီးအတၢ်လုၢ်တၢ်ပာ်န့ၣ်လီၤ.

လံာ်တၢ်ကဲထီၣ်အခီၣ်ထံး 4:4 Iomraidhean Croise

လံာ်တၢ်ကဲထီၣ်အခီၣ်ထံး 15:17

ဒီးတုၤမုၢ်လီၤနုာ်တ့ၢ်လံဒီးတၢ်ခံးလီၤယုၢ်ကလာ်န့ၣ်မ့ၣ်အူ လုၢ်အသပၢၤတဖျၢၣ်ဒီးဆှီကဲၤကပျီၤတဘိအိၣ်ဖျါထီၣ်သတူၢ်ကလာ် ခီဂာ်တ့ၢ်ဖဲဆၣ်ဖိကီၢ်ဖိအကူာ်တဖၣ်အဘၢၣ်စၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 4:3

လၢခံတယံာ်ဘၣ်ဒီးစီၤကၤယံၣ်ဟဲစိာ်အဘုဧိၤဟုဧိၤတနီၤဒီး ဟ့ၣ်ထီၣ်တၢ်န့ၣ်ဒ်တၢ်လုၢ်တၢ်ပာ်တမံၤအသိးဆူယွၤအအိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:24

ဝံၤဒီး, မ်ဘဧၤလးအဝံတဖၣ်ဘါထုကဖၣ်တၢ်ဆူအဝဲသ့ၣ်အကစၢ်အ အိၣ်, ဒီးယကဘါထုကဖၣ်တၢ်ဆူယွၤအအိၣ်လီၤ. ဒီးကစၢ်တဂၤလၢအစံးဆၢတၢ်ခီဖျိဆှၢလီၤမ့ၣ်အူန့ၣ်, အဝဲမ့ၢ်ကစၢ်ယွၤလီၤ.” ပှၤဂီၢ်မုၢ်ကိးသတြီထီၣ်အတၢ်ဘၣ်သူၣ်ဘၣ်သးန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:38

ယွၤဆှၢလီၤမ့ၣ်အူဒီးမ့ၣ်အူန့ၣ်အီၣ်ကွံာ်ဝဲတၢ်လုၢ်တၢ်ပာ်, သ့ၣ်မုၣ်, လၢၢ်တဖၣ်ဒီးဟီၣ်ခိၣ်ကမူၣ်ဒီးအီၣ်ဃ့ထီၣ်ကွံာ်စ့ၢ် ကီးထံလၢတၢ်ကျိၤအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:26

အဝဲသူၣ်ထီၣ်တၢ်လုၢ်လီၢ်တခါလၢယွၤအဂီၢ်ဖဲန့ၣ်, ဒီးဆူးကဲၤတၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ် န့ၣ်လီၤ. အဝဲဘါထုကဖၣ်တၢ်ဒီးယွၤစံးဆၢအီၤခီဖျိတၢ်ဆှၢလီၤမ့ၣ်အူ လၢမူခိၣ်ဒ်သိးကအီၣ်ကွံာ်တၢ်လုၢ်တဖၣ်လၢအအိၣ်လၢတၢ်လုၢ်လီၢ် အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:1

ဖဲစီၤပၤၡလိၤမိၤမၤကတၢၢ်အတၢ်ဘါထုကဖၣ်ဝံၤန့ၣ်, မ့ၣ်အူဟဲလီၤလၢမူခိၣ်, ဒီးအီၣ်ကွံာ်တၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်တ့ၢ်အီၤ, ဒီးယွၤအတၢ်အိၣ်ဝဲအတၢ်ကပီၤကပြုၢ်ကပြီၤမၤပှဲၤယွၤအတၢ်လုၢ် ဟံၣ်န့ၣ်လီၤ.

စံးထီၣ်ပတြၢၤ 20:3

မ်အသ့ၣ်နီၣ်ထီၣ်က့ၤနတၢ်မၤဘူၣ်ခဲလၢာ် ဒီးသးခုတူၢ်လိာ်နတၢ်လုၢ်မ့ၣ်အူတဖၣ်န့ၣ်တက့ၢ်. စ့လၤ

လံာ်တၢ်ဟးထီၣ်ကွံာ် 13:12

သုကဘၣ်လုၢ်ထီၣ်ကယဲၢ်တၢ်အဝဲၢ်ကိကိးမံၤဒဲးဆူယွၤအအိၣ်န့ၣ်လီၤ. ဒီးကယဲၢ်သုဆၣ်ဖိကီၢ်ဖိအဝဲၢ်ကိအဖါခဲလၢာ်ဘၣ်ဃးဒီးယွၤန့ၣ်လီၤ.

တၢ်ကတိၤဒိ. 3:9

မၤလၤကပီၤယွၤလၢနတၢ်လုၢ်ထီၣ်ပာ်ထီၣ်တမံၤ, လၢအမ့ၢ်တၢ်အဂ့ၤကတၢၢ်လၢတၢ်လၢနဟီၣ်ခိၣ်အတၤသၣ်အကျါတက့ၢ်.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:24

ဒီးယွၤဆှၢလီၤမ့ၣ်အူသတူၢ်ကလာ်ဒီးအီၣ်ကွံာ်တၢ်လုၢ်မ့ၣ်အူ ဒီးအသိတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. ဒီးဖဲပှၤဂီၢ်မုၢ် ထံၣ်ဘၣ်တၢ်န့ၣ်, အဝဲသ့ၣ်ခဲလၢာ်ကိးသတြီထီၣ်ဒီးထိၣ်လီၤပှီၤအသးလီၤ.

လံာ်တၢ်ဂံၢ် 16:15

စီၤမိၤၡ့အသးဒိၣ်ထီၣ်ဝဲဒီးစံးဘၣ်ယွၤ, “တူၢ်လိာ်ပှၤသ့ၣ်တဖၣ်အံၤအတၢ်လုၢ်တၢ်ပာ်တဖၣ်လၢအဟဲ စိာ်ဝဲန့ၣ်နီတမံၤတဂ့ၤ. ယတမၤကမၣ်တ့ၢ်အဝဲသ့ၣ်နီတဂၤဘၣ်. ယတဟံးန့ၢ်ဒၣ်လဲာ်အကသ့ၣ်ယီၤတဖၣ်အကျါတဒုဘၣ်.”

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်တၢ်ဂံၢ် 18:12

ကယဲၢ်တၤသၣ်ဆိအဂ့ၤကတၢၢ်လၢပှၤအံၣ်စရ့လးဖိတဖၣ်ဟ့ၣ်ထီၣ်ယၤ ကိးနံၣ်ဒဲးလၢအမ့ၢ်သ့ၣ်စၤယံးအသိ, စပံးထံ, ဒီးဘုဧိၤဟုဧိၤတဖၣ်န့ၣ်ယဟ့ၣ်နၤလီၤ.

လံာ်တၢ်ဂံၢ် 18:17

ဘၣ်ဆၣ်ဒီးဂီၤဖံးမိၢ်တဖၣ်အဖိဝဲၢ်ကိ, သိတဖၣ်အဖိဝဲၢ်ကိ, ဒီးမဲာ်တဲးလဲးတဖၣ်အဖိဝဲၢ်ကိန့ၣ်တဘၣ်တၢ်ပှ့ၤက့ၤဘၣ်အီၤဘၣ်. အဝဲသ့ၣ်ဘၣ်ဃးဒီးယၤလၢာ်လၢာ်ဆ့ဆ့ဒီးကဘၣ်တၢ်လုၢ်ထီၣ်ပာ်ထီၣ် အီၤန့ၣ်လီၤ. လူလီၤအသွံၣ်လၢတၢ်လုၢ်လီၢ်အဖီခိၣ်ဒီးဆိၣ်ကဲၤအသိဒ် တၢ်လုၢ်တၢ်အီၣ်အသိးလၢအမ့ၢ်တၢ်နၢမူမၤမုာ်ယသးန့ၣ်တက့ၢ်.

ဧ့ၤဘြံၤ 11:4

လၢတၢ်စူၢ်တၢ်နာ်န့ၣ်, စီၤဟ့းဘ့းလးလုၢ်ထီၣ်ကစၢ်ယွၤလၢတၢ်လုၢ် လၢအဂ့ၤဒိၣ်န့ၢ်စီၤကၤယံၣ်အတၢ်လုၢ်တက့ၢ်ဒီးလၢတၢ်အံၤ အဃိ, အဝဲဒၣ်ဒိးန့ၢ်ဘၣ်ယွၤအတၢ်ဘၣ်သူၣ်ဘၣ်သးဒ်ပှၤအတီ အလိၤတဂၤအသိး, အဂ့ၢ်မ့ၢ်လၢကစၢ်ယွၤအကစၢ်ဒၣ်ဝဲအုၣ်အသးခီဖျိအတူၢ်လိာ် အဝဲဒၣ်အတၢ်ဟ့ၣ်အဃိန့ၣ်လီၤ. လၢအတၢ်စူၢ်တၢ်နာ်အဃိအဝဲဒၣ်သံဘၣ်ဆၣ်ကတိၤဒံးတၢ်လီၤ.

ဧ့ၤဘြံၤ 9:22

နီၢ်နီၢ်တခီဖဲအဘၣ်ဃးတၢ်သိၣ်တၢ်သီန့ၣ်, တၢ်ခဲလၢာ်ဃၣ်ဃၣ်ဘၣ်တၢ်မၤကဆှီအီၤလၢတၢ်သွံၣ်ဒီးတၢ်သွံၣ် တဘၣ်တၢ်ဂၢ်လီၤအီၤဘၣ်ဒီးတၢ်ပျၢ်တၢ်ဒဲးဘးတအိၣ်ဘၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်ပှၤစံၣ်ညီၣ်ကွီၢ် 6:21

တုၤနုၤတစုယွၤအကလူးယူာ်ဃီၤအစုဒီးထိးဘၣ်တၢ်ညၣ်ဒီးကိၣ် န့ၣ်လၢနီၣ်ထိးဘိလၢအစိာ်ဃာ်ဝဲလၢအစုန့ၣ်လီၤ. ဒီးမ့ၣ်အူ ဟဲထီၣ်လၢလၢၢ်ပူၤဒီးအီၣ်ကွံာ်တၢ်ညၣ် ဒီးကိၣ်န့ၣ်လီၤ. အန့ၣ်ဝံၤဒီးကလူးန့ၣ်ဟါမၢ်ကွံာ်ဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.