လံာ်တၢ်ကဲထီၣ်အခီၣ်ထံး 4:17 - Sgaw Karen Common Bible

¹⁷ စီၤကၤယံၣ်ဒီးအမါဒိးန့ၢ်ဘၣ်ဖိခွါတဂၤဒီးယုၢ်န့ၢ်ဝဲအမံၤ လၢစီၤဃနိာ်န့ၣ်လီၤ. ဒီးစီၤကၤယံၣ်သူၣ်ထီၣ်ဝ့ၢ်တဖျၢၣ်ဒီးယုၢ်ထွဲဝဲအမံၤဒ်သိးသိး ဒီးအဖိခွါစီၤဃနိာ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 4:17 Iomraidhean Croise

လံာ်တၢ်ကဲထီၣ်အခီၣ်ထံး 11:4

ဒီးအဝဲသ့ၣ်စံးဝဲ, “ခဲကနံၣ်အံၤမ်ပကသူၣ်ထီၣ်သကိးဝ့ၢ် တဝ့ၢ်ဃုာ်ဒီးတၢးထီခၢၣ်သနၢၢ်တခါလၢအတုၤထီၣ်ဘးမူခိၣ်ဒ်သိး ပကမၤဒိၣ်မၤဖျါပမံၤဒီးပသုတလီၤပြံလီၤပြါလၢဟီၣ်ခိၣ်ဒီ ဘ့ၣ်ညါတဂ့ၤအဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 4:16

ဒီးစီၤကၤယံၣ်ဟးထီၣ်ကွံာ်လၢယွၤအမဲာ်ညါဒီးလဲၤအိၣ်ဝဲဆိး ဝဲလၢကီၢ်နိာ်အခီပညီ “တၢ်ဟးဝ့ၤဝီၤ” အိၣ်လၢဧ့ၤဒ့ၣ်မုၢ်ထီၣ်တခီလီၤ.

လံာ်တၢ်ကဲထီၣ်အခီၣ်ထံး 4:18

ဒီးစီၤဃနိာ်အိၣ်ဒီးအဖိခွါအမံၤမ့ၢ်ဝဲစီၤဧံၤရးလၢအမ့ၢ် စီၤမဃူယအ့လးအပၢ်, ဒီးစီၤမဃူယအ့လးအိၣ်ဒီးအဖိခွါလၢအမံၤမ့ၢ်ဝဲ စီၤမသူၡ့အ့လးလၢအမ့ၢ်စီၤလ့ၤမ့းအပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 5:18

ဖဲစီၤယၤရ့းအသးအိၣ်တကယၤဃုဆံခံနံၣ်န့ၣ်ထီၣ်ဖိအဖိခွါ တဂၤလၢအမ့ၢ်စီၤဃနိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 5:22

အန့ၣ်ဝံၤအလီၢ်ခံစီၤဃနိာ်ရ့လိာ်သကိးအသးဒီးကစၢ်ယွၤအနံၣ် သၢကယၤဒီးထီၣ်ဖိအဖိအဂုၤအဂၤတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:18

ဖဲအဝဲအိၣ်မူဒံးအခါန့ၣ်စီၤအးဘၡါလိၣ်သူၣ်ထီၣ်တ့ၢ် တၢ်သ့ၣ်နီၣ်အလၢၢ်ထူၣ်တထူၣ်လၢအဂီၢ်ဒၣ်ဝဲလၢစီၤပၤအတၢ်တြီၤပူၤန့ၣ် လီၤ. အဂ့ၢ်ဒ်အံၤ, အဝဲတအိၣ်ဒီးအဖိခွါနီတဂၤလၢကစိာ်မူအဝဲအမံၤ အဂီၢ်န့ၣ်ဘၣ်. လၢတၢ်န့ၣ်အဃိအဝဲယုၢ်န့ၢ်လၢၢ်ထူၣ်န့ၣ်အမံၤဒ်အဝဲအမံၤဒၣ်ဝဲ ဒီးတုၤမုၢ်မဆါတနံၤအံၤန့ၣ်, လၢၢ်ထူၣ်န့ၣ်ဘၣ်တၢ်သ့ၣ်ညါအီၤဒ်တၢ်သ့ၣ်နီၣ်စီၤအးဘၡါလိၣ် အလၢၢ်ထူၣ်န့ၣ်လီၤ.

စံးထီၣ်ပတြၢၤ 49:11

တဘျီအဝဲသ့ၣ်မ့ၢ်အိၣ်ဒီးအဟီၣ်ခိၣ်တဖၣ်ဒၣ်လဲာ်, အတၢ်သွၣ်ခိၣ်တဖၣ်မ့ၢ်အဟံၣ်အဃီလီၤစိၤဒီး, အိၣ်ဝဲဖဲန့ၣ်ကိးဆၢကိးကတီၢ်ဒဲးန့ၣ်လီၤ.

စံးထီၣ်ပတြၢၤ 49:12

ပှၤကညီတဂၤ အတၢ်ဒိၣ်တၢ်မုၢ် မၤပူၤဖျဲးအီၤလၢ တၢ်သံတသ့ဘၣ်. အဝဲကသံစ့ၢ်ကီး ဒ်သိးဆၣ်ဖိကီၢ်ဖိတဖၣ်န့ၣ်လီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”