လံာ်တၢ်ကဲထီၣ်အခီၣ်ထံး 4:15 - Sgaw Karen Common Bible

¹⁵ ဘၣ်ဆၣ်ယွၤစံးဆၢအီၤ, “တမ့ၢ်ဘၣ်. ပှၤတဂၤဂၤမ့ၢ်မၤသံနၤဒီးသးသမူနွံဖျၢၣ်ကဘၣ်တၢ်ဟံးန့ၢ်က့ၤ အီၤလၢတၢ်ဟ့ၣ်ကၣ်တၢ်အဂီၢ်န့ၣ်လီၤ.” လၢတၢ်န့ၣ်အဃိယွၤပာ်တၢ်ပနီၣ်တမံၤလၢစီၤကၤယံၣ်အလိၤဒ်သိး ပှၤတဂၤလၢ်လၢ်လၢအထံၣ်အီၤအသုတမၤသံအီၤတဂ့ၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 4:15 Iomraidhean Croise

လံာ်တၢ်ကဲထီၣ်အခီၣ်ထံး 4:24

သးသမူနွံဖျၢၣ်မ့ၢ်ဘၣ်တၢ်ဟံးထီၣ်ကွံာ်လၢတၢ်မၤသံစီၤကၤယံၣ် အဃိန့ၣ်ဒီး ပှၤတဂၤလၢ်လၢ်မ့ၢ်မၤသံယၤန့ၣ်, သးသမူနွံဆံနွံဖျၢၣ်ကဘၣ်တၢ်ဟံးထီၣ်ကွံာ်အီၤလီၤ.”

လံာ်စီၤပၤအခီၣ်ထံးတဘ့ၣ် 16:7

ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

စံးထီၣ်ပတြၢၤ 59:11

မၤသံအဝဲသ့ၣ်တဂ့ၤ, ကစၢ်ယွၤဧၢ, မ့တမ့ၢ်ဘၣ်န့ၣ် ယပှၤဂီၢ်မုၢ်ကသးပ့ၤနီၣ်ဘၣ်ဖုးတၢ်လီၤ. ယွၤလၢအမ့ၢ်ပကတီၤတဘ့ၣ်ဧၢ, လၢနဂံၢ်နဘါန့ၣ် မၤလီၤပြံလီၤပြါအီၤဒီး မၤနၢၤကွံာ်အဝဲသ့ၣ်တက့ၢ်.

စံးထီၣ်ပတြၢၤ 79:12

ယွၤဧၢ, ပှၤလၢပဃၢၤ, ပှၤကတိၤဒုၣ်ဒွဲၣ်တၢ်သ့ၣ်တဖၣ်န့ၣ်ဟ့ၣ်ကၣ်အီၤနွံစးလၢ အသးနါပှၢ်အပူၤ, လၢအကတိၤဒုၣ်ဒွဲၣ်နၤအဃိန့ၣ်တက့ၢ်.

တၢ်ကတိၤဒိ. 6:31

တုၤမ့ၢ်တၢ်ဖီၣ်န့ၢ်အီၤဒီး, အဝဲကဘၣ်ဟ့ၣ်က့ၤတၢ်အါန့ၢ်အလီၢ်နွံစး, ကဘၣ်ဟ့ၣ်တၢ်လၢအအိၣ်ဒီးအီၤခဲလၢာ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

လံာ်ဟိၤၡ့ 1:4

ယွၤတဲဘၣ်စီၤဟိၤၡ့, “ကိးအမံၤလၢစီၤယံးစရ့လးတက့ၢ်. အဂ့ၢ်ဒ်အံၤ, တယံာ်ဘၣ်ဒီးယကစံၣ်ညီၣ်ကီၢ်အံၣ်စရ့လးအစီၤပၤ, လၢတၢ်မၤသံလၢပှၤလၢအဝဲအစၢၤအသွဲၣ်တဂၤ, စီၤယ့ၤဟူ မၤတ့ၢ်ဝဲလၢယံးစရ့လးအတြီၤပူၤအဃိန့ၣ်လီၤ. ယကဒုးကတၢၢ်ကွံာ်စီၤယ့ၤဟူအဘီအမုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:18

ဒီးတၢ်စံၣ်ညီၣ်လၢထးတဖၣ်အံၤဘၣ်သုဒၣ်လဲာ်န့ၣ်သုမ့ၢ်တဒိ ကနၣ်ဘၣ်ယၤဒီး, ယကမၤအါထီၣ်တၢ်စံၣ်ညီၣ်နွံဘျီလၢသုဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 26:21

သုမ့ၢ်ထီဒါဒံးယၤဒီးတဒိကနၣ်ဘၣ်ယၤန့ၣ်, ယကမၤအါထီၣ်ကဒီးတၢ်စံၣ်ညီၣ်နွံဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:24

ယကဃၣ်ဒူချၢယသး လၢသုဒီးစံၣ်ညီၣ်သုနးန့ၢ်ဒံးတၢ်စံၣ်ညီၣ်လၢညါနွံဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်မးသဲ 26:52

ယ့ၣ်ၡူးစံးဘၣ်အီၤ, “ပာ်က့ၤနနးလၢအလီၢ်ဒၣ်ဝဲတက့ၢ်. အဂ့ၢ်ဒ်အံၤပှၤလၢအဖီၣ်ထီၣ်နးန့ၣ်ကသံလၢနးခဲလၢာ်လီၤ.

လံာ်လီၣ်ဖျါ 14:11

မ့ၣ်အူလၢအမၤအၢမၤနးအဝဲသ့ၣ်တဖၣ်န့ၣ်, အလုၢ်ခုၣ်ထီၣ်ဝဲလီၤ စိၤလီၤဃၣ်လီၤ. ပှၤသ့ၣ်တဖၣ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤဒီးအက့ၢ် အဂီၤ, ပှၤတဂၤဂ့ၤတဂၤဂ့ၤလၢအအိၣ်ဒီးတၢ်ပနီၣ်ဘၣ်ဃးတၢ်ဒူ တၢ်ဃိၤအမံၤ, ပှၤသ့ၣ်တဖၣ်အံၤအဂီၢ်န့ၣ်, လၢမုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤတၢ်အိၣ်ဘှံးအိၣ်သါ တအိၣ်ဝဲဘၣ်.”

လံာ်လီၣ်ဖျါ 14:9

ကလူးသၢဂၤတဂၤပိာ်ထီၣ်အခီၣ်ထံးခံဂၤန့ၣ်အခံဒီးစံးဝဲလၢ အကလုၢ်ဖးဒိၣ် “ပှၤတဂၤလၢ်လၢ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤ တဒုအံၤဒီးအက့ၢ်အဂီၤဝံၤ, ဒိးန့ၢ်ဘၣ်တၢ်ပနီၣ်လၢအခိၣ်တိသၣ်မ့တမ့ၢ်လၢအစုလိၤန့ၣ်,