လံာ်တၢ်ကဲထီၣ်အခီၣ်ထံး 4:11 - Sgaw Karen Common Bible

¹¹ နဘၣ်တၢ်ပာ်နၤလၢတၢ်ဆိၣ်အၢအဖီလာ်ဒီးနသူၣ်နဖျးတၢ်လၢဟီၣ်ခိၣ် တသ့လၢၤဘၣ်န့ၣ်လီၤ. တၢ်လီၤဂာ်ဒ်ဟီၣ်ခိၣ်အိးထီၣ်အထးခိၣ်လၢကတူၢ်လိာ်ယူၢ်လီၤနပုၢ် အသွံၣ်ဖဲနမၤသံအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 4:11 Iomraidhean Croise

လံာ်တၢ်ကဲထီၣ်အခီၣ်ထံး 3:14

တုၤနုၤတစုယွၤ, ကစၢ်ယွၤစံးဘၣ်ဂုၢ်, “နကဘၣ်တၢ်စံၣ်ညီၣ်လၢ နမၤတၢ်အံၤအဃိလီၤ. လၢကယဲၢ်ဆၣ်ဖိကီၢ်ဖိအကျါန့ၣ်, ထဲနၤဧိၤန့ၣ်, နကဘၣ်တူၢ်တၢ်ဆိၣ်အၢအံၤလီၤ. တုၤအံၤဆူညါနကဘၣ်စွါလၢနဟၢဖၢဒီးနကဘၣ်အီၣ်ဟီၣ်ခိၣ်အကမူၣ် တစိၤနသးသမူန့ၣ်လီၤ.

လံာ်တၢ်ကဲထီၣ်အခီၣ်ထံး 4:14

နဟီထီၣ်ကွံာ်ယၤလၢတၢ်လီၢ်အံၤဒီးဟီယံၤကွံာ်ယၤလၢနမဲာ်ညါ န့ၣ်လီၤ. ယကမ့ၢ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢဒီးကယဲၢ် ပှၤတဂၤလၢ်လၢ်လၢအထံၣ်ယၤကမၤသံယၤန့ၣ်လီၤ.”

လံာ်တၢ်ကဲထီၣ်အခီၣ်ထံး 5:29

ဒီးစံးဝဲဒၣ်, “ဖိသၣ်အံၤကဟဲစိာ်န့ၢ်ပှၤတၢ်ထူၣ်ဖျဲးလၢ ကယဲၢ်ပတၢ်မၤအကီအခဲလၢဟီၣ်ခိၣ်လၢယွၤပာ်တၢ်ဆိၣ်အၢတမံၤအဖီခိၣ် န့ၣ်လီၤ.” လၢတၢ်န့ၣ်အဃိယုၢ်န့ၢ်ဝဲအမံၤလၢစီၤနိအၤန့ၣ် လီၤ.

လံာ်စီၤယိၤဘး 16:18

ဟီၣ်ခိၣ်ဧၢ, ပာ်ခူသူၣ်တၢ်ကမၣ်တဖၣ်လၢပှၤမၤဘၣ်တ့ၢ်ယၤန့ၣ် တဂ့ၤ. ယတၢ်ကိးထီၣ်လၢတၢ်တီတၢ်လိၤအဂီၢ်န့ၣ်ပျဲအိၣ်ဘှ့ၣ် အိၣ်ဘှီၣ်အီၤတဂ့ၤ.

လံာ်ယၡါယၤ 26:21

ယွၤကဟဲဝဲလၢအလီၢ်ပစိာ်လၢမူခိၣ်ဒ်သိးကစံၣ်ညီၣ်ပှၤဂီၢ်မုၢ်လၢ ဟီၣ်ခိၣ်အံၤလၢအဝဲသ့ၣ်အတၢ်ဒဲးဘးဒၣ်ဝဲအဃိလီၤ. တၢ်မၤသံမၤဝီတဖၣ်လၢတၢ်မၤတ့ၢ်အီၤလၢတၢ်ခူသူၣ်အပူၤလၢ ဟီၣ်ခိၣ်အံၤ, ကဘၣ်တၢ်မၤဖျါထီၣ်အီၤလီၤ. ဒီးဟီၣ်ခိၣ်တပာ်ခူသူၣ်လၢၤပှၤလၢအဘၣ်တၢ်မၤသံတ့ၢ်အီၤ တဖၣ်လၢၤဘၣ်.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

လံာ်လီၣ်ဖျါ 12:16

ဘၣ်ဆၣ်ဒီးဟီၣ်ခိၣ်မၤစၢၤပိာ်မုၣ်တဂၤန့ၣ်လီၤ. အဝဲဒၣ်အိးထီၣ်အထးခိၣ်ဒီးယူၢ်လီၤကွံာ်ထံလၢအဟဲဖျိးထီၣ် တ့ၢ်ဝဲလၢပယိၤအကိာ်ပူၤန့ၣ်လီၤ.