လံာ်တၢ်ကဲထီၣ်အခီၣ်ထံး 4:10 - Sgaw Karen Common Bible

¹⁰ ဒီးယွၤစံးဘၣ်အီၤ, “ဘၣ်မနုၤလၢနမၤတၢ်လီၤပျံၤတမံၤအံၤ လဲၣ်. နပုၢ်အသွံၣ်ကိးထီၣ်ယၤလၢဟီၣ်ခိၣ်လာ်, လီၤဂာ်ဒ်တၢ်အကလုၢ်ကိးထီၣ်လၢတၢ်ဟ့ၣ်ကၣ်တၢ်အဂီၢ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 4:10 Iomraidhean Croise

လံာ်တၢ်ကဲထီၣ်အခီၣ်ထံး 18:20

ဒီးယွၤစံးဘၣ်စီၤအၤဘြၤဟၣ်, “တၢ်ဆှိးထီၣ်လီၤပျံၤလီၤ ဖုးထီဒါဝ့ၢ်စဒိၣ်ဒီးဂမိရၤန့ၣ်အိၣ်ဝဲ, ဒီးအတၢ်ဒဲးဘးန့ၣ်ဒိၣ်နီၢ်မးလီၤ.

လံာ်တၢ်ကဲထီၣ်အခီၣ်ထံး 3:13

ဒီးယွၤ, ကစၢ်ယွၤသံကွၢ်ပိာ်မုၣ်, “ဘၣ်မနုၤလၢနမၤတၢ်အံၤ လဲၣ်.” ဒီးပိာ်မုၣ်န့ၣ်စံးဆၢဝဲ, “ဂုၢ်န့ၣ်ကူၣ်လီယၤဒ်သိးယကအီၣ် ဘၣ်တ့ၢ်အီၤလီၤ.”

လံာ်တၢ်ကဲထီၣ်အခီၣ်ထံး 9:5

ဒီးကယဲၢ်ပှၤတဂၤလၢ်လၢ်လၢအဟံးန့ၢ်ပှၤအသးသမူန့ၣ်ကဘၣ်တၢ်စံၣ် ညီၣ်အီၤလီၤ. ကယဲၢ်ဆၣ်ဖိကီၢ်ဖိတဒုဒုလၢအဟံးန့ၢ်ပှၤကညီအသးသမူန့ၣ် ယကစံၣ်ညီၣ်အီၤလၢတၢ်သံန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:26

“ယထံၣ်တ့ၢ်တၢ်မၤသံစီၤနၤဘိးဒီးအဖိခွါတဖၣ်မဟါတနံၤန့ၣ် လီၤ. ဒီးယအၢၣ်လီၤယသးလၢယကစံၣ်ညီၣ်နၤဖဲအံၤ, လၢပျီတဘ့ၣ်ဃီအံၤအပူၤန့ၣ်လီၤ.” စီၤယ့ၤဟူမၤလိာ်အပှၤကွၢ်ထွဲမၤစၢၤအီၤ, “လၢတၢ်န့ၣ်အဃိ, ဟံးထီၣ်စီၤယဟိရၣ်အစိၣ်ဒီးတ့ၢ်လီၤကွံာ်အီၤဆူစီၤနၤဘိး အပျီပူၤလၢတၢ်မၤလၢထီၣ်ပှဲၤထီၣ်ယွၤအတၢ်အၢၣ်လီၤအဂီၢ်န့ၣ် တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 28:9

ယွၤအဝံတဂၤလၢအအိၣ်ဝဲဆိးဝဲလၢၡၤမရံအဝ့ၢ်ပူၤန့ၣ်အမံၤ မ့ၢ်ဝဲစီၤဧိၤဒ့းန့ၣ်လီၤ. အဝဲဘၣ်သဂၢၢ်ဒီးကီၢ်အံၣ်စရ့လးအသုးမုၢ်လၢအဟဲက့ၤကဒါက့ၤ, ဃုာ်ဒီးအပှၤယူဒၤဘၣ်စၢဃာ်ဖိတဖၣ်, ဖဲအဝဲသ့ၣ်သါကက့ၤနုာ် ဆူဝ့ၢ်ပူၤအခါ, ဒီးအဝဲစံး, “ယွၤ, သုမိၢ်ဖံဖုလၢပျၢၤတဖၣ်အကစၢ်ယွၤ, သးဒိၣ်ထီၣ်ဘၣ်ကီၢ်ယူဒၤဒီးပျဲသုမၤနၢၤအဝဲသ့ၣ်, ဘၣ်ဆၣ်, ခဲကနံၣ်အံၤအဝဲနၢ်ဟူတ့ၢ်တၢ်မၤသံအၢအၢသီသီ လၢသုမၤဘၣ်အဝဲသ့ၣ်န့ၣ်လီၤ.

လံာ်စီၤယိၤဘး 16:18

ဟီၣ်ခိၣ်ဧၢ, ပာ်ခူသူၣ်တၢ်ကမၣ်တဖၣ်လၢပှၤမၤဘၣ်တ့ၢ်ယၤန့ၣ် တဂ့ၤ. ယတၢ်ကိးထီၣ်လၢတၢ်တီတၢ်လိၤအဂီၢ်န့ၣ်ပျဲအိၣ်ဘှ့ၣ် အိၣ်ဘှီၣ်အီၤတဂ့ၤ.

လံာ်စီၤယိၤဘး 24:12

လၢဝ့ၢ်တဖၣ်အပူၤပှၤဘၣ်ဒိဘၣ်ထံးဒီးပှၤလၢဘူးအကသံတဖၣ် ကိးထီၣ်ဝဲဘၣ်ဆၣ်ကစၢ်ယွၤတကန့ၣ်ဃုာ်အတၢ်ထုကဖၣ်န့ၣ်ဘၣ်.

စံးထီၣ်ပတြၢၤ 50:21

နမၤတ့ၢ်တၢ်သ့ၣ်တဖၣ်အံၤဒီးယအိၣ်ဃိကလာ်လီၤ. နဆိကမိၣ်လၢယဒ်သိးဒီးနကစၢ်ဒၣ်နဲလီၤ. ဘၣ်ဆၣ်ယသိၣ်ဃီၣ်နၤခဲအံၤ ဒီးပာ်လီၤတၢ်ကမၣ်လၢနမဲာ်ညါလီၤ.

စံးထီၣ်ပတြၢၤ 72:14

အဝဲပှ့ၤက့ၤအဝဲသ့ၣ်အသးသမူလၢ ပှၤမၤနးမၤဖှီၣ်တၢ်အစုပူၤ ဒီးအသွံၣ်န့ၣ်မ့ၢ်တၢ်လုၢ်ဒိၣ်ပှ့ၤဒိၣ် လၢအမဲာ်ညါလီၤ.

စံးထီၣ်ပတြၢၤ 9:12

ကစၢ်ယွၤသ့ၣ်နီၣ်ပှၤလၢအဘၣ်တၢ်နးတၢ်ဖှီၣ်, တသးပ့ၤနီၣ်အဝဲသ့ၣ်အတၢ်ကိးထီၣ်အီၤဘၣ်, ဒီးစံၣ်ညီၣ်ပှၤလၢအမၤကမၣ်အဝဲသ့ၣ်လီၤ.

စံးထီၣ်ပတြၢၤ 9:13

သူၣ်ကညီၤသးကညီၤယၤယွၤဧၢ, ကွၢ်ယတၢ်နးတၢ်ဖှီၣ်လၢ ယဒုၣ်ယဒါမၤဘၣ်ယၤန့ၣ်တက့ၢ်. ယွၤဧၢ, ဒုးပူၤဖျဲးယၤလၢတၢ်သံ,

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်တၢ်ဂံၢ် 35:33

သုမ့ၢ်ပျဲတၢ်အံၤဒီး, သုကမၤဘၣ်အၢကီၢ်လၢသုအိၣ်ဝဲန့ၣ် လီၤ. တၢ်မၤသံတၢ်န့ၣ်မၤဘၣ်အၢကီၢ်ဒီးမ့တမ့ၢ်ဘၣ်လၢပှၤမၤသံတၢ်, သံဝဲဘၣ်ဒီးကျဲတအိၣ်နီတဘိလၢကီၢ်တဘ့ၣ်န့ၣ်အဂီၢ်, ဖဲပှၤတဂၤဘၣ်တၢ်မၤသံအီၤလၢတၢ်ကမၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်ဘၣ်.

မၤတၢ် 5:3

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.

မၤတၢ် 5:9

အန့ၣ်ဒီးစီၤပ့းတရူးစံးဘၣ်အီၤ, “ဘၣ်မနုၤလၢနၤဒီးနဝၤ, သုပာ်လီၤသုသးလၢသုကမၤကွၢ်ကစၢ်အသးစီဆှံန့ၣ်လဲၣ်. ပှၤတဖၣ်လၢအလဲၤခူၣ်လီၤနဝၤအစိၣ်န့ၣ်ဟဲက့ၤတုၤဖဲတြဲၤအခီၣ် ထံးလံ. ဒီးကစိာ်ထီၣ်ကွံာ်စ့ၢ်ကီးနၤန့ၣ်လီၤ.”

လံာ်သိၣ်လီၤသီလီၤတၢ် 21:1

ပစံးဒၣ်ကလိာ်, ပှၤတဂၤကဘၣ်တၢ်ထံၣ်န့ၢ်အီၤလၢဘၣ်တၢ်မၤသံအီၤ လၢကီၢ်လၢယွၤ, သုကစၢ်ယွၤဟ့ၣ်လီၤသုအစံာ်ပျီ တဘ့ၣ်အပူၤဒီးသုတသ့ၣ်ညါမတၤမၤသံကွံာ်အီၤလဲၣ်န့ၣ်ဘၣ်လီၤ.

ဧ့ၤဘြံၤ 11:4

လၢတၢ်စူၢ်တၢ်နာ်န့ၣ်, စီၤဟ့းဘ့းလးလုၢ်ထီၣ်ကစၢ်ယွၤလၢတၢ်လုၢ် လၢအဂ့ၤဒိၣ်န့ၢ်စီၤကၤယံၣ်အတၢ်လုၢ်တက့ၢ်ဒီးလၢတၢ်အံၤ အဃိ, အဝဲဒၣ်ဒိးန့ၢ်ဘၣ်ယွၤအတၢ်ဘၣ်သူၣ်ဘၣ်သးဒ်ပှၤအတီ အလိၤတဂၤအသိး, အဂ့ၢ်မ့ၢ်လၢကစၢ်ယွၤအကစၢ်ဒၣ်ဝဲအုၣ်အသးခီဖျိအတူၢ်လိာ် အဝဲဒၣ်အတၢ်ဟ့ၣ်အဃိန့ၣ်လီၤ. လၢအတၢ်စူၢ်တၢ်နာ်အဃိအဝဲဒၣ်သံဘၣ်ဆၣ်ကတိၤဒံးတၢ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.

လံာ်စီၤယိၤၡူ 7:19

စီၤယိၤၡူစံးဘၣ်အီၤ, “ယဖိခွါဧၢ, တဲတၢ်မ့ၢ်တၢ်တီလၢယွၤအံၣ်စရ့လးကစၢ်ယွၤ အမဲာ်ညါဒီးအၢၣ်လီၤနသးတက့ၢ်. တၢ်လၢနမၤန့ၣ်တဲဘၣ်ယၤခဲအံၤတက့ၢ်. တဘၣ်ပာ်ခူသူၣ်တၢ်လၢယၤတဂ့ၤ.”

လံာ်စီၤၡမူၤအ့လးအခီၣ်ထံးတဘ့ၣ် 13:11

ဘၣ်ဆၣ်ဒီးစီၤၡမူၤအ့လးစံးဝဲ, “နမၤတ့ၢ်တၢ်မနုၤလဲၣ်.” စီၤစီလူးစံးဆၢဝဲဒၣ်, “ပှၤဂီၢ်မုၢ်စးထီၣ်ဟးသဒၣ်ယၤဒီး ဒ်နစံးတ့ၢ်လၢနကဟဲန့ၣ်နတဟဲပၢၢ်ထီၣ်ဘၣ်. လၢန့ၣ်အမဲာ်ညါပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢဝ့ၢ်မံး ကမၣ်လီၤ.