လံာ်တၢ်ကဲထီၣ်အခီၣ်ထံး 39:5 - Sgaw Karen Common Bible

⁵ စးထီၣ်ဖဲန့ၣ်, ယွၤဆိၣ်ဂ့ၤပှၤအဲၤကူပတူးဖိအပှၤဟံၣ်ဖိဃီ ဖိဒီးကယဲၢ်တၢ်အိၣ်လၢအဟံၣ်အဃီပူၤဒီးအစံာ်ပူၤပျီပူၤခဲ လၢာ်လၢစီၤယိၤသးအဃိလီၤ.

လံာ်တၢ်ကဲထီၣ်အခီၣ်ထံး 39:5 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 19:29

ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:27

စီၤလၤဘၣ်စံးဘၣ်အီၤ, “ပျဲယစံးတၢ်အံၤတက့ၢ်. ယမၤလိန့ၢ်တၢ်ခီဖျိတၢ်ဖးပှၤကညီအဘူၣ်အတီၤဒီးယနၢ်ပၢၢ်လၢ ယွၤဆိၣ်ဂ့ၤတ့ၢ်ယၤလၢနဃိလီၤ.

စံးထီၣ်ပတြၢၤ 21:6

နတၢ်ဆိၣ်ဂ့ၤတဖၣ်အိၣ်ဒီးအီၤထီဘိ ဒီးနတၢ်အိၣ်ဒီးအီၤအံၤမၤပှဲၤအီၤလၢတၢ်သးခုလီၤ.

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.