လံာ်တၢ်ကဲထီၣ်အခီၣ်ထံး 39:3 - Sgaw Karen Common Bible

³ ဒီးအကစၢ်ထံၣ်ဝဲလၢယွၤအိၣ်ဒီးစီၤယိၤသးဒီးဒုးကဲထီၣ်လိၣ် ထီၣ်တၢ်လၢအမၤဝဲတမံၤလၢ်လၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 39:3 Iomraidhean Croise

လံာ်တၢ်ကဲထီၣ်အခီၣ်ထံး 21:20

ကစၢ်ယွၤအိၣ်ဒီးဖိသၣ်ပိာ်ခွါဖဲအဒိၣ်ထီၣ်ဝဲအခါန့ၣ်လီၤ. အဝဲအိၣ်ဝဲဆိးဝဲလၢပၤရၣ်အပှၢ်မုၢ်ကနၢဒီးကဲထီၣ်ပှၤခးတၢ် သ့တဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 21:22

လၢအကတီၢ်ဖဲန့ၣ်စီၤအဘံၤမ့လ့းလဲၤတၢ်ဒီးအသုးမုၢ်အခိၣ်, စီၤဖံကိးလးဒီးစံးဘၣ်စီၤအၤဘြၤဟၣ်, “ကစၢ်ယွၤအိၣ်ဒီးနၤလၢကယဲၢ်တၢ်လၢနမၤအီၤကိးမံၤဒဲးအပူၤ န့ၣ်လီၤ.

လံာ်တၢ်ကဲထီၣ်အခီၣ်ထံး 21:23

လၢတၢ်န့ၣ်အဃိဆိၣ်လီၤနသးဖဲအံၤလၢကစၢ်ယွၤအမဲာ်ညါလၢနသု တလီန့ၢ်ယၤ, ယဖိတဖၣ်ဒီးယစၢၤယသွဲၣ်တဖၣ်န့ၣ်တဂ့ၤ. ယတီတ့ၢ်ဒီးနၤအဃိ အၢၣ်လီၤယၤလၢနကတီစ့ၢ်ကီးဒီးယၤဒီးထံကီၢ်အံၤလၢနအိၣ် နဆိးလၢအပူၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 26:28

ဒီးအဝဲသ့ၣ်စံးဆၢဝဲ, “ဒီးခဲကနံၣ်အံၤ, ပသ့ၣ်ညါလၢယွၤအိၣ်ဒီးနၤလီၤ. ဒီးပဆိကမိၣ်လၢတၢ်အၢၣ်လီၤအီ လီၤသညူးသပှၢ်တမံၤကြၢးအိၣ်လၢပဘၢၣ်စၢၤန့ၣ်လီၤ. ပအဲၣ်ဒိးလၢနကအၢၣ်လီၤပှၤ,

လံာ်တၢ်ကဲထီၣ်အခီၣ်ထံး 30:27

စီၤလၤဘၣ်စံးဘၣ်အီၤ, “ပျဲယစံးတၢ်အံၤတက့ၢ်. ယမၤလိန့ၢ်တၢ်ခီဖျိတၢ်ဖးပှၤကညီအဘူၣ်အတီၤဒီးယနၢ်ပၢၢ်လၢ ယွၤဆိၣ်ဂ့ၤတ့ၢ်ယၤလၢနဃိလီၤ.

လံာ်တၢ်ကဲထီၣ်အခီၣ်ထံး 30:30

တၢ်ဆံးကိာ်ဖိလၢအအိၣ်ဒီးနၤဖဲတချုးယဟဲန့ၣ်, ဒိၣ်ထီၣ်အါထီၣ်ဒိၣ်ဒိၣ်ကလဲာ်လီၤ. ဒီးကစၢ်ယွၤဆိၣ်ဂ့ၤတ့ၢ်နၤ ဖဲယလဲၤတၢ်တပူၤလၢ်လၢ်န့ၣ်လီၤ. ဒီးခဲကနံၣ်အံၤတၢ်ဆၢကတီၢ်တုၤဝဲလၢယဂီၢ်လၢယကဃုယတၢ်ဘၣ် ဘျုးဘၣ်ဖှိၣ်ဒၣ်ယဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 39:2

ယွၤအိၣ်ဒီးစီၤယိၤသးဒီးဒုးကဲထီၣ်အီၤလၢပှၤမၤတၢ်ကဲထီၣ် လိၣ်ထီၣ်တဂၤန့ၣ်လီၤ. အဝဲအိၣ်ဆိးတ့ၢ်လၢအကစၢ်ပှၤအဲၤကူပတူးဖိအဟံၣ်,

လံာ်တၢ်ကဲထီၣ်အခီၣ်ထံး 39:21

ဘၣ်ဆၣ်ယွၤအိၣ်ဒီးစီၤယိၤသးဒီးဆိၣ်ဂ့ၤအီၤလီၤ. ဒီးဃိာ်ဒိၣ်ဘၣ်သူၣ်ဘၣ်သးအီၤလီၤ.

လံာ်တၢ်ကဲထီၣ်အခီၣ်ထံး 39:23

တၢ်လၢစီၤယိၤသးအိၣ်မူအိၣ်ဒါဝဲတမံၤလၢ်လၢ်အဂီၢ်န့ၣ်, ဃိာ်ဒိၣ်ကွၢ်ထွဲအလီၢ်တအိၣ်လၢၤဘၣ်, မ့ၢ်လၢယွၤအိၣ်ဒီးစီၤယိၤ သးဒီးဒုးကဲထီၣ်လိၣ်ထီၣ်တၢ်လၢအမၤဝဲကိးမံၤဒဲးအဃိလီၤ.

လံာ်စီၤပၤခံဘ့ၣ်တဘ့ၣ် 18:7

လၢတၢ်န့ၣ်အဃိယွၤအိၣ်ဒီးအီၤ, ဒီးကယဲၢ်တၢ်လၢအဝဲ မၤတ့ၢ်ဝဲခဲလၢာ်န့ၣ်ကဲထီၣ်လိၣ်ထီၣ်ဝဲဒၣ်န့ၣ်လီၤ. အဝဲပူထီၣ်တၢ်ထီဒါကီၢ်အၤၡူၢ်အစီၤပၤဖးဒိၣ်ဒီးဂ့ၢ်လိာ်လၢ ကဟ့ၣ်လီၤအသးလၢအဝဲအစုပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:13

နမ့ၢ်စူၢ်ကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်လၢယွၤဟ့ၣ်လီၤ စီၤမိၤၡ့လၢကီၢ်အံၣ်စရ့လးအဂီၢ်ဒီးနကအိၣ်ဒီးတၢ်မၤနၢၤ န့ၣ်လီၤ. ပာ်လီၤနသးကျၢၤမုဆှုအိၣ်ဒီးတၢ်နာ်န့ၢ်လီၤနသးတက့ၢ်. ဒီးမ်နသုတပျဲတၢ်မၤပျံၤမၤဖုးနၤနီတမံၤတဂ့ၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:20

စီၤအလၤဧစၢ်အဖိခွါစီၤဖံနဃၣ်မ့ၢ်ပှၤပၢဆှၢကွၢ်ထွဲတ့ၢ်အဝဲ သ့ၣ်တဘျီ, ဒီးအဝဲမ့ၢ်ပှၤလၢယွၤအိၣ်ဒီးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:1

စီၤပၤဒၤဝံးအဖိခွါစီၤၡလိၤမိၤဟံးဃာ်ဂၢၢ်ကျၢၤဒီးပၢၤ အံၣ်စရ့လးအဘီအမုၢ်, ဒီးယွၤ, အကစၢ်ယွၤဆိၣ်ဂ့ၤတ့ၢ်အီၤဒီးဒုးကဲထီၣ်အီၤလၢပှၤ လၢအစိဒိၣ်ကမီၤထီဒိၣ်မးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:5

ဖဲအဝဲအတၢ်ဘူၣ်တၢ်ဘါအပှၤဟ့ၣ်ကူၣ်တၢ်စီၤစကၤရယၤအိၣ်မူဒံး အခါန့ၣ်စီၤဧူးစံယါမၤတ့ၢ်ယွၤအတၢ်လၢတၢ်သူၣ်တီသးရၤအပူၤ, ဒီးကစၢ်ယွၤဆိၣ်ဂ့ၤအီၤန့ၣ်လီၤ.

လံာ်စီၤနဃ့မယၤ 2:20

ဒီးယစံးဆၢတၢ်ဒီးစံးဘၣ်အီၤ “ကစၢ်ယွၤလၢမူခိၣ်ကဟ့ၣ်ပှၤတၢ် မၤနၢၤန့ၣ်လီၤ. ပမ့ၢ်အခ့အပှၤဒီးပကဘှီထီၣ်တၢ်လီၤ. မ့မ့ၢ်သုဝဲဒၣ်န့ၣ်သုတအိၣ်ဒီးတၢ်န့ၢ်သါမ့ၢ်ဂ့ၤ, တၢ်ခွဲးတၢ်ယာ်လၢတၢ်ကသ့ၣ်နီၣ်ထီၣ်သုမ့ၢ်ဂ့ၤလၢဝ့ၢ်ယရူၤၡလ့ၣ် အပူၤန့ၣ်ဘၣ်.”

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

လံာ်စကၤရယၤ 8:23

လၢမုၢ်နံၤတဖၣ်အပူၤန့ၣ်, တခီဘီမုၢ်ဖိအဂၤတဆံကဟဲဆူပှၤယူဒၤဖိတဂၤအအိၣ်ဒီးစံး, ပအဲၣ်ဒိးလဲၤသကိးဃုာ်တၢ်ဒီးသု, ဆူတၢ်လီၢ်လၢသုကလဲၤတုၤဃီၤသပှၢ်ကတၢၢ်, မ့ၢ်လၢပနၢ်ဟူတ့ၢ်လၢကစၢ်ယွၤအိၣ်ဒီးသုအဃိန့ၣ်လီၤ.”

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

1 ကရံၣ်သူး 16:2

ကိးမုၢ်အိၣ်ဘှံးနံၤဒဲးန့ၣ်, သုဝဲတဂၤဘၣ်တဂၤ, ကဘၣ်ပာ်လီၤဆီတိၢ် တနီၤ, ဒ်အကြၢးအဘၣ်ဒီးတၢ်လၢအဒိးန့ၢ်ဘၣ်တ့ၢ်ဝဲခီဖျိ အတၢ်ဖံးတၢ်မၤအသိး, ဒီးပာ်ဖှိၣ်ပာ်စၢၤဒ်သိးဖဲယဟဲန့ၣ်, အလီၢ်သုတအိၣ်လၢယကထၢဖှိၣ်တိၢ်တဂ့ၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:14

ဒီးအဝဲမၤနၢၤတၢ်လၢကယဲၢ်အတၢ်မၤခဲလၢာ်အပူၤလီၤ. အဂ့ၢ်ဒ်အံၤ, ယွၤအိၣ်ဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:28

စီၤစီလူးသ့ၣ်ညါလီၤတံၢ်လီၤဆဲးလၢယွၤအိၣ်ဒီးစီၤဒၤဝံး ဒီးအဖိမုၣ်နီၢ်မံကၤလးစ့ၢ်ကီးအဲၣ်အီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:19

တုၤစီၤၡမူၤအ့လးဒိၣ်ထီၣ်ဝဲဒီး, ယွၤအိၣ်ဒီးအီၤဒီးမၤလၢ ထီၣ်ပှဲၤထီၣ်ကယဲၢ်တၢ်လၢစီၤၡမူၤအ့လးစံးဝဲခဲလၢာ်န့ၣ်လီၤ.