လံာ်တၢ်ကဲထီၣ်အခီၣ်ထံး 39:14 - Sgaw Karen Common Bible

¹⁴ ကိးဃီၤအဟံၣ်အတၢ်ခ့တၢ်ပှၤတဖၣ်ဒီးစံးဝဲ, “ကွၢ်တၢ်အံၤတက့ၢ်. ပှၤဧ့ၤဘြံၤဖိလၢယဝၤဟဲက့ၤကိးဆူဟံၣ် တဂၤအံၤ, မၤတရီတပါပှၤလီၤ. အဝဲဟဲနုာ်ဃီၤဆူယဒၢးပူၤဒီးကျဲးစၢး မၤဆူၣ်မၤစိးယၤလီၤ. ဘၣ်ဆၣ်ဒီးယကိးကလူထီၣ်လၢယကလုၢ်ဖးဒိၣ်လီၤ.

လံာ်တၢ်ကဲထီၣ်အခီၣ်ထံး 39:14 Iomraidhean Croise

လံာ်တၢ်ကဲထီၣ်အခီၣ်ထံး 10:21

စီၤၡ့ၣ်လၢအမ့ၢ်စီၤယ့းဖ့းသးအဝဲၢ်အံၤမ့ၢ်ဝဲကယဲၢ်ပှၤဧ့ၤဘြံၤဖိခဲလၢာ်အပၢ်လၢပျၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 14:13

ဘၣ်ဆၣ်ပှၤလၢအထူၣ်ဖျဲးတဂၤတဲဘၣ်တၢ်မၤအသးခဲလၢာ်လၢပှၤဧ့ၤ ဘြံၤဖိစီၤအၤဘြၣ် လၢအအိၣ်ဝဲဆိးဝဲဘူးဒီးသ့ၣ်စီဆှံ တဖၣ်လၢအဘၣ်ဃးဒီးပှၤအမိၢ်ဖိစီၤမးမရ့န့ၣ်လီၤ. စီၤမးမရ့ဒီးအဒီပုၢ်ဝဲၢ်စီၤအ့ၡကိၤလး, စီၤဧၤန့ၢ်တဖၣ်န့ၣ်မ့ၢ်စီၤအၤဘြၣ်အဒီသိၣ်ဒီမှံၤန့ၣ်လီၤ.

လံာ်တၢ်ကဲထီၣ်အခီၣ်ထံး 39:13

တုၤအကစၢ်အမါထံၣ်ဝဲလၢစီၤယိၤသးပာ်တီၢ်အဆ့ကၤဃ့ၢ်ထီၣ်ကွံာ် ဆူဟံၣ်အချၢလံဒီး,

လံာ်တၢ်ကဲထီၣ်အခီၣ်ထံး 39:15

တုၤအဝဲနၢ်ဟူယကိးကလူထီၣ်န့ၣ်, အဝဲထွးထီၣ်ဃ့ၢ်ကွံာ်ဆူ တၢ်ချၢဒီးပာ်တီၢ်အဆ့ကၤဖဲယကပၤန့ၣ်လီၤ.”

လံာ်တၢ်ကဲထီၣ်အခီၣ်ထံး 39:17

အန့ၣ်ဒီးစီၤပိၤတံၤဖၢ်အမါတဲဘၣ်အဝၤလၢတၢ်ဂ့ၢ်တမံၤဃီဒီး စံးဝဲ, “ပှၤဧ့ၤဘြံၤကုၢ်ဖိလၢနဟဲက့ၤစိာ်အီၤဖဲအံၤတဂၤန့ၣ်, ဟဲနုာ်ဆူယမံဒၢးပူၤဒီးမၤတရီတပါယၤလီၤ.

လံာ်တၢ်ကဲထီၣ်အခီၣ်ထံး 39:7

တယံာ်ဘၣ်အလီၢ်ခံန့ၣ်, အကစၢ်အမါစးထီၣ်မဲာ်ဘၣ်စီၤယိၤသးဒီး မၢအီၤလၢကမံဃုာ်ဒီးအီၤလီၤ.

လံာ်တၢ်ကဲထီၣ်အခီၣ်ထံး 40:15

နီၢ်နီၢ်တခီန့ၣ်, ယဘၣ်တၢ်ဟုၣ်စိာ်ထီၣ်ယၤလၢပှၤဧ့ၤဘြံၤဖိတဖၣ် အကီၢ်ပူၤ, ဒီးဖဲအံၤ, လၢကီၢ်အဲၤကူပတူးအပူၤဒၣ်လဲာ်န့ၣ်, ယတမၤတၢ်နီတမံၤဒ်သိးကကြၢးဘၣ်တၢ်ဒၢနုာ်ဆူဃိာ်ပူၤဘၣ်.”

စံးထီၣ်ပတြၢၤ 120:3

သုဝဲပှၤလီတၢ်ဖိသ့ၣ်ဧၢ, ကစၢ်ယွၤကမၤသုဒ်လဲၣ်. အဝဲကစံၣ်ညီၣ်သုဒ်လဲၣ်.

စံးထီၣ်ပတြၢၤ 35:11

ပှၤအုၣ်အသးကဘျံးကဘျၣ်ဂဲၤဆၢထၢၣ်ထီဒါယၤ ဒီးပာ်တၢ်ကမၣ်လၢယလိၤလၢတၢ်လၢ ယတသ့ၣ်ညါအဂ့ၢ်နီတမံၤဘၣ်န့ၣ်လီၤ.

စံးထီၣ်ပတြၢၤ 55:3

ယသးဒံဝ့ၤဒံဝီၤလၢယဒုၣ်ယဒါအကလုၢ်အဃိ, ဒီးလၢပှၤတတီတလိၤအတၢ်ဆီၣ်ဘံၣ်ဆီၣ်ဘၢအဃိန့ၣ်လီၤ. အဂ့ၢ်ဒ်အံၤ, အဝဲသ့ၣ်ဟဲစိာ်တၢ်ကိၢ်တၢ်ဂီၤလၢယဂီၢ်, ဒီးလၢအတၢ်သးထီၣ်အပူၤ အဝဲသ့ၣ်သးဟ့ယၤလီၤ.

တၢ်ကတိၤဒိ. 10:18

ပှၤတဂၤလၢအပာ်ခူသူၣ်အတၢ်သူၣ်ဟ့သးဟ့န့ၣ်မ့ၢ်ပှၤလီတၢ် တဂၤလီၤ. ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, မ့ၢ်ပှၤဟးဂီၤဖိလီၤ.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယဃ့းစက့လး 22:5

ထံကီၢ်တဖၣ်လၢအဘူးမ့ၢ်ဂ့ၤအယံၤမ့ၢ်ဂ့ၤ, ဒုၣ်ဒွဲၣ်နၤ, မ့ၢ်လၢနတဟံးဃာ်တၢ်သိၣ်တၢ်သီအဃိန့ၣ်လီၤ.

လံာ်မးသဲ 26:59

ပှၤလုၢ်တၢ်အခိၣ်အဒိၣ်တဖၣ်, ဒီးကီၣ်ကးဒီဖုညါကျဲးစၢးဃုတၢ်အုၣ်အသးကဘျံးကဘျၣ် ထီဒါယ့ၣ်ၡူးဒ်သိးကမၤသံဘၣ်အီၤအဂီၢ်လီၤ.

လံာ်မးသဲ 5:11

တဘျီလၢ်လၢ်ဖဲပှၤကတိၤဒုၣ်ဒွဲၣ်သု, မၤအၢမၤနးသု, ဒီးစံးအၢစံးသီသုကဘျံးကဘျၣ်လၢသုမ့ၢ်ယပျဲၢ်ယဘီၣ်အဃိ န့ၣ်, သုမ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

၂ ကရံၣ်သူး 6:8

ပဘၣ်တၢ်မၤလၤကပီၤပှၤဒီးတၢ်မၤဟးဂီၤပလၤပကပီၤ, ပဘၣ်တၢ်ဒုၣ်ဒွဲၣ်ဒီးတၢ်စံးထီၣ်ပတြၢၤပှၤန့ၣ်လီၤ. ပဘၣ်တၢ်ပာ်ပှၤဒ်ပှၤလီတၢ်ဖိဘၣ်ဆၣ်ဒီးပကတိၤ တၢ်မ့ၢ်တၢ်တီလီၤ.

၁ ပ့းတရူး 2:20

သုမ့ၢ်တူၢ်တၢ်ဒိတၢ်တီၢ်သုလၢသုကြၢးတူၢ်ဝဲမ့ၢ်လၢသုမၤ ကမၣ်တၢ်အဃိန့ၣ်, တၢ်ဘျုးမနုၤအိၣ်န့ၣ်လဲၣ်. ဘၣ်ဆၣ်ဒီးသုမ့ၢ်တူၢ်တၢ်နးတၢ်ဖှီၣ်လၢတၢ်သးစူၤအပူၤဖဲသု မၤတၢ်အဘၣ်အခါဒၣ်လဲာ်န့ၣ်, ကစၢ်ယွၤကဆိၣ်ဂ့ၤသုလၢ တၢ်အံၤအဃိလီၤ.