လံာ်တၢ်ကဲထီၣ်အခီၣ်ထံး 39:12 - Sgaw Karen Common Bible

¹² ဒီးအကစၢ်အမါဖီၣ်ထဲးအဆ့ဒီးစံးဝဲ, “ဟဲမံဃုာ်ဒီးယၤတ က့ၢ်.” ဘၣ်ဆၣ်အဝဲဃ့ၢ်ထူၣ်ဖျဲးထီၣ်ကွံာ်ဆူတၢ်ချၢဒီးပာ်တီၢ်အဆ့ကၤ လၢအစုပူၤလီၤ.

လံာ်တၢ်ကဲထီၣ်အခီၣ်ထံး 39:12 Iomraidhean Croise

လံာ်တၢ်ကဲထီၣ်အခီၣ်ထံး 39:10

အဝဲမၢစီၤယိၤသးမံဃုာ်ဒီးအီၤတနံၤဘၣ်တနံၤဒၣ်လဲာ်, စီၤယိၤသးတမံဃုာ်ဘၣ်ဒီးအီၤဘၣ်.

လံာ်တၢ်ကဲထီၣ်အခီၣ်ထံး 39:11

ဘၣ်ဆၣ်, တနံၤဖဲစီၤယိၤသးလဲၤနုာ်ဆူဟံၣ်ပူၤလၢအကမၤအတၢ်မၤ န့ၣ်, ဟံၣ်အတၢ်ခ့တၢ်ပှၤတအိၣ်ဘၣ်ဖဲန့ၣ်နီတဂၤဘၣ်.

လံာ်တၢ်ကဲထီၣ်အခီၣ်ထံး 39:13

တုၤအကစၢ်အမါထံၣ်ဝဲလၢစီၤယိၤသးပာ်တီၢ်အဆ့ကၤဃ့ၢ်ထီၣ်ကွံာ် ဆူဟံၣ်အချၢလံဒီး,

လံာ်တၢ်ကဲထီၣ်အခီၣ်ထံး 39:8

အဝဲဂ့ၢ်လိာ်ဝဲဒီးစံးဘၣ်အီၤ, “ကွၢ်, ယကစၢ်တမၤတံာ်တာ်အသး ဒီးတၢ်အိၣ်လၢဟံၣ်ပူၤနီတမံၤဘၣ်, မ့ၢ်လၢယအိၣ်ဖဲအံၤအဃိလီၤ. အဝဲပာ်လီၤယၤလၢပှၤပၢၤဘၣ်တၢ် ကိးမံၤဒဲးလၢအအိၣ်ဒီးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:11

ဖဲအဝဲဟ့ၣ်အီၤလၢကိၣ်တဖၣ်အခါန့ၣ်, စီၤအၤမနိၣ်စှီၤတံၢ်ဃးအီၤဒီးစံးဝဲဒၣ်, “ဟဲမံဃုာ်ဒီးယၤတက့ၢ်.”

တၢ်ကတိၤဒိ. 1:15

လဲၤဃုာ်တၢ်ဒီးပှၤဒ်န့ၣ်အသိးတဖၣ်တဂ့ၤ. ယဖိခွါဧၢ, အိၣ်ယံၤဒီးအဝဲသ့ၣ်တက့ၢ်.

တၢ်ကတိၤဒိ. 5:8

ဟးဆှဲးပိာ်မုၣ်ဒ်န့ၣ်အသိးတဂၤတက့ၢ်. လဲၤဘူးဒီးအတြဲၤ ကပၤဒၣ်လဲာ်တဂ့ၤ.

တၢ်ကတိၤဒိ. 6:5

ဟးထီၣ်ကွံာ်လၢပျံၤသကွီၤအပူၤဒ်ထိၣ်တဘ့ၣ်, မ့တမ့ၢ်ဒ်တၤဟိတဒု, ဃ့ၢ်ပူၤဖျဲးထီၣ်ကွံာ်လၢပှၤခးတၢ်ဖိအစုပူၤအသိးန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 7:26

ယထံၣ်န့ၢ်တၢ်တမံၤလၢအခၣ်ဝဲဒိၣ်န့ၢ်ဒံးတၢ်သံတက့ၢ်လၢအမ့ၢ်ဝဲ ပိာ်မုၣ်လၢအလီၤဂာ်ဒ်ထုတခါအသိးန့ၣ်လီၤ. တၢ်အဲၣ်လၢအဝဲဟ့ၣ်လီၤနၤကဖီၣ်နၤဒ်ပှာ်ဧိၤစၤဧိၤအသိးလီၤ. ဒီးအဝဲစုတီၤတဖၣ်လၢအဖိးဟုဃာ်နၤန့ၣ်ကစှီၤဃာ်နၤဒ်ထးသွဲအသိးလီၤ. ပှၤလၢအမၤမုာ်ယွၤအသးန့ၣ်ကပူၤဖျဲးဒီးအီၤလီၤ. ဘၣ်ဆၣ်အဝဲကဖီၣ်န့ၢ်ပှၤတၢ်ဒဲးဘးဖိလီၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 15:27

တုၤနုၤတစု, စီၤၡမူၤအ့လးဃၣ်အသးဒ်သိးကဟးထီၣ်ဝဲလီၤ. ဘၣ်ဆၣ်ဒီးစီၤစီလူးဟံးဃာ်အီၤလၢအဆ့ကၤဖးဒိၣ်ဒီးဆ့ကၤ န့ၣ်ယာ်ပြဲးဘၣ်အသးလီၤ.