လံာ်တၢ်ကဲထီၣ်အခီၣ်ထံး 39:11 - Sgaw Karen Common Bible

¹¹ ဘၣ်ဆၣ်, တနံၤဖဲစီၤယိၤသးလဲၤနုာ်ဆူဟံၣ်ပူၤလၢအကမၤအတၢ်မၤ န့ၣ်, ဟံၣ်အတၢ်ခ့တၢ်ပှၤတအိၣ်ဘၣ်ဖဲန့ၣ်နီတဂၤဘၣ်.

လံာ်တၢ်ကဲထီၣ်အခီၣ်ထံး 39:11 Iomraidhean Croise

လံာ်တၢ်ကဲထီၣ်အခီၣ်ထံး 39:10

အဝဲမၢစီၤယိၤသးမံဃုာ်ဒီးအီၤတနံၤဘၣ်တနံၤဒၣ်လဲာ်, စီၤယိၤသးတမံဃုာ်ဘၣ်ဒီးအီၤဘၣ်.

လံာ်တၢ်ကဲထီၣ်အခီၣ်ထံး 39:12

ဒီးအကစၢ်အမါဖီၣ်ထဲးအဆ့ဒီးစံးဝဲ, “ဟဲမံဃုာ်ဒီးယၤတ က့ၢ်.” ဘၣ်ဆၣ်အဝဲဃ့ၢ်ထူၣ်ဖျဲးထီၣ်ကွံာ်ဆူတၢ်ချၢဒီးပာ်တီၢ်အဆ့ကၤ လၢအစုပူၤလီၤ.

လံာ်စီၤယိၤဘး 24:15

ပှၤမၤကမၣ်မုၣ်ကမၣ်ခွါတဖၣ်ခိးကွၢ်လၢ်ဝဲမုၢ်ဟါလီၤဒီးမၤဘၢ အမဲာ်ဒ်သိးပှၤအသုတထံၣ်န့ၢ်အီၤနီတဂၤန့ၣ်လီၤ.

တၢ်ကတိၤဒိ. 9:17

“ထံလၢပဟုၣ်အီအီၤန့ၣ်, ဆၢဒိၣ်မးလီၤ. ကိၣ်လၢပဟုၣ်အီၣ်အီၤ န့ၣ်, ဝံၣ်ဒိၣ်တက့ၢ်လီၤ.”

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

အ့းဖ့းစူး 5:12

(တၢ်လၢပှၤတဖၣ်အံၤမၤဝဲလၢတၢ်ခူသူၣ်အပူၤန့ၣ်, ပကကတိၤတၢ်လၢအဂ့ၢ်ဒၣ်လဲာ်မ့ၢ်တၢ်လီၤမဲာ်ဆှးဒိၣ်မးလီၤ.)

အ့းဖ့းစူး 5:3

ဒ်သုမ့ၢ်ကစၢ်ယွၤအပှၤတကလုာ်အသိးန့ၣ်, တၢ်မၤကမၣ်မုၣ် ကမၣ်ခွါမ့ၢ်ဂ့ၤ, တၢ်ကလုာ်ကလိၤမ့ၢ်ဂ့ၤ, တၢ်သူၣ်လီသးကွံမ့ၢ်ဂ့ၤ, တကြၢးဘၣ်တၢ်ယၢၤထီၣ်ဒၣ်လဲာ်အီၤလၢသုသိးသုကျါဘၣ်.