လံာ်တၢ်ကဲထီၣ်အခီၣ်ထံး 38:9 - Sgaw Karen Common Bible

⁹ ဘၣ်ဆၣ်စီၤအိၤနၣ်သ့ၣ်ညါတ့ၢ်ဝဲလၢဖိသၣ်တဖၣ်န့ၣ်တမ့ၢ်ကကဲထီၣ် အတၢ်ဘၣ်အဃိ, တုၤအမံဃုာ်ဒီးအဝဲၢ်အမါမုၣ်ကမဲတဘျီ လၢ်လၢ်န့ၣ်, အဝဲဒုးဟးထီၣ်ကွံာ်ပိာ်ခွါအချံအသၣ်ဆူတၢ်ချၢ, ဒ်သိးဖိသၣ်အသုတအိၣ်နီတဂၤလၢအဝဲၢ်အဂီၢ်တဂ့ၤန့ၣ်လီၤ.

လံာ်တၢ်ကဲထီၣ်အခီၣ်ထံး 38:9 Iomraidhean Croise

လံာ်တၢ်ကဲထီၣ်အခီၣ်ထံး 38:10

တၢ်လၢအမၤတ့ၢ်ဝဲန့ၣ်တဘၣ်ယွၤအသးဘၣ်အဃိယွၤမၤသံ ကွံာ်စ့ၢ်ကီးအီၤန့ၣ်လီၤ.

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

လံာ်သိၣ်လီၤသီလီၤတၢ် 25:5

ပှၤဒီပုၢ်ဝဲၢ်ခွါခံဂၤမ့ၢ်အိၣ်ဆိးလၢတၢ်န့ၢ်သါအလီၢ်တပူၤဃီဒီးအဝဲသ့ၣ်အကျါတဂၤမ့ၢ်သံဒီး အဖိခွါမ့ၢ်တအိၣ်လီၤတဲာ် နီတဂၤဘၣ်န့ၣ်, အဝဲအမါမုၣ်ကမဲလၢအအိၣ်လီၤတဲာ်တဘၣ်ဖျီအသးဒီး ပှၤအဂၤနီတဂၤလၢဒူၣ်ထၢအချၢဘၣ်. ပှၤလၢအသံတဂၤအဒီပုၢ်ဝဲၢ်ခွါအိၣ်ဒီးမူဒါလၢကဖျီအသးဒီးအီၤန့ၣ်လီၤ.

လံာ်သိၣ်လီၤသီလီၤတၢ် 25:6

ဖိခွါဝဲၢ်ကိလၢအဝဲသ့ၣ်ဒိးန့ၢ်ဝဲန့ၣ်ကဘၣ်တၢ်ပာ်အီၤဒ်အမ့ၢ် ပှၤသံတဂၤအဖိခွါအသိး, ဒ်သိးအဝဲအဒူၣ်ဖိထၢဖိအစၢၤအသွဲၣ်ကအိၣ်ထွဲဒံးလၢအံၣ်စရ့လးအပူၤန့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

ယၤကိာ် 3:14

ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.

ယၤကိာ် 3:16

ဖဲတၢ်သူၣ်က့ၣ်သးကါဒီးတၢ်အဲၣ်လီၤသးအိၣ်ဝဲန့ၣ်, တၢ်ဖုၣ်ထံၣ်ဖုၣ်ထီ, ဒီးတၢ်အၢတၢ်သီအကလုာ်ကလုာ် အိၣ်ဝဲဖဲန့ၣ်လီၤ.

ယၤကိာ် 4:5

တဘၣ်ဆိကမိၣ်လၢတၢ်မ့ၢ်တၢ်တီတအိၣ်ဘၣ်လၢတၢ်ကွဲး အသးအပူၤလၢအစံးဝဲ, “သးလၢကစၢ်ယွၤဒၢနုာ်လီၤဆူပပူၤအံၤပှဲၤဝဲဒီးတၢ်သးကွံ တဖၣ်လၢအဂံၢ်ဆူၣ်ဝဲလီၤ” န့ၣ်တဂ့ၤ.

လံာ်နီၢ်ရူၤသး 1:11

ဘၣ်ဆၣ်နီၢ်နၤဧမံစံးဆၢဝဲ, “ယဖိမုၣ်သ့ၣ်ဧၢ, သုကဘၣ်က့ၤကဒါက့ၤလီၤ. ဘၣ်မနုၤလၢသုအဲၣ်ဒိးဟဲသကိးဒီးယၤ လဲၣ်. မ့ၢ်သုဆိကမိၣ်လၢယကအိၣ်ဒံးဒီးယဖိခွါတဖၣ်လၢသုကဆီ ဟံၣ်ဆီဃီအဂီၢ်န့ၣ်ဧါ.

လံာ်နီၢ်ရူၤသး 4:10

ဒီးယမၤန့ၢ်စ့ၢ်ကီးလံပှၤမိၤအးမုၣ်ဖိနီၢ်ရူၤသးလၢအမ့ၢ် စီၤမၤဃလိၣ်အမုၣ်ကမဲတဂၤလၢအကကဲထီၣ်ယမါ, ဒ်သိးယကဒုးအိၣ်ထီၣ်က့ၤ တၢ်န့ၢ်သါလၢပှၤသံတဂၤအဒူၣ်ဖိထၢဖိအဂီၢ်န့ၣ်လီၤ. ဒီးအစၢၤအသွဲၣ်ကအိၣ်ဒံးဝဲဆူညါလၢအပှၤကလုာ်အကျါဒီးလၢ အဝ့ၢ်ဒၣ်ဝဲအပူၤန့ၣ်လီၤ. သုမ့ၢ်ပှၤအုၣ်အသးတဖၣ်လၢမုၢ်တနံၤအံၤန့ၣ်လီၤ.”