လံာ်တၢ်ကဲထီၣ်အခီၣ်ထံး 38:5 - Sgaw Karen Common Bible

⁵ မၤကဒီး, ပိာ်မုၣ်န့ၣ်မၤန့ၢ်ဖိခွါတဂၤဒီးယုၢ်ဝဲအမံၤလၢ စီၤၡ့လၤလီၤ. စီၤယူဒၤအိၣ်ဝဲဖဲဝ့ၢ်ကစံာ်ဖဲဖိသၣ်ပိာ်ခွါအံၤအိၣ်ဖျဲၣ် ထီၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 38:5 Iomraidhean Croise

လံာ်တၢ်ကဲထီၣ်အခီၣ်ထံး 38:11

ဒီးစီၤယူဒၤစံးဘၣ်အဒဲၣ်မုၣ်နီၢ်တၤမၢ်, “က့ၤကဒါက့ၤဆူ နပၢ်အဟံၣ်ဒီးအိၣ်ဒံးဒ်မုၣ်ကမဲတဂၤအသိးတုၤယဖိခွါစီၤၡ့ လၤဒိၣ်ထီၣ်တက့ၢ်.” အဝဲစံးတၢ်အံၤ, မ့ၢ်လၢအပျံၤဝဲဒၣ်လၢ အဖိခွါစီၤၡ့လၤကဘၣ်တၢ်မၤသံအီၤဒ်အဝဲၢ်သ့ၣ်တဖၣ်အသိးအဃိ န့ၣ်လီၤ. လၢတၢ်န့ၣ်အဃိနီၢ်တၤမၢ်က့ၤကဒါက့ၤဆူအဟံၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 38:26

စီၤယူဒၤသ့ၣ်ညါနီၣ်တၢ်န့ၣ်တဖၣ်ဒီးစံးဝဲဒၣ်, “ပိာ်မုၣ်အံၤတဲတၢ်ဘၣ်လီၤ. ယလီၤတိၢ်ကွံာ်လၢယကမၤလၢပှဲၤ န့ၢ်တၢ်လၢယဂ့ၤမၤလၢအဂီၢ်လီၤ. ယကြၢးဟ့ၣ်တ့ၢ်အီၤလၢယဖိခွါစီၤၡ့လၤဒ်သိးကဒိးတ့ဒိး ဖျီအသးဒီးအီၤလီၤ.” ဒီးစီၤယူဒၤတမံဃုာ်လၢၤဒီးအီၤနီတစု လၢၤဘၣ်.

လံာ်တၢ်ကဲထီၣ်အခီၣ်ထံး 38:6

စီၤယူဒၤမၤန့ၢ်အဖိခွါဝဲၢ်ကိစီၤအ့ၢ်လၢအမါတဂၤလၢအမံၤ မ့ၢ်ဝဲနီၢ်တၤမၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 46:12

စီၤယူဒၤအိၣ်ဒီးအဖိခွါတဖၣ်လၢအမ့ၢ်ဝဲ, စီၤၡ့လၤ, စီၤဖ့ၤရ့းဒီးစီၤစ့ရၤလီၤ. (စီၤယူဒၤအဖိခွါအဂၤတဖၣ်လၢအမ့ၢ်ဝဲ, စီၤအ့ၢ်ဒီးစီၤအိၤနၣ်န့ၣ်သံလၢကီၢ်ကနၤဧၣ်အပူၤလီၤ.) ဒီးစီၤဖ့ၤရ့းအဖိခွါတဖၣ်မ့ၢ်ဝဲ, စီၤဃ့းစရိၣ်ဒီးစီၤဃမူ လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:3

စီၤယူဒၤအိၣ်ဒီးအဖိခွါခဲလၢာ်ယဲၢ်ဂၤန့ၣ်လီၤ. လၢအမါပှၤကနၤဧၣ်မုၣ်နီၢ်ၡူဧၤန့ၣ်အဝဲအိၣ်ဒီးအဖိခွါသၢဂၤ လၢအမ့ၢ်ဝဲ, စီၤအ့ၢ်, စီၤအိနၣ်ဒီးစီၤၡ့လၤန့ၣ်လီၤ. အဖိခွါဝဲၢ်ကိစီၤအ့ၢ်န့ၣ်မ့ၢ်လၢအအၢဝဲသီဝဲဒိၣ်ကဲာ်ဆိးအ ဃိယွၤမၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:21

စီၤၡ့လၤမ့ၢ်စီၤယူဒၤအဖိခွါတဖၣ်အကျါတဂၤန့ၣ်လီၤ. လၢအဝဲအစၢၤအသွဲၣ်တဖၣ်န့ၣ်အိၣ်ဃုာ်စ့ၢ်ကီးဒီးစီၤအ့ၢ်လၢ အသူၣ်ထီၣ်ဝ့ၢ်လ့ကၤ, စီၤလၤဒၤလၢအသူၣ်ထီၣ်ဝ့ၢ်မရ့ၡၤ, ဒီးပှၤတဖၣ်လၢအအိၣ်ဝဲဆိးဝဲလၢဝ့ၢ်အၤၡဘ့ၤ, လၢအမ့ၢ်ပှၤဆးဖှီဝါကဆှၣ်အဒူၣ်ထၢ,

လံာ်တၢ်ဂံၢ် 26:19

လၢယူဒၤအဒူၣ်ပူၤ (စီၤယူဒၤအဖိခွါခံဂၤလၢအမ့ၢ်စီၤအ့ၢ် ဒီးစီၤအိၤနၣ်န့ၣ်, သံတ့ၢ်ဝဲလၢကီၢ်ကနၤဧၣ်အပူၤလီၤ.) ဒူၣ်ထၢတဖၣ်လၢအဘၣ်ထွဲဒီးစီၤၡ့လၤ, စီၤစ့ရၤ, စီၤဖ့ၤရ့း, စီၤဃ့စရိၣ်ဒီးစီၤဃမူန့ၣ်လီၤ.