လံာ်တၢ်ကဲထီၣ်အခီၣ်ထံး 38:17 - Sgaw Karen Common Bible

¹⁷ အဝဲစံးဆၢဝဲ, “ယကဆှၢလီၤန့ၢ်နၤမဲာ်တဲးလဲးဖိတဒုလၢ ယမဲာ်တဲးလဲးတဖုအကျါလီၤ.” ပိာ်မုၣ်စံးဆၢအီၤ, “ဂ့ၤလံ. ဟ့ၣ်ယၤတၢ်တမံၤမံၤလၢယကပာ် အီၤဒ်အမ့ၢ်တၢ်ဟ့ၣ်ကီၤတမံၤအသိးတုၤနဆှၢလီၤမဲာ်တဲးလဲးတစု တက့ၢ်.”

လံာ်တၢ်ကဲထီၣ်အခီၣ်ထံး 38:17 Iomraidhean Croise

လံာ်တၢ်ကဲထီၣ်အခီၣ်ထံး 38:16

အဝဲလဲၤဃီၤဆူအအိၣ်လၢကျဲကပၤဒီးစံးဝဲ, “ကဲၤ, နကဃ့တၢ်အပှ့ၤထဲလဲၣ်.” (အဝဲတသ့ၣ်ညါဘၣ်ဝဲလၢပိာ်မုၣ်န့ၣ်မ့ၢ်အဒဲၣ်မုၣ်ဘၣ်.) ဒီးပိာ်မုၣ်အံၤစံးဆၢအီၤ, “နကဟ့ၣ်ယၤမနုၤလဲၣ်.”

လံာ်တၢ်ကဲထီၣ်အခီၣ်ထံး 38:18

အဝဲသံကွၢ်ဝဲ, “ယကဘၣ်ဟ့ၣ်နၤတၢ်ဟ့ၣ်ကီၤမနုၤတမံၤန့ၣ် လဲၣ်.” ပိာ်မုၣ်န့ၣ်စံးဆၢအီၤ, “နတၢ်စဲဃာ်ပနီၣ်ဒီးအပျံၤဒီးနီၣ် ထိးဘိလၢနစိာ်အီၤန့ၣ်လီၤ.” အဝဲဟ့ၣ်လီၤအီၤလၢတၢ်တဖၣ်န့ၣ်လီၤ. ဒီးအဝဲသ့ၣ်မံဃုာ်, ဒီးပိာ်မုၣ်အံၤဒၢထီၣ်ဝဲလီၤ.

လံာ်တၢ်ကဲထီၣ်အခီၣ်ထံး 38:20

စီၤယူဒၤမၢလီၤအတံၤသကိးစီၤဃံရၤဒ်သိးကလဲၤစိာ်မဲာ်တဲး လဲးဒီးမၤန့ၢ်က့ၤတၢ်အပီးအလီတဖၣ်လၢအပာ်ကီၤတ့ၢ်ဝဲလၢပိာ် မုၣ်အအိၣ်န့ၣ်လီၤ. ဘၣ်ဆၣ်ဒီးစီၤဃံရၤဃုပိာ်မုၣ်န့ၣ်တဘၣ်ဘၣ်.

တၢ်ကတိၤဒိ. 20:16

ပှၤတဂၤလၢ်လၢ်လၢအသးတဆးတုၤဒၣ်လဲာ်အအုၣ်ခီၣ်အသးလၢပှၤလၢ အတသ့ၣ်ညါဝဲတဂၤအဒ့ၣ်ကမၣ်အဂီၢ်န့ၣ်, အစုလီၢ်ခီၣ်ခိၣ်ဒၣ်ဝဲတဖၣ်ကြၢးဘၣ်တၢ်ဟံးဃာ်အီၤဒ်တၢ်အုၣ်ကီၤ လၢတၢ်ကဟ့ၣ်က့ၤဒ့ၣ်ကမၣ်အဂီၢ်န့ၣ်လီၤ.

လံာ်ယဃ့းစက့လး 16:33

ပှၤဃဲသဲမုၣ်တဂၤန့ၣ်ဘၣ်တၢ်ဟ့ၣ်အီၤတၢ်အပှ့ၤလီၤ. မ့မ့ၢ်နဲနဟ့ၣ်တၢ်ဟ့ၣ်တဖၣ်ဆူပှၤလၢနအဲၣ်အီၤခဲလၢာ်ဒီးဟ့ၣ် အဝဲသ့ၣ်ခိၣ်ဖးလာ်ဆှိးလၢကဟဲလၢတၢ်လီၢ်ကိးပူၤဒဲးလၢ ကမံဃုာ်ဒီးနၤအဂီၢ်လီၤ.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

လံာ်ပှၤစံၣ်ညီၣ်ကွီၢ် 15:1

ဒီးလၢမုၢ်နံၤတဖၣ်အလီၢ်ခံ, ဖဲတၢ်ကူးဘုကၠူၣ်အဆၢကတီၢ်န့ၣ် စီၤၡံၣ်ၡိၣ်လဲၤအိၣ်သကိးအမါ, ဒီးလဲၤစိာ်န့ၢ်အီၤမဲာ်တဲးလဲးလီၤ. အဝဲစံးဘၣ်ပိာ်မုၣ်န့ၣ်အပၢ်, “ယအဲၣ်ဒိးလဲၤဆူယမါအဒၢးန့ၣ်လီၤ.” ဘၣ်ဆၣ်ဒီးအဝဲတပျဲလဲၤနုာ်အီၤဘၣ်.