လံာ်တၢ်ကဲထီၣ်အခီၣ်ထံး 38:11 - Sgaw Karen Common Bible

¹¹ ဒီးစီၤယူဒၤစံးဘၣ်အဒဲၣ်မုၣ်နီၢ်တၤမၢ်, “က့ၤကဒါက့ၤဆူ နပၢ်အဟံၣ်ဒီးအိၣ်ဒံးဒ်မုၣ်ကမဲတဂၤအသိးတုၤယဖိခွါစီၤၡ့ လၤဒိၣ်ထီၣ်တက့ၢ်.” အဝဲစံးတၢ်အံၤ, မ့ၢ်လၢအပျံၤဝဲဒၣ်လၢ အဖိခွါစီၤၡ့လၤကဘၣ်တၢ်မၤသံအီၤဒ်အဝဲၢ်သ့ၣ်တဖၣ်အသိးအဃိ န့ၣ်လီၤ. လၢတၢ်န့ၣ်အဃိနီၢ်တၤမၢ်က့ၤကဒါက့ၤဆူအဟံၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 38:11 Iomraidhean Croise

လံာ်တၢ်ကဲထီၣ်အခီၣ်ထံး 38:14

လၢတၢ်န့ၣ်အဃိ, နီၢ်တၤမၢ်လဲလိာ်ကွံာ်မုၣ်ကမဲအကူအသိးတဖၣ် လၢအကူဝဲသိးဝဲ, မၤဘၢအမဲာ်ဒီးနီၣ်ကျၢၢ်ဘၢမဲာ်, ဒီးဆ့ၣ်နီၤဝဲဖဲဝ့ၢ်အံန့ၢ်, အခီပညီထံထီၣ်ပၢၢ်ခံပူၤ, ဝ့ၢ်တဝ့ၢ်လၢအအိၣ်ဖဲကျဲလဲၤဆူဝ့ၢ်တံးမနၤအကျဲစၢၤအဖီ ခိၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်ညါတ့ၢ်ဝဲဒၣ်လၢခဲအံၤစီၤ ယူဒၤအဖိခွါသဒါစီၤၡ့ၤလၤဒိၣ်ထီၣ်လံ, ဒီးအန့ၣ်ဒၣ်လဲာ်တၢ်တဟ့ၣ်ဒံးအီၤလၢကဒိးတ့ဒိးဖျီအသးဒီး စီၤၡ့လၤဘၣ်.

လံာ်တၢ်ဘူၣ်ထီၣ်ဘါထီၣ် 22:13

မ့မ့ၢ်ပှၤလုၢ်တၢ်အခိၣ်အဖိမုၣ်မ့မ့ၢ်မုၣ်ကမဲမ့ၢ်ဂ့ၤ, မ့ၢ်လီၤဖှၣ်ဒီးအဝၤလၢအဖိတအိၣ်ဘၣ်နီတဂၤမ့ၢ်ဂ့ၤ, လၢအဟဲက့ၤအိၣ်လၢအပၢ်အဟံၣ်ဒီးသန့ၤသးလၢအီၤတဂၤန့ၣ် ကအီၣ်ဘၣ်တၢ်အီၣ်လၢအပၢ်ဒီးန့ၢ်ဘၣ်ဝဲဒ်ပှၤလုၢ်တၢ်အခိၣ်တဂၤ အသိးန့ၣ်လီၤ. ထဲပှၤလုၢ်တၢ်အခိၣ်အဒူၣ်ဖိထၢဖိတဖၣ်ဧိၤကအီၣ်ဘၣ်တၢ်လုၢ်စီဆှံတဖၣ်န့ၣ်လီၤ.