လံာ်တၢ်ကဲထီၣ်အခီၣ်ထံး 38:1 - Sgaw Karen Common Bible

¹ အကတီၢ်ဖဲန့ၣ်စီၤယူဒၤဟးသဒၣ်အဒီပုၢ်ဝဲၢ်တဖၣ်ဒီးလဲၤတၢ်ဒ် သိးအကအိၣ်ဒီးပှၤတဂၤလၢအမံၤမ့ၢ်ဝဲစီၤဃံရၤလၢအဘၣ်ဃးဒီး ဝ့ၢ်ဧဒူးလၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 38:1 Iomraidhean Croise

လံာ်တၢ်ကဲထီၣ်အခီၣ်ထံး 38:12

မုၢ်နံၤမုၢ်သီတနီၤဝံၤအလီၢ်ခံ, စီၤယူဒၤအမါသံဝဲန့ၣ် လီၤ. တုၤအဟီၣ်တၢ်ယၢၤတၢ်အဆၢကတီၢ်ဝံၤဝဲဒီး, အဝဲဒီးအတံၤသကိးစီၤဃံရၤလၢဝ့ၢ်ဧဒူးလၣ်တခီလဲၤဝဲဆူ တံးမနၤဖဲပှၤတံာ်အသိတဖၣ်အဆူၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 38:20

စီၤယူဒၤမၢလီၤအတံၤသကိးစီၤဃံရၤဒ်သိးကလဲၤစိာ်မဲာ်တဲး လဲးဒီးမၤန့ၢ်က့ၤတၢ်အပီးအလီတဖၣ်လၢအပာ်ကီၤတ့ၢ်ဝဲလၢပိာ် မုၣ်အအိၣ်န့ၣ်လီၤ. ဘၣ်ဆၣ်ဒီးစီၤဃံရၤဃုပိာ်မုၣ်န့ၣ်တဘၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 23:13

ဖဲအခါဘူးထီၣ်လၢကူးဘုအကတီၢ်ကစးထီၣ်န့ၣ်, ပှၤသၢဂၤလၢ ‘ပှၤအခိၣ်အဂၤသၢဆံ’ အကျါလဲၤလီၤဝဲဆူ ဧဒူးလၣ်အလ့ကအိ, လၢစီၤဒၤဝံးအိၣ်ဝဲ, ဖဲပှၤဖလ့ၡသးဖိတဖုသူၣ်ထီၣ်အဒဲ, ဖဲရၤဖၤကစၢၢ်ကဆူးအခါ န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:8

ဘၣ်မုၢ်တနံၤ, စီၤအလံၤၡါလဲၤဝဲဒၣ်ဆူဝ့ၢ်ၡူန့ၣ်, ဖဲပိာ်မုၣ်ထူးတီၤတဂၤအိၣ်ဆိးဝဲန့ၣ်လီၤ. ပိာ်မုၣ်န့ၣ်ကွဲဃီၤအီၤဆူတၢ်အီၣ်တဘျီ, ဒီးစးထီၣ်ဖဲန့ၣ်, ဖဲအလဲၤဝဲဆူဝ့ၢ်ၡူန့ၣ်ကိးဘျီဒဲးန့ၣ်, အဝဲကအီၣ်တၢ်ဖဲပိာ်မုၣ်န့ၣ်အဟံၣ်လီၤ.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

တၢ်ကတိၤဒိ. 9:6

ပာ်တ့ၢ်ကွံာ်ပှၤလၢအတသ့လံာ်သ့လဲာ်အတၢ်အိၣ်ဖှိၣ်ဒီးမူနဲ တက့ၢ်. ပိာ်ထွဲတၢ်သ့ၣ်ညါနၢ်ပၢၢ်အကျဲတက့ၢ်.”

လံာ်မံကၤ 1:15

ဝ့ၢ်မရ့ၡၤအပှၤဂီၢ်မုၢ်သ့ၣ်ဧၢ, ယွၤကဟ့ၣ်လီၤကွံာ်သုဆူဒုၣ်ဒါတဖုလၢအကဒုးန့ၢ်သုဝ့ၢ်အစုပူၤလီၤ. ပှၤအံၣ်စရ့လးအခိၣ်အနၢ်တဖၣ်ကလဲၤအိၣ်ခူသူၣ်ဝဲလၢဝ့ၢ်ဧဒူးလၣ် အလၢၢ်ကအိပူၤလီၤ.

လံာ်စီၤယိၤၡူ 15:35

ယၢ်မူသး, ဧဒူးလၣ်, စိကိၤ, ဧစ့ကၤ, ၡၤရယံၣ်, ဧဒံသၣ်, ကဒ့ရၤ, ဒီးကဒ့ရိၤသံၣ်န့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတ ရံးအီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:18

နီၢ်ယဧ့လးလဲၤထီၣ်သဂၢၢ်စီၤစံစရၤဒီးစံးဘၣ်အီၤ, “တၢ်ဒိၣ်ဧၢ, ဟဲနုာ်ဆူယဒဲပူၤတက့ၢ်. ပျံၤတၢ်တဂ့ၤ”. မၤသးဒ်န့ၣ်ဒီးအဝဲလဲၤနုာ်ဝဲဒၣ်လီၤ. ဒီးပိာ်မုၣ်န့ၣ်လုးဘၢအီၤလၢယၣ်တဘ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:1

စီၤဒၤဝံးဃ့ၢ်ထီၣ်ကွံာ်လၢကီၢ်ကၤသးအဝ့ၢ်ပူၤဒီးလဲၤဆူ လ့ကအိတခါလၢအဘူးဒီးဝ့ၢ်ဧးဒူးလၣ်လီၤ. ဖဲအဒီပုၢ်ဝဲၢ်တဖၣ်ဒီးအဟံၣ်ဖိဃီဖိလၢအအိၣ်လီၤတဲာ်တဖၣ်နၢ်ဟူလၢအအိၣ်ဖဲန့ၣ်ဒီးအဝဲသ့ၣ်လဲၤမၤသကိးတၢ်ဒီးအီၤန့ၣ်လီၤ.