လံာ်တၢ်ကဲထီၣ်အခီၣ်ထံး 37:8 - Sgaw Karen Common Bible

⁸ အဒီပုၢ်ဝဲၢ်ခွါတဖၣ်သံကွၢ်ဝဲ, “နဆိကမိၣ်လၢနကကဲထီၣ်စီၤ ပၤတဂၤဒီးပၢပှၤန့ၣ်ဧါ”. ဒီးအဝဲသ့ၣ်သးဟ့အီၤအါထီၣ်မ့ၢ်လၢအတၢ်မံမီၢ်တဖၣ်ဒီးတၢ်လၢ အဝဲစံးတ့ၢ်ဘၣ်ထွဲဒီးအဝဲသ့ၣ်အဂ့ၢ်အဃိလီၤ.

လံာ်တၢ်ကဲထီၣ်အခီၣ်ထံး 37:8 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 37:4

တုၤအဒီပုၢ်ဝဲၢ်ခွါတဖၣ်ထံၣ်ဝဲလၢအပၢ်စီၤယၤကိာ်အဲၣ်တ့ၢ်စီၤ ယိၤသးဒိၣ်န့ၢ်အအဲၣ်တ့ၢ်အဝဲသ့ၣ်န့ၣ်, အဝဲသ့ၣ်သးဟ့ တ့ၢ်အီၤနးမးတုၤဒၣ်လဲာ်တကတိၤတၢ်ဒီးအီၤမုာ်မုာ်ဘၣ်လီၤ.

လံာ်တၢ်ကဲထီၣ်အခီၣ်ထံး 37:9

ဒီးစီၤယိၤသးအိၣ်ဒီးအတၢ်မံမီၢ်တဂၤတမံၤဒီးတဲဘၣ်အဒီပုၢ် ဝဲၢ်ခွါသ့ၣ်တဖၣ်, “ယအိၣ်ဒီးတၢ်မံမီၢ်အဂၤတမံၤ, ဒီးလၢယတၢ်မံမီၢ်အပူၤန့ၣ်, ယထံၣ်မုၢ်, လါဒီးဆၣ်တဆံ တဖျၢၣ်သကူးလီၤအသးလၢယမဲာ်ညါန့ၣ်လီၤ.”

လံာ်တၢ်ကဲထီၣ်အခီၣ်ထံး 42:10

အဝဲသ့ၣ်စံးဆၢဝဲ, “တမ့ၢ်ဘၣ်ကစၢ်ဧၢ, ပဟဲဃီၤဒ်နကုၢ်နပှၤတဖၣ်လၢပကပှ့ၤတၢ်အီၣ်တၢ်အီအဂီၢ်လီၤ.

လံာ်တၢ်ကဲထီၣ်အခီၣ်ထံး 44:18

စီၤယူဒၤလဲၤဆူစီၤယိၤသးအအိၣ်ဒီးစံးဝဲ, “ကစၢ်ဧၢ, ဝံသးစူၤပျဲယကတိၤတၢ်ဒီးနၤလၢတၢ်သဘျ့အပူၤတက့ၢ်. တဘၣ်သးထီၣ်ယၤတဂ့ၤ. နမ့ၢ်ပှၤဒ်စီၤပၤအကစၢ်ဒၣ်ဝဲ အသိးလီၤ.

လံာ်တၢ်ကဲထီၣ်အခီၣ်ထံး 49:26

တၢ်ဆိၣ်ဂ့ၤတဖၣ်လၢဘုဧိၤဟုဧိၤဒီးဖီတဖၣ်, တၢ်ဆိၣ်ဂ့ၤတဖၣ်ဟဲလၢကစၢၢ်ကလိလၢပျၢၤတဖၣ်, တၢ်လၢအဘၣ်သူၣ်ဘၣ်သးပှၤတဖၣ်လၢအဟဲလၢတၢ်လူၢ် အထူအယိာ်တဖၣ်န့ၣ်လီၤ. မ်တၢ်ဆိၣ်ဂ့ၤတဖၣ်အံၤလီၤဘၣ်လၢစီၤယိၤသး, ပှၤတဂၤလၢအဘၣ်တၢ်ပာ်လီၤဆီအီၤဒီးအဒီပုၢ်ဝဲၢ်ခွါတဖၣ်, အခိၣ်ဖီခိၣ်အမဲာ်တူၢ်ခိၣ်တက့ၢ်.

လံာ်တၢ်ကဲထီၣ်အခီၣ်ထံး 50:18

အန့ၣ်ဒီး, အဒီပုၢ်ဝဲၢ်ခွါတဖၣ်အကစၢ်ဒၣ်ဝဲဟဲဒီးတီၤလီၤလၢ အမဲာ်ညါလီၤ. အဝဲသ့ၣ်စံးဝဲ, “ပအိၣ်လၢနမဲာ်ညါဖဲအံၤ, ဒ်နကုၢ်နပှၤတဖၣ်အသိးန့ၣ်လီၤ.”

စံးထီၣ်ပတြၢၤ 118:22

လၢၢ်လၢပှၤသူၣ်ထီၣ်တၢ်ဖိတဖၣ်ညိကွံာ် ဝဲဒ်တၢ်ကလီကလီအသိးန့ၣ်, ကဲထီၣ်လၢၢ်လၢအကါဒိၣ်ကတၢၢ်န့ၣ်လံ.

လံာ်တၢ်ဟးထီၣ်ကွံာ် 2:14

ပှၤတဂၤန့ၣ်စံးဆၢဝဲ, “မ့ၢ်မတၤပာ်နၤလၢပဒိၣ်ဒီးစံၣ်ညီၣ် ကွီၢ်တဂၤလၢပဖီခိၣ်န့ၣ်လဲၣ်. မ့ၢ်နဆိကမိၣ်လၢနကမၤသံယၤဒ်နမၤသံပှၤအဲၤကူပတူးဖိတဂၤ အသိးစ့ၢ်ကီးဧါ.” တုၤနုၤတစုစီၤမိၤၡ့ပျံၤတၢ်ဒီးဆိကမိၣ်လၢအသးပူၤ, “ပှၤသ့ၣ်ညါတၢ်လၢယမၤတ့ၢ်အီၤန့ၣ်လံ.”

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

လံာ်လူၤကၣ် 20:17

ယ့ၣ်ၡူးကွၢ်ဃီၤအဝဲသ့ၣ်ဒီးသံကွၢ်ဝဲ, “မ့မ့ၢ်ဒ်န့ၣ်ဒီး, တၢ်ကွဲးအသးလၢလာ်တတီၤအံၤအခီပညီမ့ၢ်မနုၤလဲၣ်. ‘လၢၢ်တဖျၢၣ်ဃီလၢပှၤဘှီတၢ်ဖိ တဖၣ်ညိကွံာ်ဝဲဒ်တၢ်လၢအလုၢ်အပှၤတအိၣ်ဘၣ်န့ၣ်, ကဲထီၣ်လၢလၢၢ်အကါဒိၣ်ကတၢၢ်တဖျၢၣ် တခီန့ၣ်လီၤ.’

မၤတၢ် 7:35

စီၤမိၤၡ့မ့ၢ်ပှၤတဂၤဃီလၢအဘၣ်တၢ်ညိကွံာ်အီၤလၢပှၤ အံၣ်စရ့လးဖိခီဖျိတၢ်ကတိၤလၢအစံးဝဲ, ‘မ့ၢ်မတၤတဂၤဟ့ၣ်စိဟ့ၣ်ကမီၤနၤလၢနကပၢဘၣ်ဒီးစံၣ်ညီၣ်ပဝဲ ဒၣ်အံၤန့ၣ်လဲၣ်’ လီၤ. အဝဲမ့ၢ်ပှၤတဂၤဃီလၢကစၢ်ယွၤမၢလီၤအီၤလၢအကပၢဘၣ်ပှၤဂီၢ် မုၢ်ဒီးမၤထူၣ်ဖျဲးထီၣ်အီၤခီဖျိကလူးလၢအလီၣ်ဖျါထီၣ်အသး လၢတပှီာ်လၢမ့ၣ်အူအီၣ်အီၤတလိၣ်အပူၤတဂၤအတၢ်မၤစၢၤအီၤန့ၣ် လီၤ.

လံာ်သိၣ်လီၤသီလီၤတၢ် 33:16

မ်အဝဲသ့ၣ်အကီၢ်ကပှဲၤဝဲဒီးကယဲၢ်တၢ်လၢအဂ့ၤခဲလၢာ်, ဘၣ်တၢ်ဆိၣ်ဂ့ၤလၢယွၤ လၢအကတိၤလီၤတၢ်လၢသ့ၣ်တၤဆှုၣ် လၢမ့ၣ်အူအီၣ်အီၤအပူၤတဂၤအတၢ်ဂ့ၤတၢ်ဝါတက့ၢ်. မ်တၢ်ဆိၣ်ဂ့ၤတဖၣ်အံၤကလီၤဘၣ်လၢယိၤသး အဒူၣ်အလိၤ, မ့ၢ်လၢအဝဲမ့ၢ်ပှၤခိၣ်ပှၤနၢ်လၢအဒီပုၢ်ဝဲၢ်ခွါတဖၣ်အကျါအဃိန့ၣ်တက့ၢ်.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 17:28

စီၤအ့လံအာ်လၢအမ့ၢ်စီၤဒၤဝံးအဝဲၢ်အဒိၣ်ကတၢၢ်နၢ်ဟူ စီၤဒၤဝံးကတိၤတၢ်ဒီးပှၤတဖၣ်န့ၣ်လီၤ. အဝဲအသးဒိၣ်ထီၣ်ဘၣ်စီၤဒၤဝံးဒီးစံးဝဲ, “နမၤတၢ်မနုၤတမံၤဖဲအံၤန့ၣ်လဲၣ်. မတၤတဂၤအံးထွဲ ကွၢ်ထွဲနသိဖိတဖၣ်လၢပှၢ်မုၢ်ကနၢအပူၤန့ၣ်လဲၣ်. နၤအံၤနမၤသးဒ်ဖိသၣ်လၢတပာ်လ့ၢ်ပာ်ကါတၢ်အသိးလီၤ. နဟဲနဲဒ်သိးနကကွၢ်ကီတၢ်ဒုးတၢ်ယၤတမ့ၢ်ဘၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 18:8

စီၤစီလူးတဘၣ်အသးလၢတၢ်အံၤဘၣ်. ဒီးအသးဒိၣ်ထီၣ်ဝဲဖးဒိၣ်လီၤ. အဝဲဒၣ်စံး, “လၢစီၤဒၤဝံးအဂီၢ်န့ၣ်အဝဲသ့ၣ်ကိးထီၣ်ဝဲပှၤ အကလးဘၣ်ဆၣ်ဒီးလၢယဂီၢ်န့ၣ်ပှၤအကထိတဖၣ်ဧိၤလီၤ. လၢခံန့ၣ်အဝဲသ့ၣ်ကဒုးကဲထီၣ်အီၤလၢစီၤပၤလီၤ.”