လံာ်တၢ်ကဲထီၣ်အခီၣ်ထံး 37:4 - Sgaw Karen Common Bible

⁴ တုၤအဒီပုၢ်ဝဲၢ်ခွါတဖၣ်ထံၣ်ဝဲလၢအပၢ်စီၤယၤကိာ်အဲၣ်တ့ၢ်စီၤ ယိၤသးဒိၣ်န့ၢ်အအဲၣ်တ့ၢ်အဝဲသ့ၣ်န့ၣ်, အဝဲသ့ၣ်သးဟ့ တ့ၢ်အီၤနးမးတုၤဒၣ်လဲာ်တကတိၤတၢ်ဒီးအီၤမုာ်မုာ်ဘၣ်လီၤ.

လံာ်တၢ်ကဲထီၣ်အခီၣ်ထံး 37:4 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 37:11

စီၤယိၤသးအဒီပုၢ်ဝဲၢ်ခွါတဖၣ်အသးက့ၣ်အီၤ, ဘၣ်ဆၣ်ဒီးအပၢ်ဆိကမိၣ်ထွဲဒံးတၢ်ဂ့ၢ်လၢအမၤအသးခဲလၢာ်န့ၣ် လီၤ.

လံာ်တၢ်ကဲထီၣ်အခီၣ်ထံး 37:5

ဘၣ်တနၤစီၤယိၤသးအိၣ်ဒီးအတၢ်မံမီၢ်တမံၤ, ဒီးဖဲအတဲဘၣ်အဒီပုၢ်ဝဲၢ်ခွါသ့ၣ်တဖၣ်လၢတၢ်ဂ့ၢ်န့ၣ်, အဝဲသ့ၣ်သးဟ့အီၤအါန့ၢ်အလီၢ်လီၤ.

လံာ်တၢ်ကဲထီၣ်အခီၣ်ထံး 4:5

မ့မ့ၢ်စီၤကၤယံၣ်ဒီးအတၢ်လုၢ်တၢ်ပာ်န့ၣ်တတူၢ်လိာ်ဘၣ်ဝဲဘၣ်. စီၤကၤယံၣ်အသးထီၣ်ဒိၣ်ဒိၣ်ကလဲာ်ဒီးကွၢ်ဟ့တၢ်လၢတၢ်သးထီၣ်အပူၤလီၤ.

လံာ်တၢ်ကဲထီၣ်အခီၣ်ထံး 49:23

အဝဲအဒုၣ်အဒါတဖၣ်ဒုးအီၤဆူၣ်ဆူၣ်ဒီးလူၤထွဲအခံလၢအချံၣ် တဖၣ်ဒီးအပျၢ်တဖၣ်န့ၣ်လီၤ.

စံးထီၣ်ပတြၢၤ 38:19

ယဒုၣ်ယဒါသ့ၣ်တဖၣ်အိၣ်ဆူၣ်အိၣ်ချ့ ဒီးအဂံၢ်ဆူၣ်ဘါဆူၣ်ဝဲ ဒီးလၢတၢ်ဂ့ၢ်တအိၣ်နီတမံၤဘၣ်အပူၤန့ၣ်, ပှၤလၢအသးဟ့ယၤအိၣ်အါဂၤလီၤ.

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

လံာ်ယံးရမံယၤ 12:6

နဒီပုၢ်ဝဲၢ်ခွါတဖၣ်ပှၤလၢအမ့ၢ်နဒူၣ်ဖိထၢဖိဒၣ်နဲ တဖၣ်ဒၣ်လဲာ်ဟ့ၣ်လီၤကွံာ်လံနၤလံ. အဝဲသ့ၣ်ပာ်ဖှိၣ်ထီၣ်အသးလၢတၢ် ထီဒါနၤအပူၤန့ၣ်လီၤ. အဝဲသ့ၣ်မ့ၢ်ကတိၤတၢ်ဃူတၢ်ဖိး, အတၢ်ကတိၤတဖၣ်ဒီး နၤဒၣ်လဲာ်, တဘၣ်နာ်အဝဲသ့ၣ်တဂ့ၤ.”

လံာ်မၢ်ကူး 3:25

ပှၤဟံၣ်ဖိဃီဖိတဒူၣ်မ့ၢ်လီၤမုၢ်လီၤဖးဒီးအ့ၣ်လိာ်ဝာ်လိာ် အသးဒီးပှၤတဒူၣ်န့ၣ်အိၣ်ဂၢၢ်အိၣ်ကျၢၤတသ့ဝဲဘၣ်.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.

၁ ယိၤဟၣ် 3:12

ပတဘၣ်လီၤဂာ်ဒီးစီၤကၤယံၣ်, လၢအဘၣ်ဃးဒီးတၢ်အၢတၢ်သီ တဂၤ, လၢအမၤသံအဒီပုၢ်ဝဲၢ်ဒၣ်ဝဲန့ၣ်ဘၣ်. ဘၣ်မနုၤအဃိစီၤကၤယံၣ်မၤသံအီၤလဲၣ်. မ့ၢ်လၢအတၢ်မၤဒၣ်ဝဲတဖၣ်မ့ၢ်အအၢအသီ, ဒီးအဒီပုၢ်ဝဲၢ် အတၢ်မၤတဖၣ်န့ၣ်, မ့ၢ်အတီအလိၤအဃိလီၤ.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 17:28

စီၤအ့လံအာ်လၢအမ့ၢ်စီၤဒၤဝံးအဝဲၢ်အဒိၣ်ကတၢၢ်နၢ်ဟူ စီၤဒၤဝံးကတိၤတၢ်ဒီးပှၤတဖၣ်န့ၣ်လီၤ. အဝဲအသးဒိၣ်ထီၣ်ဘၣ်စီၤဒၤဝံးဒီးစံးဝဲ, “နမၤတၢ်မနုၤတမံၤဖဲအံၤန့ၣ်လဲၣ်. မတၤတဂၤအံးထွဲ ကွၢ်ထွဲနသိဖိတဖၣ်လၢပှၢ်မုၢ်ကနၢအပူၤန့ၣ်လဲၣ်. နၤအံၤနမၤသးဒ်ဖိသၣ်လၢတပာ်လ့ၢ်ပာ်ကါတၢ်အသိးလီၤ. နဟဲနဲဒ်သိးနကကွၢ်ကီတၢ်ဒုးတၢ်ယၤတမ့ၢ်ဘၣ်ဧါ.”