လံာ်တၢ်ကဲထီၣ်အခီၣ်ထံး 37:35 - Sgaw Karen Common Bible

³⁵ ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်တၢ်ကဲထီၣ်အခီၣ်ထံး 37:35 Iomraidhean Croise

လံာ်တၢ်ကဲထီၣ်အခီၣ်ထံး 25:8

အဝဲအိၣ်ကၢအိၣ်ခိးတုၤအသးပှၢ်တုာ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 31:43

ဒီးစီၤလၤဘၣ်စံးဆၢဝဲ, “ပိာ်မုၣ်တဖၣ်အံၤမ့ၢ်ယဖိမုၣ်တ ဖၣ်, ဒီးအဖိတဖၣ်ဘၣ်ဃးဒီးယၤလီၤ. ဒီးဆၣ်ဖိကီၢ်ဖိတဖၣ်အံၤမ့ၢ် ယတၢ်လီၤ. နီၢ်နီၢ်န့ၣ်ကယဲၢ်တၢ်လၢနထံၣ်အီၤဖဲအံၤခဲလၢာ်ဒၣ်လဲာ်မ့ၢ်ယတၢ် လီၤ. ဘၣ်ဆၣ်မ့ၢ်လၢယမၤလၢၤတၢ်တသ့နီတမံၤဘၣ်လၢယကဟံးဃာ်ယဖိမုၣ် ဒီးအဖိသ့ၣ်တဖၣ်အဂီၢ်အဃိ,

လံာ်တၢ်ကဲထီၣ်အခီၣ်ထံး 35:29

ဒီးသံဝဲလၢအသးပှၢ်တုာ်အကတီၢ်န့ၣ်လီၤ. ဒီးအဖိခွါစီၤဧ့ၡီၤဒီးစီၤယၤကိာ်ခူၣ်လီၤကွံာ်အီၤန့ၣ် လီၤ.

လံာ်တၢ်ကဲထီၣ်အခီၣ်ထံး 42:31

ပစံးဆၢအီၤလၢပတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. ပမ့ၢ်ပှၤအတီအလိၤတဖၣ်လီၤ.

လံာ်တၢ်ကဲထီၣ်အခီၣ်ထံး 42:38

ဘၣ်ဆၣ်စီၤယၤကိာ်စံးဝဲ, “ယဖိခွါလဲၤဃုာ်တၢ်ဒီးသုတသ့ ဘၣ်. အဒီပုၢ်ဝဲၢ်ခွါသံလံ. ဒီးအဝဲမ့ၢ်ပှၤထဲတဂၤဧိၤလၢအအိၣ် တီၢ်န့ၣ်လီၤ. လၢကျဲန့ၣ်, တၢ်တမံၤမံၤကမၤဘၣ်ဖုးအသးဒီးအီၤလီၤ. ယမ့ၢ်ပှၤသးပှၢ်တဂၤ, ဒီးတၢ်သူၣ်အုးသးအုးလၢသု ကဒုးအိၣ်ထီၣ်လၢယဂီၢ်န့ၣ်ကမၤသံယၤလီၤ.”

လံာ်တၢ်ကဲထီၣ်အခီၣ်ထံး 45:28

အဝဲစံးဝဲ, “ယဖိခွါစီၤယိၤသးမူဒံးဝဲလီၤ. တၢ်အံၤမ့ၢ်တၢ်လၢယမုၢ်လၢ်အဒိၣ်ကတၢၢ်လီၤ. ယကဘၣ်လဲၤဒီးထံၣ်ဘၣ်အီၤတချုးယသံဒံးဘၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 48:11

စီၤယၤကိာ်စံးဘၣ်စီၤယိၤသး, “ယတမုၢ်လၢ်တ့ၢ်လၢယကထံၣ်ဘၣ် ကဒီးနၤနီတစုလၢၤဘၣ်. ဘၣ်ဆၣ်ခဲအံၤ, ကစၢ်ယွၤပျဲယထံၣ်ဘၣ်ဒၣ်လဲာ်နဖိတဖၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 12:17

အဝဲအကွီၢ်ဘျီၣ်အပဒိၣ်ပပှၢ်တဖၣ်လဲၤဆူအအိၣ် ဒီးကျဲးစၢးဒုးဂဲၤထၢၣ်အီၤ ဘၣ်ဆၣ်ဒီးအဝဲဂ့ၢ်လိာ်ဝဲဒီးတအီၣ်ဃုာ်တၢ်နီတမံၤဒီးအဝဲသ့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 12:23

ဘၣ်ဆၣ်ဒီးခဲအံၤမ့ၢ်လၢအဝဲဒၣ်သံလံအဃိ, ဘၣ်မနုၤယကဘၣ်ဒုၣ်တၢ်အီၣ်န့ၣ်လဲၣ်. ယမၤမူထီၣ်က့ၤဖိသၣ်အံၤကသ့ဧါ. မုၢ်တနံၤန့ၣ်ယကလဲၤဆူတၢ်လီၢ်ဖဲအဝဲအိၣ်ဝဲ မ့မ့ၢ်အဝဲဟဲက့ၤ ဆူယအိၣ်တသ့ဘၣ်နီတစုဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:1

စီၤယိၤအာ်ဘၣ်တၢ်တဲအီၤလၢ စီၤပၤစီၤဒၤဝံးဟီၣ်ဝဲဒီးသူၣ်အုးသးအုးလၢစီၤအးဘၡါလိၣ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:22

အဝဲသ့ၣ်အပၢ်စီၤအ့ဖရဲၣ်ဘၣ်မိၢ်ဘၣ်မးလၢအဝဲသ့ၣ်အဃိအါနံၤ အါသီဒီးအဒီပုၢ်ဝဲၢ်ခွါတဖၣ်ဟဲလၢကမၤမုာ်ထီၣ်က့ၤအီၤအဂီၢ် န့ၣ်လီၤ.

လံာ်စီၤယိၤဘး 2:11

ဒီးတုၤစီၤယိၤဘးအတံၤသကိးသၢဂၤ, ပှၤတ့ၤမၣ်ဖိစီၤအလံ ဖးစး, ပှၤၡူၤဃးဖိစီၤဘံးလဒး, ဒီးပှၤနၤမးဖိစီၤစိဖၢ်နၢ်ဟူ ဝဲလၢကယဲၢ်တၢ်အၢလၢအဘၣ်အီၤဒီး, အဝဲသ့ၣ်ဟဲဝဲတဂၤ လၢအလီၢ်ဒၣ်ဝဲ, တဂၤလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်လီၤသကိးအသးလၢကဟဲ, ဒ်သိးကပာ်ဖျါထီၣ် အတၢ်သးအုးဃုာ်ဒီးအီၤဒီးမၤမုာ်ထီၣ်က့ၤအီၤလီၤ.

စံးထီၣ်ပတြၢၤ 77:2

လၢယတၢ်ကိၢ်တၢ်ဂီၤအမုၢ်နံၤန့ၣ်, ယဃုယွၤ, ယစုယူာ်ထီၣ်အသးလၢမုၢ်နၤ လၢတၢ်တလီၤဘှံးလီၤတီၤဘၣ်အပူၤ, ဘၣ်ဆၣ်တၢ်မၤမုာ်ထီၣ်က့ၤယၤတသ့ဘၣ်.

စံးထီၣ်ပတြၢၤ 77:3

တုၤယဆိကမိၣ်ထီၣ်ကစၢ်ယွၤန့ၣ်ဒီး, ယဟီၣ်ယယၢၤယဲ, ဒီးယသးလီၤဘှါယဲလီၤ. စ့လၤ

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.