လံာ်တၢ်ကဲထီၣ်အခီၣ်ထံး 37:29 - Sgaw Karen Common Bible

²⁹ ဒီးဖဲစီၤရူၤဘ့ၣ်ဟဲက့ၤကဒါက့ၤဆူထံပူၤဒီးတထံၣ်ဘၣ်စီၤ ယိၤသးဖဲန့ၣ်ဘၣ်န့ၣ်အဝဲဖှီယာ်ကွံာ်အကူအသိးတဖၣ်လၢတၢ်သူၣ် အုးသးအုးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:29 Iomraidhean Croise

လံာ်တၢ်ကဲထီၣ်အခီၣ်ထံး 34:13

မ့ၢ်လၢစီၤၡက့ၣ်မၤမဲာ်ဆှးတ့ၢ်လံအဝဲသ့ၣ်အဒီပုၢ်ဝဲၢ်မုၣ် နီၢ်ဒံနၤအဃိဒီးစီၤယၤကိာ်အဖိခွါတဖၣ်စံးဆၢစီၤၡက့ၣ်ဒီး အပၢ်စီၤဃမိၢ်လၢတၢ်လီတၢ်ဝ့ၤအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:34

စီၤယၤကိာ်ဖှီကွံာ်အဆ့တဖၣ်လၢတၢ်သူၣ်အုးသးအုးအပူၤဒီးကၤ ထီၣ်ဝဲထၢၣ်တၢ်ကံးယာ်လီၤ. အဝဲသူၣ်အုးသးအုးလၢအဖိခွါအဃိအါနံၤအါသီန့ၣ်လီၤ.

လံာ်တၢ်ကဲထီၣ်အခီၣ်ထံး 44:13

ပှၤဒီပုၢ်ဝဲၢ်ခွါတဖၣ်ဖှီယာ်ကွံာ်အဆ့ကၤတဖၣ်လၢတၢ်သူၣ်အုး သးအုးအပူၤ, ပဒၢးထီၣ်အကသ့ၣ်ယီၤတဖၣ်, ဒီးလဲၤကဒါက့ၤဆူဝ့ၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:11

စီၤဒၤဝံးဖှီယာ်ကွံာ်အကူအသိးတဖၣ်လၢတၢ်သးအုးအပူၤဒီး ကယဲၢ်အပှၤခဲလၢာ်မၤဝဲဒ်န့ၣ်အသိးစ့ၢ်ကီးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:19

အဝဲဖှံလီၤဖၣ်ဆါတဖၣ်လၢအခိၣ်လိၤ, ဖှီယာ်အဆ့ကၤဖးထီ ဒီးမၤဘၢအမဲာ်သၣ်လၢအစုတဖၣ်ဒီးဟးထီၣ်ကွံာ်လၢတၢ်ဟီၣ်တၢ်ယၢၤ အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:14

ဖဲန့ၣ်အဝဲထံၣ်ဘၣ်စီၤပၤအသီဆၢထၢၣ်ဝဲဖဲတၢ်လဲၤနုာ်လီၤဆူ ယွၤအတၢ်လုၢ်ဟံၣ်အကျဲစၢၤအထူၣ်အကပၤဒ်တၢ်လုၢ်တၢ်လၢ်အိၣ်ဝဲ အသိးန့ၣ်လီၤ. စီၤပၤဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူ ကွဲၤတဖၣ်, ဒီးပှၤဂီၢ်မုၢ်ကိးထီၣ်လၢတၢ်သူၣ်ခုသးခုအပူၤခဲလၢာ်ဒီးအူ ထီၣ်ကွဲၤတဖၣ်န့ၣ်လီၤ. နီၢ်ဧသၤလယၤဖှီယာ်အကူအသိးတဖၣ်လၢတၢ်သူၣ်ကိၢ်သးဂီၤအပူၤ ဒီးကိးထီၣ်ဝဲ, “တၢ်ပူထီၣ်ထီဒါ, တၢ်ပူထီၣ်ထီဒါ” န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:1

တုၤစီၤဃံးစကံယၤနၢ်ဟူအဝဲသ့ၣ်အတၢ်ပာ်ဖျါထီၣ်တဘျီဃီန့ၣ်, အဝဲဖှီယာ်အဆ့တဖၣ်လၢတၢ်သူၣ်အုးသးအုးအပူၤ, ကၤထီၣ်ဆ့ကၤထၢၣ်တၢ်ကံးညာ်, ဒီးလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:7

တုၤကီၢ်အံၣ်စရ့လးအစီၤပၤဖးလံာ်ပရၢအံၤဝံၤန့ၣ်အဝဲဖှီယာ် အကူအသိးတဖၣ်လၢတၢ်ကမၢကမၣ်အပူၤဒီးစံးဝဲဒၣ်, “ကီၢ်စူၤရံအစီၤပၤဆၢဝဲလၢယကမၤဘျါက့ၤပှၤတဂၤအံၤကသ့ ဝဲဒ်လဲၣ်. မ့ၢ်အဝဲဆိကမိၣ်ဝဲလၢယမ့ၢ်ကစၢ်ယွၤ, လၢအအိၣ်ဒီးတၢ်မူဒီးတၢ်သံအတၢ်စိတၢ်ကမီၤန့ၣ်ဧါ. တၢ်အံၤမ့ၢ်တၢ်လၢအဖျါဝဲလၢအဝဲစးထီၣ်ဃုတၢ်အ့ၣ်လိာ်အသးဒီး ယၤန့ၣ်လီၤ.”

လံာ်စီၤယိၤဘး 1:20

တုၤနုၤတစုစီၤယိၤဘးဂဲၤဆၢထၢၣ်ဒီးဖှီအဆ့လၢတၢ်သးအုး အပူၤန့ၣ်လီၤ. အဝဲလူၤဝဲအခိၣ်ဒီးထိၣ်လီၤပှီၤအသးလၢဟီၣ် ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.

လံာ်ယံးရမံယၤ 36:24

ဘၣ်ဆၣ်ဒီး, စီၤပၤမ့ၢ်ဂ့ၤ, အပဒိၣ်ပပှၢ်ခဲလၢာ်မ့ၢ်ဂ့ၤလၢ အနၢ်ဟူ တ့ၢ်တၢ်အံၤန့ၣ်, တပျံၤတၢ်မ့ၢ်ဂ့ၤ, တဒုးနဲၣ်ဘၣ်တၢ်သူၣ်အုး သးအုးအပနီၣ်မ့ၢ်ဂ့ၤနီတဂၤဘၣ်.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

လံာ်တၢ်ဂံၢ် 14:6

ဒီးစီၤနိၣ်အဖိခွါစီၤယိၤၡူဒီးစီၤယဖူန့ၤအဖိခွါစီၤ ကၤလ့း, လၢပှၤလဲၤကွၢ်ဟုၣ်ကွၢ်စုးတၢ်တဖၣ်အကျါခံဂၤန့ၣ်ဖှီယာ် အတၢ်ကူတၢ်သိးတဖၣ်လၢတၢ်သးအုးအပူၤ,

မၤတၢ် 14:14

ဖဲစီၤဘၢ်နါဘၤဒီးစီၤပီလူးနၢ်ဟူဘၣ်တၢ်လၢအဝဲသ့ၣ်တဖၣ် သါကမၤဝဲန့ၣ်, အဝဲသ့ၣ်ဖှီယာ်အကူအသိး ဒီးဃ့ၢ်နုာ်လီၤဆူ ပှၤဂီၢ်မုၢ်တဖၣ်အသိးအကျါ, ဒီးကိးပသူထီၣ်ဝဲ,

လံာ်ပှၤစံၣ်ညီၣ်ကွီၢ် 11:35

ဒီးဖဲအထံၣ်ဘၣ်အဖိမုၣ်န့ၣ်အဝဲဖှီယာ်အဆ့ကၤလၢတၢ်သးအုးအပူၤဒီးစံး, “အိ, ယဖိမုၣ်ဧၢ, နမၤသ့ၣ်ဖးယသးလီၤ. ဘၣ်မနုၤအဃိလၢနဘၣ်မ့ၢ်ပှၤမၤဘၣ်ဒိဆါယၤန့ၣ်လဲၣ်. ယမၤတ့ၢ်တၢ်အၢၣ်လီၤသညူးသပှၢ်ဆူယွၤဒီးယထုးက့ၤတသ့လၢၤဘၣ်.”