လံာ်တၢ်ကဲထီၣ်အခီၣ်ထံး 37:20 - Sgaw Karen Common Bible

²⁰ ဟဲခဲအံၤ, မ်ပမၤသံအီၤဒီးတ့ၢ်လီၤအီၤဆူထံပူၤလၢထံလီၤ သံးကွံာ်တဖၣ်အကျါတပူၤန့ၣ်တက့ၢ်. ပစံးသ့လၢဆၣ်ဖိကီၢ်ဖိ အအၢတဒုမၤသံကွံာ်အီၤလံ. အန့ၣ်ဒီးအတၢ်မံမီၢ်တဖၣ်ကကဲ ထီၣ်ဒ်လဲၣ်န့ၣ်ပကထံၣ်ဘၣ်လီၤ.”

လံာ်တၢ်ကဲထီၣ်အခီၣ်ထံး 37:20 Iomraidhean Croise

လံာ်တၢ်ကဲထီၣ်အခီၣ်ထံး 37:19

အဝဲသ့ၣ်စံးလိာ်အသး, “ပှၤမံမီၢ်တၢ်တဂၤဟဲလံ.

လံာ်တၢ်ကဲထီၣ်အခီၣ်ထံး 37:26

စီၤယူဒၤစံးဘၣ်အဒီပုၢ်ဝဲၢ်ခွါတဖၣ်, “ပမၤသံကွံာ်ပဒီ ပုၢ်ဝဲၢ်ခွါဒီးပာ်ခူသူၣ်မၤဘံၣ်မၤဘၢတၢ်မၤသံန့ၣ်, ပကန့ၢ်ဘျုးမနုၤလဲၣ်.

လံာ်တၢ်ကဲထီၣ်အခီၣ်ထံး 37:32

အဝဲသ့ၣ်က့ၤစိာ်ဆ့ကၤန့ၣ်ဆူအပၢ်အအိၣ်ဒီးစံးဝဲ, “ပထံၣ်တၢ်အံၤလီၤ. မ့ၢ်အမ့ၢ်နဖိခွါအတၢ်ဧါ.”

လံာ်တၢ်ကဲထီၣ်အခီၣ်ထံး 37:33

စီၤယၤကိာ်သ့ၣ်ညါနီၣ်တၢ်န့ၣ်ဒီးစံးဝဲ, “မ့ၢ်, မ့ၢ်အဝဲအတၢ် လီၤ. ဆၣ်ဖိကီၢ်ဖိအအၢအသီတနီၤမၤသံကွံာ်အီၤလံ. ယဖိခွါစီၤယိၤသးဘၣ်တၢ်အ့ၣ်ဖှီကွံာ်အီၤအက့က့အခီခီလံ မးလဲၣ်.”

လံာ်တၢ်ကဲထီၣ်အခီၣ်ထံး 45:3

စီၤယိၤသးစံးဘၣ်အဒီပုၢ်ဝဲၢ်ခွါတဖၣ်, “ယမ့ၢ်စီၤယိၤသးလီၤ. မ့ၢ်ယပၢ်အိၣ်မူဒံးဧါ.” ဘၣ်ဆၣ်တုၤအဒီပုၢ်ဝဲၢ်ခွါတဖၣ်နၢ်ဟူတၢ်အံၤန့ၣ်အဝဲသ့ၣ်ပျံၤ တၢ်ဒိၣ်မးတုၤဒၣ်လဲာ်စံးဆၢက့ၤဝဲတသ့ဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:24

ဒီးအဝဲဒိးထီၣ်ဝဲလီၤ. လၢကျဲန့ၣ်, ခ့ယုၢ်တဒုဟဲခိးလီၤ အခိၣ်ဒီးမၤသံအီၤန့ၣ်လီၤ. အဝဲအစိၣ်အိၣ်မံလီၤအသးလၢကျဲအလိၤ, ဒီးကသ့ၣ်ယီၤဒီးခ့ယုၢ်အိၣ်ဆၢထၢၣ်ဝဲဖဲအဃၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:24

စီၤအလံၤၡါဃၣ်တရံးအသးဒီးကွၢ်ဒီးဆိၣ်အၢအီၤလၢယွၤအမံၤ အပူၤန့ၣ်လီၤ. တုၤနုၤတစု, တၤသူမိၢ်ခံဒုဟဲထီၣ်လၢသ့ၣ်ပှၢ်အကျါဒီးအ့ၣ် ဖှီလီၤကလဲကွံာ်ဖိသၣ်ပိာ်ခွါလွံၢ်ဆံခံဂၤန့ၣ်လီၤ.

စံးထီၣ်ပတြၢၤ 64:5

အဝဲသ့ၣ်ဟ့ၣ်ဆူၣ်ထီၣ်လိာ်အသးတဂၤဒီးတဂၤလၢ တၢ်ကူၣ်အအၢအသီတဖၣ်အဂီၢ်, ကူၣ်ကျဲၤတၢ်လီၢ်ဖဲကပာ်လီၤခူသူၣ်ပျံၤသကွီၤ, ဒီးစံးဝဲဒၣ် “မ့ၢ်မတၤထံၣ်ပှၤကသ့လဲၣ်,”

တၢ်ကတိၤဒိ. 1:10

ယဖိခွါဧၢ, ဖဲပှၤတၢ်ဒဲးဘးဖိလ့ပစီနၤဒီးဟ့ၣ်လီၤနသးတဂ့ၤ.

တၢ်ကတိၤဒိ. 1:16

အဂ့ၢ်ဒ်အံၤ, အဝဲသ့ၣ်တဖၣ်အခီၣ်ဃ့ၢ်ဝဲချ့ချ့ကလဲာ်ဆူတၢ် အၢတၢ်သီအပူၤလီၤ. ဒီးအိၣ်ကတဲာ်ကတီၤအသးထီဘိလၢကမၤသံတၢ်အဂီၢ်လီၤ.

တၢ်ကတိၤဒိ. 10:18

ပှၤတဂၤလၢအပာ်ခူသူၣ်အတၢ်သူၣ်ဟ့သးဟ့န့ၣ်မ့ၢ်ပှၤလီတၢ် တဂၤလီၤ. ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, မ့ၢ်ပှၤဟးဂီၤဖိလီၤ.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

တၢ်ကတိၤဒိ. 6:17

မဲာ်ကွၢ်တၢ်အိၣ်ဒီးတၢ်ပာ်ထီၣ်ထီသး, ပျ့ၤလၢအလီတၢ်, စုလၢအမၤသံပှၤလၢအတၢ်ကမၣ်တအိၣ်,

လံာ်ယၡါယၤ 28:15

သုပာ်ကဖၢလၢသုသးလၢသုမၤတ့ၢ်တၢ်အၢၣ်လီၤအီလီၤဒီး တၢ်သံဒီးမၤန့ၢ်တၢ်သးလီၤပလိာ်တမံၤဃုာ်ဒီးပှၤသံတဖၣ် အကီၢ်အဃိလီၤ. သုနာ်သပှၢ်တၢၢ်လၢဖဲတၢ်တတၢးတနါဟဲဝဲ အခါန့ၣ်ကကွၢ်ကပာ်သုလီၤ. အဂ့ၢ်ဒ်အံၤ, သုသန့ၤသုသးလၢတၢ်လီတၢ်ဝ့ၤဒီးတၢ်ကဘျံးက ဘျၣ်လၢအကမၤပူၤဖျဲးသုလီၤ.

လံာ်ယိၤဟၣ် 3:12

ယတဲဘၣ်နၤတၢ်တဖၣ်လၢအဘၣ်ဃးဒီးဟီၣ်ခိၣ် ဒီးနတနာ်ယၤဘၣ်. မ့မ့ၢ်ဒ်န့ၣ်ဒီး, ဖဲယတဲဘၣ်နၤတၢ်တဖၣ်လၢအဘၣ်ဃးဒီးမူခိၣ်န့ၣ် နနာ်ယၤကသ့ဒ်လဲၣ်.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:20

ခဲကနံၣ်အံၤ, ယသ့ၣ်ညါသပှၢ်ကတၢၢ်လၢနကကဲထီၣ်ဘၣ်အံၣ်စရ့လးအစီၤပၤဒီး ဘီမုၢ်ကအိၣ်ဂၢၢ်ဆိးကျၢၤလၢ နတၢ်ပၢအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:2

စီၤစီလူးလဲၤတဘျီဃီဃုာ်ဒီးပှၤသုးဖိအဂ့ၤကတၢၢ်လၢကီၢ် အံၣ်စရ့လးအပူၤအဂၤသၢကထိဆူဝ့ၢ်စံဖးအပှၢ်မုၢ်ကနၢဒ်သိးကဃု စီၤဒၤဝံးအဂီၢ်န့ၣ်လီၤ.