လံာ်တၢ်ကဲထီၣ်အခီၣ်ထံး 37:18 - Sgaw Karen Common Bible

¹⁸ အဝဲသ့ၣ်ထံၣ်စိဃီၤစီၤယိၤသးလၢတၢ်လီၢ်အယံၤဒီးတချုးအဟဲ တုၤဒံးဘၣ်ဆူအဝဲသ့ၣ်အအိၣ်န့ၣ်, အဝဲသ့ၣ်ကူၣ်ထီၣ်တၢ်အၢထီဒါအီၤဒီးပာ်လီၤအသးလၢကမၤသံအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 37:18 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 37:19

အဝဲသ့ၣ်စံးလိာ်အသး, “ပှၤမံမီၢ်တၢ်တဂၤဟဲလံ.

လံာ်တၢ်ကဲထီၣ်အခီၣ်ထံး 50:15

လၢအဝဲသ့ၣ်အပၢ်သံဝံၤအလီၢ်ခံန့ၣ်, စီၤယိၤသးအဒီပုၢ်ဝဲၢ် ခွါတဖၣ်စံးဝဲ, “စီၤယိၤသးမ့ၢ်သးဟ့ဒံးပှၤဒီးကူၣ်ကျဲၤဘၣ် ဖုးလၢကဟ့ၣ်ကၣ်ကဒါက့ၤကယဲၢ်တၢ်အၢလၢပမၤဘၣ်တ့ၢ် အီၤတဖၣ်ဒီး, ပကမၤဒ်လဲၣ်.”

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

စံးထီၣ်ပတြၢၤ 105:25

အဝဲဒုးသးဟ့ပှၤအဲၤကူပတူးဖိတဖၣ်လၢ အပှၤဂီၢ်မုၢ်ဒီး မၤအခ့အပှၤတဖၣ်လၢ တၢ်လီတၢ်ဝ့ၤအပူၤန့ၣ်လီၤ.

စံးထီၣ်ပတြၢၤ 109:4

ယအဲၣ်အဝဲသ့ၣ်ဒီးယထုကဖၣ်တ့ၢ်လၢအဝဲသ့ၣ်အဂီၢ် ဒၣ်လဲာ်အဝဲသ့ၣ်ထီဒါယၤလီၤ.

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

စံးထီၣ်ပတြၢၤ 31:14

ဘၣ်ဆၣ်ယတၢ်နာ်အံၤအိၣ်လၢနပူၤ, ယွၤဧၢ, နမ့ၢ်ယကစၢ်ယွၤလီၤ.

စံးထီၣ်ပတြၢၤ 37:12

ပှၤအၢပှၤသီကူၣ်ထီဒါပှၤအဂ့ၤအဝါ ဒီးအ့ၣ်စဃံးအမဲလၢအီၤလီၤ.

စံးထီၣ်ပတြၢၤ 37:32

ပှၤအၢပှၤသီကွၢ်ဟုၣ်ကွၢ်စုာ်ပှၤအဂ့ၤအဝါ ဒီးဃုမၤသံအီၤန့ၣ်လီၤ.

စံးထီၣ်ပတြၢၤ 94:21

အဝဲသ့ၣ်ကူၣ်ထီဒါသကိးပှၤတီပှၤလိၤ ဒီးစံၣ်ညီၣ်ပှၤလၢ အတၢ်ဒဲးဘးတအိၣ်ဘၣ်လၢတၢ်သံန့ၣ်လီၤ.

လံာ်မးသဲ 21:38

ဘၣ်ဆၣ်ဒီး, တုၤပှၤဒိးလဲစပံးလီၢ်တဖၣ်ထံၣ်အဖိခွါန့ၣ်, အဝဲသ့ၣ် စံးလိာ်အသး, ‘အအံၤမ့ၢ်စပံးလီၢ်အကစၢ်အဖိခွါလၢအကန့ၢ်သါတၢ် တဂၤလီၤ. ဟဲ, မ်ပကမၤသံကွံာ်အီၤ, ဒီးပကန့ၢ်ဘၣ်အတၢ်န့ၢ်သါလီၤ.’

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်မၢ်ကူး 12:7

ဘၣ်ဆၣ်ဒီးပှၤဒိးလဲအီၣ်တၢ်တဖၣ်စံးလိာ်အသးတဂၤဒီးတဂၤ, “အဝဲတဂၤအံၤမ့ၢ်စပံးလီၢ်ကစၢ်အဖိခွါလၢကန့ၢ်ဘၣ် သါတၢ်ဖိတၢ်လံၤလီၤ. ဟဲဃီၤ, မ်ပကမၤသံကွံာ်အီၤ, အန့ၣ်ဒီးတၢ်ဖိတၢ်လံၤလၢအကြၢးန့ၢ်ဘၣ်ဝဲန့ၣ်ကကဲပတၢ်လီၤ.”

လံာ်မၢ်ကူး 14:1

အကတီၢ်မ့ၢ်ဖဲဘူၣ်လဲၤကပာ်ဒီးဘူၣ်ကိၣ်တအိၣ်ဒီးကိၣ်မံၣ် တချုးဘၣ်ဒံးဘၣ်ခံသီန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဃုဝဲကျဲလၢတၢ်ခူသူၣ်အပူၤလၢအကဖီၣ် န့ၢ်ယ့ၣ်ၡူးဒီးမၤသံကွံာ်အီၤအဂီၢ်န့ၣ်လီၤ.

လံာ်ယိၤဟၣ် 11:53

စးထီၣ်လၢမုၢ်နံၤအဝဲန့ၣ်, ပှၤယူဒၤဖိအခိၣ်အနၢ်တဖၣ် ကူၣ်ထီၣ်ဖးလီၤလၢအကမၤသံယ့ၣ်ၡူးန့ၣ်လီၤ.

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:1

စီၤစီလူးတဲဘၣ်အသုးခိၣ်သုးနၢ်တဖၣ်ဒီးအဖိခွါစီၤယိနၤ သၣ်လၢအဝဲကူၣ်ထီၣ်ကျဲၤလီၤဝဲဒ်သိးကမၤသံစီၤဒၤဝံးလီၤ. ဘၣ်ဆၣ်ဒီးစီၤယိနၤသၣ်အဲၣ်ဘၣ်စီၤဒၤဝံးဒိၣ်မးလီၤ.