လံာ်တၢ်ကဲထီၣ်အခီၣ်ထံး 37:15 - Sgaw Karen Common Bible

¹⁵ ဒီးလဲၤဝ့ၤဝီၤတၢ်လၢထံလီၢ်ကီၢ်ပူၤန့ၣ်, ဖဲပှၤတဂၤထံၣ်အီၤဒီးသံကွၢ်အီၤ, “နဃုတၢ်မနုၤလဲၣ်.”

လံာ်တၢ်ကဲထီၣ်အခီၣ်ထံး 37:15 Iomraidhean Croise

လံာ်တၢ်ကဲထီၣ်အခီၣ်ထံး 21:14

လၢခံတသီဂီၤဂီၤန့ၣ်, စီၤအၤဘြၤဟၣ်ဟ့ၣ်နီၢ်ဟၤကၢ်တၢ်အီၣ် တနီၤဒီးထံဒၢတၢ်ဖံးတထၢၣ်လၢအပှဲၤဒီးထံန့ၣ်လီၤ. ဒီးပာ်ထီၣ်ဝဲဖိသၣ်ပိာ်ခွါလၢအမိၢ်အဖံဘၣ်ခိၣ်လိၤဒီးဟီ ထီၣ်ကွံာ်အီၤန့ၣ်လီၤ. ဒီးနီၢ်ဟၤကၢ်ဟးထီၣ်ကွံာ်ဝဲဒီးလဲၤဝ့ၤဝီၤတၢ်လၢပှၢ်မုၢ် ကနၢဘ့ၢ်ၡဘၤအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:14

အပၢ်စံးဘၣ်အီၤ, “လဲၤဒီးကွၢ်မ့ၢ်နဒီပုၢ်ဝဲၢ်ခွါသ့ၣ်တဖၣ် ဒီးသိတဖၣ်အိၣ်ဘၣ်မုာ်မုာ်ခုၣ်ခုၣ်ဂ့ၤဂ့ၤဘၣ်ဘၣ်ကစီဒီဧါ. ဒီးဟဲက့ၤတဲစံးယၤတက့ၢ်.” ဒီးအပၢ်ပျဲလီၤအီၤလၢအတၢ် လဲၤအကျဲလၢဝ့ၢ်ဃ့ဘြိၣ်အတြီၤပူၤန့ၣ်လီၤ. စီၤယိၤသးလဲၤတုၤဝဲဆူၡက့ၣ်,

လံာ်တၢ်ကဲထီၣ်အခီၣ်ထံး 37:16

အဝဲစံးဆၢဝဲ, “ယဃုယဒီပုၢ်ဝဲၢ်ခွါတဖၣ်လၢအကွၢ်ထွဲအသိ တဖၣ်န့ၣ်လီၤ. အဝဲသ့ၣ်အိၣ်ဖဲလဲၣ်န့ၣ်နတဲယၤသ့ဧါ.”

လံာ်စီၤပၤခံဘ့ၣ်တဘ့ၣ် 6:19

အန့ၣ်ဝံၤစီၤအလံၤၡါလဲၤဆူအဝဲသ့ၣ်အအိၣ်စံးဝဲဒၣ်, “သုကျဲကမၣ်လံ. တၢ်အံၤတမ့ၢ်ဘၣ်ဝ့ၢ်တဖျၢၣ်လၢသုကွၢ်ဃုန့ၣ် ဘၣ်. ပိာ်ယခံဒီးယကဆှၢသုဆူပှၤတဂၤလၢသုဃုအီၤအအိၣ်န့ၣ်လီၤ.” ဒီးအဝဲဆှၢအဝဲသ့ၣ်ဆူဝ့ၢ်ၡၤမရံန့ၣ်လီၤ.

လံာ်ယိၤဟၣ် 1:38

ယ့ၣ်ၡူးဃၣ်ဃီၤအသး, ထံၣ်ဘၣ်အဝဲသ့ၣ်ပိာ်ထီၣ် အခံ, ဒီးသံကွၢ်ဝဲ, “သုဃုမနုၤတမံၤလဲၣ်.” အဝဲသ့ၣ်စံးဆၢဝဲ, “သရၣ်ဧၢ, နအိၣ်နဆိးဖဲလဲၣ်.”

လံာ်ယိၤဟၣ် 18:4

ယ့ၣ်ၡူးသ့ၣ်ညါတၢ်ခဲလၢာ်လၢအကဟဲဘၣ်အီၤအဃိ, အဝဲလဲၤထီၣ်ဆူအဝဲသ့ၣ်အအိၣ်ဒီးသံကွၢ်ဝဲ, “သုဃု မတၤတဂၤန့ၣ်လဲၣ်.”

လံာ်ယိၤဟၣ် 18:7

ယ့ၣ်ၡူးသံကွၢ်ကဒီးအဝဲသ့ၣ်, “သုဃုမတၤတဂၤန့ၣ်လဲၣ်.” ဒီးအဝဲသ့ၣ်စံးဝဲ, “ပှၤနစၤရ့းဖိယ့ၣ်ၡူးန့ၣ်လီၤ.”

လံာ်ယိၤဟၣ် 20:15

ယ့ၣ်ၡူးသံကွၢ်အီၤ, “နီၢ်ဧၢ, ဘၣ်မနုၤအဃိလၢနဟီၣ် န့ၣ်လဲၣ်. မ့ၢ်နဃုမတၤတဂၤန့ၣ်လဲၣ်.” နီၢ်မၤရံဆိကမိၣ်ဝဲလၢအမ့ၢ်ပှၤကွၢ်တၤသၣ်အလီၢ် အဃိစံးဘၣ်အီၤ, “တၢ်ဒိၣ်ဧၢ, နမ့ၢ်စိာ်ကွံာ်အီၤဒီးနပာ်အီၤဖဲ လဲၣ်န့ၣ်, စံးဘၣ်တဲဘၣ်ယၤတက့ၢ်. ယကလဲၤဒီးဟံးန့ၢ်က့ၤ အီၤလီၤ.”

လံာ်ယိၤဟၣ် 4:27

အကတီၢ်ဖဲန့ၣ်ယ့ၣ်ၡူးအပျဲၢ်အဘီၣ်တဖၣ်ဟဲက့ၤတုၤဝဲ ဒီးကမၢကမၣ်ဝဲဒိၣ်မးလၢအထံၣ်ဘၣ်ယ့ၣ်ၡူးကတိၤတၢ်ဒီး ပိာ်မုၣ်န့ၣ်အဃိလီၤ. ဘၣ်ဆၣ်ဒီးအဝဲသ့ၣ်တသံကွၢ်ဝဲ, “နအဲၣ်ဒိးတၢ်မနုၤလၢအအိၣ်လဲၣ်” မ့တမ့ၢ် “နကတိၤတၢ်ဒီးအီၤဘၣ်မနုၤလဲၣ်” န့ၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 4:22

ဖဲစီၤဘါရးဟဲလူၤဃုစီၤစံစရၤန့ၣ်, နီၢ်ယဧ့လးဟဲထီၣ်သဂၢၢ်အီၤဒီးစံးဘၣ်အီၤ, “ဟဲဖဲအံၤတက့ၢ်. ယကဒုးနဲၣ်နၤပှၤလၢနဃုအီၤတဂၤန့ၣ်လီၤ.” မၤသးဒ်န့ၣ်ဒီးအဝဲလဲၤပိာ်ထွဲပိာ်မုၣ်န့ၣ်အခံ, ဒီးထံၣ်ဘၣ်စီၤစံစရၤသံလၢဟီၣ်ခိၣ်လိၤအိၣ်ဒီးနီၣ်ပျၤဆဲးဖျိအခိၣ်န့ၣ်လီၤ.