လံာ်တၢ်ကဲထီၣ်အခီၣ်ထံး 37:13 - Sgaw Karen Common Bible

¹³ စီၤယၤကိာ်စံးဘၣ်စီၤယိၤသး, “ယအဲၣ်ဒိးလၢနကလဲၤဆူ ဝ့ၢ်ၡက့ၣ်ဖဲနဒီပုၢ်ဝဲၢ်ခွါသ့ၣ်တဖၣ်ကွၢ်ထွဲသိတဖၣ်အလီၢ်န့ၣ် လီၤ.” စီၤယိၤသးစံးဆၢဝဲ, “မ့ၢ်, ယကလဲၤလီၤ.”

လံာ်တၢ်ကဲထီၣ်အခီၣ်ထံး 37:13 Iomraidhean Croise

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:11

ဘၣ်ဆၣ်ဒီးယွၤအကလူးကိးဃီၤအီၤလၢမူခိၣ်, “စီၤအၤဘြၤဟၣ်ဧၢ, စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢဝဲ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 27:1

ခဲအံၤ, စီၤအံၤစဲးန့ၣ်အသးပှၢ်ဝဲဒီးအမဲာ်တထံၣ်လၢၤဘၣ်တၢ် ဘၣ်. အဝဲမၢပှၤကိးန့ၢ်အဖိဝဲၢ်ကိစီၤဧ့ၡီၤဒီးစံးဘၣ်အီၤ, “ယဖိခွါဧၢ,” ဒီးစီၤဧ့ၡီၤစံးဆၢအီၤ, “မ့ၢ်, ယၤလီၤ.”

လံာ်တၢ်ကဲထီၣ်အခီၣ်ထံး 27:18

အန့ၣ်ဝံၤဒီးစီၤယၤကိာ်လဲၤဆူအပၢ်အအိၣ်ဒီးစံးဝဲ, “ပၢ်ဧၢ,” ဒီးစီၤအံၤစဲးစံးဆၢဝဲ, “မ့ၢ်လီၤ, ယဖိခွါဧၢ, နမ့ၢ်ယဖိခွါလၢလဲၣ်တဂၤလဲၣ်.”

လံာ်တၢ်ကဲထီၣ်အခီၣ်ထံး 33:18

လၢအတၢ်ဟဲက့ၤကဒါက့ၤလၢကီၢ်မ့းစပတၤမံန့ၣ်စီၤယၤကိာ်ဟဲ တုၤဘၣ်ဝဲဂ့ၤဂ့ၤဘၣ်ဘၣ်ဆူဝ့ၢ်ၡက့ၣ်အိၣ်လၢကီၢ်ကနၤဧၣ်အပူၤ ဒီးပာ်လီၤအသူၣ်ဒဲအလီၢ်လၢပျီတဘ့ၣ်အပူၤဘူးဒီးဝ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 37:12

ဘၣ်မုၢ်တနံၤ, စီၤယိၤသးအဒီပုၢ်ဝဲၢ်ခွါတဖၣ်လဲၤဆူဝ့ၢ်ၡက့ၣ် လၢကကွၢ်ထွဲအပၢ်အသိတဖၣ်အဂီၢ်န့ၣ်လီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်လူၤကၣ် 20:13

တုၤနုၤတစုစပံးလီၢ်ကစၢ်စံးဝဲ, ‘ယကဘၣ်မၤဒ်လဲၣ်. ယကဆှၢလီၤယဖိခွါသးဘိဒၣ်ယဲဒီး, သပှၢ်ကတၢၢ်, အဝဲသ့ၣ်ကယူးယီၣ်ပာ်ကဲအီၤလီၤ.’

လံာ်စီၤၡမူၤအ့လးအခီၣ်ထံးတဘ့ၣ် 3:16

စီၤဧ့လံၤကိးအီၤ, “စီၤၡမူၤအ့လး, ယဖိခွါဧၢ,” စီၤၡမူၤအ့လးစံးဆၢဝဲ, “မ့ၢ်, တၢ်ဒိၣ်ဧၢ.”

လံာ်စီၤၡမူၤအ့လးအခီၣ်ထံးတဘ့ၣ် 3:8

ယွၤကိးထီၣ်စီၤၡမူၤအ့လးသၢဘျီတဘျီလီၤ. အဝဲဂဲၤဆၢထၢၣ်ဒီးလဲၤဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.” တုၤနုၤတစု, စီၤဧ့လံၤသ့ၣ်ညါလီၤတံၢ်လၢပှၤကိးဖိသၣ်ပိာ်ခွါန့ၣ်မ့ၢ်ယွၤလီၤ.