လံာ်တၢ်ကဲထီၣ်အခီၣ်ထံး 37:11 - Sgaw Karen Common Bible

¹¹ စီၤယိၤသးအဒီပုၢ်ဝဲၢ်ခွါတဖၣ်အသးက့ၣ်အီၤ, ဘၣ်ဆၣ်ဒီးအပၢ်ဆိကမိၣ်ထွဲဒံးတၢ်ဂ့ၢ်လၢအမၤအသးခဲလၢာ်န့ၣ် လီၤ.

လံာ်တၢ်ကဲထီၣ်အခီၣ်ထံး 37:11 Iomraidhean Croise

လံာ်တၢ်ကဲထီၣ်အခီၣ်ထံး 24:31

ဒီးစံးဝဲ, “ဟဲဆူဟံၣ်ဒီးယၤတက့ၢ်. နမ့ၢ်ပှၤတဂၤလၢယွၤ ဆိၣ်ဂ့ၤတ့ၢ်အီၤန့ၣ်လီၤ. ဘၣ်မနုၤလၢနဆၢထၢၣ်ဖဲတၢ်ချၢအံၤန့ၣ်လဲၣ်. ယအိၣ်ဒီးဒၢးတဖျၢၣ်ကတဲာ်ကတီၤအသးလၢနဂီၢ်လၢယဟံၣ်ပူၤဒီးတၢ် လီၢ်တတီၤလၢနကီၤလၤအူးသ့ၣ်တဖၣ်အဂီၢ်စ့ၢ်ကီးလီၤ.”

လံာ်တၢ်ကဲထီၣ်အခီၣ်ထံး 37:12

ဘၣ်မုၢ်တနံၤ, စီၤယိၤသးအဒီပုၢ်ဝဲၢ်ခွါတဖၣ်လဲၤဆူဝ့ၢ်ၡက့ၣ် လၢကကွၢ်ထွဲအပၢ်အသိတဖၣ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:9

အဝဲသ့ၣ်နီၣ်ထီၣ်က့ၤတၢ်မံမီၢ်လၢအမံမီၢ်တ့ၢ်ဝဲဘၣ်ဃး ဒီးအဝဲသ့ၣ်ဒီးစံးဝဲဒၣ်, “သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ. သုဟဲဒ်သိးသုကထံၣ်သ့ၣ်ညါပထံပကီၢ်အတၢ်ဂံၢ်စၢ်ဘါစၢ်အိၣ်ဖဲ လဲၣ်န့ၣ်လီၤ.”

စံးထီၣ်ပတြၢၤ 106:16

ဒီးဖဲပှၢ်မုၢ်ကနၢအပူၤန့ၣ် အဝဲသ့ၣ်အသးက့ၣ်စီၤမိၤၡ့ ဒီး ယွၤအခ့အပှၤစီဆှံစီၤအၤဟရိၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ယၡါယၤ 11:13

ကီၢ်အံၣ်စရ့လးအဘီမုၢ်တသးက့ၣ်သးကါလၢၤကီၢ်ယူဒၤ အဘီမုၢ်လၢၤဘၣ်, ဒီးကီၢ်ယူဒၤတမ့ၢ်လၢၤကီၢ်အံၣ်စရ့လး အဒုၣ်အဒါလၢၤဘၣ်.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ဒၤနံးယ့လး 7:28

အဝဲအံၤမ့ၢ်တၢ်ဂ့ၢ်အကတၢၢ်န့ၣ်လီၤ. ယပျံၤတ့ၢ်တၢ်ဒိၣ်ဒိၣ် ကလဲာ်တုၤယမဲာ်လီၤဝါန့ၣ်လီၤ. ဒီးယပၢၤဃးတၢ်မၤ အသးခဲလၢာ်အဂ့ၢ်လၢယသးကံၢ်ပူၤန့ၣ်လီၤ.

လံာ်မးသဲ 27:18

အဝဲသ့ၣ်ညါထံဝဲလၢပှၤယူဒၤဖိအခိၣ်အနၢ်တဖၣ်ဟ့ၣ်လီၤယ့ၣ် ၡူးဆူအဝဲအစုပူၤ, မ့ၢ်ဒၣ်လၢတၢ်သးကါဘၣ်ယ့ၣ်ၡူးအဃိန့ၣ်လီၤ.

လံာ်မၢ်ကူး 15:10

စီၤပံၤလးသ့ၣ်ညါဝဲဂ့ၤဂ့ၤကလဲာ်လၢပှၤလုၢ်တၢ်အခိၣ်အဒိၣ် တဖၣ်သူၣ်က့ၣ်သးကါဘၣ်ယ့ၣ်ၡူးအဃိ, အဝဲသ့ၣ်ဟ့ၣ်လီၤအီၤဆူအဝဲဒၣ်အစုပူၤန့ၣ်လီၤ.

လံာ်လူၤကၣ် 2:19

နီၢ်မၤရံတိၢ်နီၣ်ဃာ်တၢ်ဂ့ၢ်တၢ်ကျိၤသ့ၣ်တဖၣ်အံၤခဲလၢာ် ဒီးဆိကမိၣ်ဝဲလၢအဂ့ၢ်လီၤ.

လံာ်လူၤကၣ် 2:51

မၤသးဒ်န့ၣ်ဒီးယ့ၣ်ၡူးက့ၤကဒါက့ၤဒီးအဝဲသ့ၣ်ဆူဝ့ၢ်နစၤရ့းဒီးဖဲန့ၣ် အဝဲဒၣ်စူၢ်အဝဲသ့ၣ်အကလုၢ်လီၤ. တၢ်ဂ့ၢ်တၢ်ကျိၤသ့ၣ်တဖၣ်အံၤခဲလၢာ် န့ၣ်အဝဲဒၣ်အမိၢ်တိၢ်နီၣ်ဃာ်ဝဲလၢအသးကံၢ်ပူၤလီၤ.

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

မၤတၢ် 7:9

ပၢ်ဖးဒိၣ်တဖၣ်န့ၣ်အသးက့ၣ်အဒီပုၢ်ဝဲၢ်စီၤယိၤသး, ဒီးဆါလီၤကွံာ်အီၤလၢအကကဲထီၣ်ကုၢ်လၢကီၢ်အဲၤကူပတူး အပူၤအဂီၢ်န့ၣ်လီၤ. ဘၣ်ဆၣ်ဒီးကစၢ်ယွၤအိၣ်ဒီးအီၤ,

ကလၤတံ 5:21

တၢ်သူၣ်က့ၣ်သးကါ, တၢ်မၤသံပှၤကညီ, တၢ်အီမူၤသံး, တၢ်မၤမူးဧိၤပွဲဧိၤ, ဒီးတၢ်မၤတၢ်အဂၤဒ်သိးအံၤတဖၣ်လီၤ. ဒ်လၢအပူၤကွံာ်အသိးန့ၣ်ယဟ့ၣ်ပလီၢ်ကဒီးသုခဲအံၤလီၤ. ပှၤလၢအမၤတၢ်ဒ်အံၤတဖၣ်န့ၣ်, တန့ၢ်ဘၣ်သါကစၢ်ယွၤအဘီ အမုၢ်ဘၣ်.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

ယၤကိာ် 4:5

တဘၣ်ဆိကမိၣ်လၢတၢ်မ့ၢ်တၢ်တီတအိၣ်ဘၣ်လၢတၢ်ကွဲး အသးအပူၤလၢအစံးဝဲ, “သးလၢကစၢ်ယွၤဒၢနုာ်လီၤဆူပပူၤအံၤပှဲၤဝဲဒီးတၢ်သးကွံ တဖၣ်လၢအဂံၢ်ဆူၣ်ဝဲလီၤ” န့ၣ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 18:8

စီၤစီလူးတဘၣ်အသးလၢတၢ်အံၤဘၣ်. ဒီးအသးဒိၣ်ထီၣ်ဝဲဖးဒိၣ်လီၤ. အဝဲဒၣ်စံး, “လၢစီၤဒၤဝံးအဂီၢ်န့ၣ်အဝဲသ့ၣ်ကိးထီၣ်ဝဲပှၤ အကလးဘၣ်ဆၣ်ဒီးလၢယဂီၢ်န့ၣ်ပှၤအကထိတဖၣ်ဧိၤလီၤ. လၢခံန့ၣ်အဝဲသ့ၣ်ကဒုးကဲထီၣ်အီၤလၢစီၤပၤလီၤ.”