လံာ်တၢ်ကဲထီၣ်အခီၣ်ထံး 36:9 - Sgaw Karen Common Bible

⁹ ဒီးအအံၤမ့ၢ်စီၤဧ့ၡီၤ, ပှၤအဒိၣ်ဖိသ့ၣ်တဖၣ်အပၢ်လၢပျၢၤအစၢၤ အသွဲၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 36:9 Iomraidhean Croise

လံာ်တၢ်ကဲထီၣ်အခီၣ်ထံး 19:37

အဖိမုၣ်အဒိၣ်တဂၤဆံးစၢ်န့ၢ်အဖိခွါတဂၤဒီးယုၢ်ဝဲအမံၤလၢ စီၤမိၤအးန့ၣ်လီၤ. အဝဲမ့ၢ်ပှၤမိၤအးဖိတဖၣ်လၢမုၢ်မဆါတနံၤအံၤအမိၢ်ပၢ်ဖံဖုလၢပျၢၤ တဖၣ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:4

စီၤယၤကိာ်မၤလိာ်အဝဲသ့ၣ်လၢကစံး, “ယၤ, စီၤယၤကိာ်, နခ့နပှၤလၢအဒိကနၣ်နၤစံးဘၣ်ယကစၢ်စီၤဧ့ၡီၤလၢ, ယအိၣ်တ့ၢ်လၢ စီၤလၤဘၣ်အအိၣ်ဒီးအိၣ်ဖဲန့ၣ်ယံာ်တုၤခဲကနံၣ်အံၤလီၤ.

လံာ်တၢ်ကဲထီၣ်အခီၣ်ထံး 36:10

စီၤဧ့ၡီၤအမါနီၢ်ဧဒၤဆံးစၢ်န့ၢ်အီၤအဖိခွါတဂၤလၢအမ့ၢ် စီၤအလံဖးစးလီၤ.

လံာ်တၢ်ကဲထီၣ်အခီၣ်ထံး 36:43

ပှၤမးကဒံအ့လးအဒူၣ်ဒီးပှၤဧံရၣ်အဒူၣ်လီၤ. လီၢ်ကဝီၤဖဲပှၤအဒူၣ်တဒူၣ်စုာ်စုာ်အိၣ်ဝဲဆိးဝဲန့ၣ်ဘၣ်တၢ်သ့ၣ် ညါအီၤခီဖျိအဒူၣ်အမံၤလီၤ.

လံာ်တၢ်ကဲထီၣ်အခီၣ်ထံး 36:8

လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:42

ပှၤအဂၤလၢစီၤစူၤမ့းအိၣ်အဒူၣ်ဖိအကျါ, ယဲၢ်ကယၤဂၤလဲၤဝဲ ဆူမုၢ်ထီၣ်ဆူကီၢ်အဒိၣ်န့ၣ်လီၤ. အဝဲသ့ၣ်ဘၣ်တၢ်ဆှၢအီၤလၢစီၤယံၡံၤအဖိခွါတဖၣ်လၢအမ့ၢ်ဝဲ, စီၤပလၤတယၤ, စီၤနၤရယၤ, စီၤရဖါယၤဒီးစီၤဧူးစံၤအ့လး န့ၣ်လီၤ.

လံာ်ဧိၤဘါဒယၤ 1:1

အအံၤစီၤဧိၤဘါဒယၤအတၢ်ထံၣ်လၢညါခီဘၣ်ဃးဒီးပှၤကီၢ်အဒိၣ် ဖိဒ်ကစၢ်ယွၤစံးတ့ၢ်ဝဲအသိးန့ၣ်လီၤ. ပနၢ်ဟူတၢ်ကစီၣ်လၢကစၢ်ယွၤအအိၣ်, ဒီး အဝဲဆှၢလီၤပှၤစိာ်တၢ်ကစီၣ်တဂၤဆူပှၤကလုာ်တဖၣ်အကျါ, “ကတဲာ်ကတီၤသုသး, ဂဲၤဆၢထၢၣ်သကိးဒီးမ်ပဒုးတၢ် ထီဒါကီၢ်အဒိၣ်တက့ၢ်.

လံာ်သိၣ်လီၤသီလီၤတၢ် 2:5

ဘၣ်ဆၣ်သုတဘၣ်စးထီၣ်ဒုးတၢ်ဒီးအဝဲသ့ၣ်ဘၣ်. ယတဟ့ၣ်လီၤဘၣ်သုလၢအဝဲသ့ၣ်အထံအကီၢ်ထဲတကဝီၤဧိၤဘၣ်လဲာ်လၢ သုကယီၢ်လီၤအီၤန့ၣ်ဘၣ်. ယဟ့ၣ်လီၤတ့ၢ်ကီၢ်အဒိၣ်ဆူစီၤဧ့ၡီၤအစၢၤအသွဲၣ်တဖၣ်အအိၣ်န့ၣ်လီၤ.

လံာ်စီၤယိၤၡူ 24:4

ဒီးယဟ့ၣ်လီၤစီၤအံၤစဲးန့ၣ်လၢစီၤယၤကိာ်ဒီးစီၤဧ့ၡီၤ လီၤ. ယဟ့ၣ်လီၤစီၤဧ့ၡီၤလၢကစၢၢ်စ့ဧၢ်လၢအတၢ်န့ၢ်သါအဂီၢ်, မ့မ့ၢ်စီၤယၤကိာ်ဒီးအဖိအလံၤခဲလၢာ်လဲၤလီၤဆူအဲၤကူပတူး န့ၣ်လီၤ.