လံာ်တၢ်ကဲထီၣ်အခီၣ်ထံး 36:8 - Sgaw Karen Common Bible

⁸ လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.

လံာ်တၢ်ကဲထီၣ်အခီၣ်ထံး 36:8 Iomraidhean Croise

လံာ်တၢ်ကဲထီၣ်အခီၣ်ထံး 14:6

ဒီးပှၤဃိၢ်ဖိအိၣ်လၢကီၢ်အဒိၣ်အကစၢၢ်ကလိတဖၣ်အကျါ, ဒီးလူၤထွဲအဝဲသ့ၣ်ယံၤတုၤဆူဝ့ၢ်အ့လးဖရၣ်အိၣ်လၢမဲးမုၢ် ခိၣ်အဃၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 25:30

ဒီးစံးဘၣ်စီၤယၤကိာ်, “ယသၣ်ဝံၤလီၤဒိလၢာ်လံ. ဟ့ၣ်ယၤလၢတၢ်အီၣ်ဖါဂီၤအံၤတနီၤတက့ၢ်.” (မၤသးဒ်န့ၣ်ဒီးပှၤကိးအမံၤလၢအဒိၣ်လီၤ.)

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:4

စီၤယၤကိာ်မၤလိာ်အဝဲသ့ၣ်လၢကစံး, “ယၤ, စီၤယၤကိာ်, နခ့နပှၤလၢအဒိကနၣ်နၤစံးဘၣ်ယကစၢ်စီၤဧ့ၡီၤလၢ, ယအိၣ်တ့ၢ်လၢ စီၤလၤဘၣ်အအိၣ်ဒီးအိၣ်ဖဲန့ၣ်ယံာ်တုၤခဲကနံၣ်အံၤလီၤ.

လံာ်တၢ်ကဲထီၣ်အခီၣ်ထံး 36:1

အအံၤမ့ၢ်စီၤဧ့ၤၡီၤလၢအဘၣ်တၢ်ကိးစ့ၢ်ကီးအီၤလၢစီၤအဒိၣ် အစၢၤအသွဲၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 36:43

ပှၤမးကဒံအ့လးအဒူၣ်ဒီးပှၤဧံရၣ်အဒူၣ်လီၤ. လီၢ်ကဝီၤဖဲပှၤအဒူၣ်တဒူၣ်စုာ်စုာ်အိၣ်ဝဲဆိးဝဲန့ၣ်ဘၣ်တၢ်သ့ၣ် ညါအီၤခီဖျိအဒူၣ်အမံၤလီၤ.

လံာ်တၢ်ကဲထီၣ်အခီၣ်ထံး 36:9

ဒီးအအံၤမ့ၢ်စီၤဧ့ၡီၤ, ပှၤအဒိၣ်ဖိသ့ၣ်တဖၣ်အပၢ်လၢပျၢၤအစၢၤ အသွဲၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:42

ပှၤအဂၤလၢစီၤစူၤမ့းအိၣ်အဒူၣ်ဖိအကျါ, ယဲၢ်ကယၤဂၤလဲၤဝဲ ဆူမုၢ်ထီၣ်ဆူကီၢ်အဒိၣ်န့ၣ်လီၤ. အဝဲသ့ၣ်ဘၣ်တၢ်ဆှၢအီၤလၢစီၤယံၡံၤအဖိခွါတဖၣ်လၢအမ့ၢ်ဝဲ, စီၤပလၤတယၤ, စီၤနၤရယၤ, စီၤရဖါယၤဒီးစီၤဧူးစံၤအ့လး န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:10

ခဲကနံၣ်အံၤပှၤဂီၢ်မုၢ်လၢကီၢ်ဧၣ်မိၣ်, ကီၢ်မိၤအးဒီးကီၢ်အဒိၣ်တဖၣ်ဟဲထီၣ်ဒုးပှၤလံ. ဖဲပမိၢ်ပၢ်ဖံဖုလၢပျၢၤတဖၣ်ဟးထီၣ်လၢကီၢ်အဲၤကူပတူးအပူၤ န့ၣ်, နတပျဲအဝဲသ့ၣ်လဲၤနုာ်ဆူထံကီၢ်သ့ၣ်တဖၣ်န့ၣ်အပူၤဘၣ်. လၢတၢ်န့ၣ်, အဃိပမိၢ်ပၢ်ဖံဖုလၢပျၢၤတဖၣ်လဲၤပူၤကွံာ်လၢ အဝဲသ့ၣ်အကီၢ်အဃၢၤဒီးတမၤဟးဂီၤကွံာ်ဘၣ်အဝဲသ့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 20:23

ပှၤဧၣ်မိၣ်ဖိတဖၣ်ဒီးပှၤမိၤအးဖိတဖၣ်ဒုးတၢ်ထီဒါကီၢ်အဒိၣ် အသုးမုၢ်ဒီးမၤဟးဂီၤကွံာ်ဝဲလၢာ်လၢာ်ဆ့ဆ့, ဝံၤဒီးအဝဲသ့ၣ်ကဒဲကဒဲဒုးလိာ်အသးဆူၣ်ဆူၣ်ကလဲာ်န့ၣ်လီၤ.

လံာ်ယံးရမံယၤ 40:11

ဖဲန့ၣ်အခါ, ပှၤအံၣ်စရ့လးဖိခဲလၢာ်လၢအအိၣ်ဆိးလၢကီၢ်မိၤ အး, ကီၢ်ဧၣ်မိၣ်, ကီၢ်အဒိၣ်, ဒီးကီၢ်အဂၤတဖၣ်အပူၤန့ၣ်, နၢ်ဟူဝဲလၢကီၢ်ဘၤဘူၤလိၣ်အစီၤပၤပျဲပှၤအံၣ်စရ့လးဖိတနီၤ ကအိၣ်ဒံးဝဲလၢကီၢ်ယူဒၤဒီးအဝဲပာ်ထီၣ်စီၤကဒါလယၤလၢကီၢ် အပဒိၣ်ဖးဒိၣ်န့ၣ်လီၤ.

လံာ်ဧိၤဘါဒယၤ 1:1

အအံၤစီၤဧိၤဘါဒယၤအတၢ်ထံၣ်လၢညါခီဘၣ်ဃးဒီးပှၤကီၢ်အဒိၣ် ဖိဒ်ကစၢ်ယွၤစံးတ့ၢ်ဝဲအသိးန့ၣ်လီၤ. ပနၢ်ဟူတၢ်ကစီၣ်လၢကစၢ်ယွၤအအိၣ်, ဒီး အဝဲဆှၢလီၤပှၤစိာ်တၢ်ကစီၣ်တဂၤဆူပှၤကလုာ်တဖၣ်အကျါ, “ကတဲာ်ကတီၤသုသး, ဂဲၤဆၢထၢၣ်သကိးဒီးမ်ပဒုးတၢ် ထီဒါကီၢ်အဒိၣ်တက့ၢ်.

လံာ်ဧိၤဘါဒယၤ 1:3

နတၢ်သးထီၣ်ထီန့ၣ်လီန့ၢ်လံနၤလံ. နဝ့ၢ်ခိၣ်မ့ၢ်တိာ်ခၢၣ်သနၢၣ်လၢတၢ်မၤကျၢၤအီၤဒီးလၢၢ် နအိၣ်နဆိးအလီၢ်လၢတၢ်လီၢ်ထီၣ်ထီ ဒီးနစံးလၢအသးကံၢ်ပူၤ, “မ့ၢ်မတၤထုးလီၤယၤကန့ၢ်တဂၤလဲၣ်.”

လံာ်မၤလကံ 1:3

ဒီးယသးဟ့စီၤဧ့ၡီၤဒီးအစၢၤအသွဲၣ်တဖၣ်လီၤ. ယဒုးအိၣ်သယုၢ်အကစၢၢ်ကလိဒီးဒုးကဲထီၣ် အတၢ်အိၣ်တၢ်ဆိးအလီၢ်လၢပှၢ်မုၢ်ကနၢလီၤ.”

လံာ်သိၣ်လီၤသီလီၤတၢ် 2:22

ယွၤမၤတ့ၢ်တၢ်တမံၤဃီလၢပှၤအဒိၣ်ဖိတဖၣ်အဂီၢ်လၢအမ့ၢ်စီၤဧ့ ၡီၤအစၢၤအသွဲၣ်လၢအအိၣ်ဆိးဝဲဖဲကီၢ်အဒိၣ်လၢအပှဲၤဒီးကစၢၢ် ကလိန့ၣ်လီၤ. အဝဲမၤဟးဂီၤကွံာ်ပှၤဃိရံၤဖိတဖၣ်သတးဒီး ဟံးန့ၢ်ကွံာ် အဝဲသ့ၣ်အထံအကီဲၢ်ဒီး အိၣ်ဆိဒံးဝဲဖဲန့ၣ်လီၤ.

လံာ်သိၣ်လီၤသီလီၤတၢ် 2:4

အဝဲတဲဘၣ်ယၤလၢယကဟ့ၣ်လီၤသုတၢ်သိၣ်လိနဲၣ်ယုၤတဖၣ်ဒ်လၢလာ် အံၤအသိးန့ၣ်လီၤ. ဘူးထီၣ်လၢသုကလဲၤခီဂာ်ဘၣ်ကီၢ်အဒိၣ်လၢအပှဲၤဒီးတၢ်လူၢ်တၢ်တြီၤ, လၢအမ့ၢ်စီၤဧ့ၡီၤအစၢၤအသွဲၣ်တဖၣ်, သုဘူးသုတံၢ်လၢသုတသ့ၣ်ညါသ့ၣ်ခိးအီၤအလီၢ်ကဝီၤန့ၣ်လံ. အဝဲသ့ၣ်ကပျံၤဘၣ်ဖုးဘၣ်သု,

လံာ်သိၣ်လီၤသီလီၤတၢ် 2:5

ဘၣ်ဆၣ်သုတဘၣ်စးထီၣ်ဒုးတၢ်ဒီးအဝဲသ့ၣ်ဘၣ်. ယတဟ့ၣ်လီၤဘၣ်သုလၢအဝဲသ့ၣ်အထံအကီၢ်ထဲတကဝီၤဧိၤဘၣ်လဲာ်လၢ သုကယီၢ်လီၤအီၤန့ၣ်ဘၣ်. ယဟ့ၣ်လီၤတ့ၢ်ကီၢ်အဒိၣ်ဆူစီၤဧ့ၡီၤအစၢၤအသွဲၣ်တဖၣ်အအိၣ်န့ၣ်လီၤ.

လံာ်စီၤယိၤၡူ 24:4

ဒီးယဟ့ၣ်လီၤစီၤအံၤစဲးန့ၣ်လၢစီၤယၤကိာ်ဒီးစီၤဧ့ၡီၤ လီၤ. ယဟ့ၣ်လီၤစီၤဧ့ၡီၤလၢကစၢၢ်စ့ဧၢ်လၢအတၢ်န့ၢ်သါအဂီၢ်, မ့မ့ၢ်စီၤယၤကိာ်ဒီးအဖိအလံၤခဲလၢာ်လဲၤလီၤဆူအဲၤကူပတူး န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:47

ဖဲစီၤစီလူးကဲထီၣ်ကီၢ်အံၣ်စရ့လးအစီၤပၤဝံၤအလီၢ်ခံန့ၣ်, အဝဲဒုးကယဲၢ်အဒုၣ်အဒါခဲလၢာ်လၢတၢ်လီၢ်ကိးပူၤဒဲး, လၢအမ့ၢ်ပှၤဂီၢ်မုၢ်လၢကီၢ်မိၤအး, ကီၣ်ဧၣ်မိၣ်, ဒီးကီၢ်အဒိၣ်, ဒီးစီၤပၤတဖၣ်လၢဝ့ၢ်စိဘၤ, ဒီးပှၤဖလ့ၡသးဖိ တဖၣ်န့ၣ်လီၤ. ဖဲအဒုးတၢ်တပူၤလၢ်လၢ်န့ၣ်မၤနၢၤတၢ်လီၤ.