လံာ်တၢ်ကဲထီၣ်အခီၣ်ထံး 36:7 - Sgaw Karen Common Bible

⁷ အဝဲဟးထီၣ်ကွံာ်မ့ၢ်လၢထံကီၢ်လၢအဝဲဒီးစီၤယၤကိာ်အိၣ်ဆိး ဝဲခဲအံၤလုၢ်အီၣ်လုၢ်အီအဝဲသ့ၣ်တန့ၢ်လၢၤဘၣ်အဃိန့ၣ်လီၤ. အဂ့ၢ်ဒ်အံၤ, အဝဲသ့ၣ်အိၣ်ဒီးအဆၣ်ဖိကီၢ်ဖိအါကဲာ်ဆိးဒီးအိၣ် သကိးတပူၤဃီတသ့လၢၤဘၣ်.

လံာ်တၢ်ကဲထီၣ်အခီၣ်ထံး 36:7 Iomraidhean Croise

လံာ်တၢ်ကဲထီၣ်အခီၣ်ထံး 13:11

မၤသးဒ်န့ၣ်ဒီးစီၤလိာ်ဃုထၢထီၣ်ဝဲထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါလၢအဂီၢ်ဒၣ်ဝဲဒီးသုးကွံာ်အသးဆူမုၢ်ထီၣ်တကပၤ န့ၣ်လီၤ. တၢ်န့ၣ်မ့ၢ်ပှၤခံဂၤအတၢ်အိၣ်လီၤဖးလိာ်အသးဒ်လဲၣ်အဂ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 13:6

မၤသးဒ်န့ၣ်ဒီး, တၢ်အီၣ်ဆၣ်အလီၢ်တအိၣ်လၢလၢလီၣ်လီၣ်လၢအဝဲသ့ၣ် ခံဂၤကအိၣ်ဒ်သိးသိးအဂီၢ်ဘၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်အိၣ်ဒီးဆၣ်ဖိကီၢ်ဖိအါအါကလဲာ်လီၤ.

လံာ်တၢ်ကဲထီၣ်အခီၣ်ထံး 17:8

ယကဟ့ၣ်လီၤနၤဒီးနစၢၤနသွဲၣ်သ့ၣ်တဖၣ်လၢထံကီၢ်အံၤလၢအခဲအံၤ နမ့ၢ်ပှၤတခီဘီမုၢ်ဖိလၢအပူၤန့ၣ်လီၤ. ကီၢ်ကနၤဧၣ်ဒီဘ့ၣ်ညါန့ၣ်ကဘၣ်ဃးဒီးနစၢၤနသွဲၣ်သ့ၣ်တဖၣ်လီၤ ထူလီၤယိာ်လီၤ. ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ကဲထီၣ်အခီၣ်ထံး 28:4

မ်ယွၤဆိၣ်ဂ့ၤနၤဒီးနစၢၤနသွဲၣ်တဖၣ်ဒ်အဆိၣ်ဂ့ၤတ့ၢ်စီၤအၤ ဘြၤဟၣ်အသိးဒီးမ်နကန့ၢ်သါကီၢ်လၢနအိၣ်တ့ၢ်လံလၢအပူၤလၢ ကစၢ်ယွၤဟ့ၣ်တ့ၢ်စီၤအၤဘြၤဟၣ်န့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 29:15

အိ, ယွၤဧၢ, နသ့ၣ်ညါနဲလၢပလဲၤခီဖျိတၢ်အိၣ်မူလီၤဂာ်ဒ်ပှၤ ဘၣ်တၢ်စိာ်မၢကဲကုၢ်တဖၣ်ဒီးပှၤတမှံၤတဖၣ်အသိး, ဒ်ပမိၢ်ပၢ်ဖံဖုလၢပျၢၤတဖၣ်လဲၤခီဖျိတ့ၢ်ဝဲန့ၣ်လီၤ. ပမုၢ်နံၤတဖၣ်လီၤဂာ်ဒ်တၢ်ကဒုလၢအလဲၤပူၤကွံာ်အသိးဒီးပပူၤ ဖျဲးထီၣ်ကွံာ်လၢတၢ်သံတသ့ဘၣ်.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်ယံးရမံယၤ 35:7

အဝဲစံးဘၣ်တ့ၢ်စ့ၢ်ကီး ပှၤလၢပတဘၣ်သူၣ်ထီၣ်ဟံၣ်ဧိၤဃီဧိၤတဖၣ်မ့ၢ်ဂ့ၤ, ထူစံာ်ထူပှဲၤမ့ၢ်ဂ့ၤ, ဒီးသူၣ်လီၤစပံးလီၢ်တဖၣ်မ့ၢ်ဂ့ၤ, ပှ့ၤအီၤမ့ၢ်ဂ့ၤန့ၣ်ဘၣ်. အဝဲမၤလိာ်တ့ၢ် ပှၤထီဘိလၢပကအိၣ်ဆိး လၢဒဲတဖၣ်အပူၤ ဖဲပကအိၣ်ဒံးလၢထံကီၢ်အံၤ, လၢပအိၣ်ဆိးလၢ အပူၤဒ်ပှၤတခီဘီမုၢ်ဖိတဖၣ်အသိးန့ၣ်လီၤ.

ဧ့ၤဘြံၤ 11:9

လၢတၢ်စူၢ်တၢ်နာ်န့ၣ်, စီၤအၤဘြၤဟၣ်အိၣ်ဝဲဆိးဝဲလၢကီၢ် တၢ်စံးပာ်တဘ့ၣ်အပူၤဒ်ပှၤသမှံၤတဂၤအသိး ဒီးအိၣ်ဝဲဆိးဝဲလၢဒဲအပူၤဒ်စီၤအံၤစဲးဒီးစီၤယၤကိာ်, ပှၤလၢအကန့ၢ်သါဃုာ်တၢ်စံးပာ်တမံၤဃီဒီးအီၤတဖၣ် အသိးန့ၣ်လီၤ.