လံာ်တၢ်ကဲထီၣ်အခီၣ်ထံး 36:6 - Sgaw Karen Common Bible

⁶ ဒီးစီၤဧ့ၡီၤကိးထီၣ်အမါတဖၣ်, အဖိခွါတဖၣ်, အဖိမုၣ်ဒီးကယဲၢ်ပှၤခဲလၢာ်လၢအဟံၣ်ပူၤဃုာ်ဒီးအဆၣ်ဖိကီၢ်ဖိ ခဲလၢာ်ဒီးအတၢ်ဖိတၢ်လံၤခဲလၢာ်လၢအဒိးန့ၢ်ဘၣ်တ့ၢ်ဝဲလၢကီၢ် ကနၤဧၣ်ဒီးဟးထီၣ်ကွံာ်ယံၤဝဲဒီးအပုၢ်စီၤယၤကိာ်ဆူထံကီၢ် အဂၤတဘ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 36:6 Iomraidhean Croise

လံာ်တၢ်ကဲထီၣ်အခီၣ်ထံး 12:5

ဒီးစီၤအၤဘြၣ်ကိးန့ၢ်အမါနီၢ်စၤရဲ, အဖိဒိၣ်စီၤလိာ်ဒီး ကယဲၢ်အတၢ်ဖိတၢ်လံၤဒီးအကုၢ်ခဲလၢာ်လၢအမၤန့ၢ်ဘၣ်ဝဲ လၢဝ့ၢ်ဟၤရၣ်အပူၤဒီးစးထီၣ်လဲၤတၢ်ဆူကီၢ်ကနၤဧၣ်န့ၣ်လီၤ. ဒီးဖဲအဝဲသ့ၣ်လဲၤတုၤဆူကီၢ်ကနၤဧၣ်အပူၤန့ၣ်,

လံာ်တၢ်ကဲထီၣ်အခီၣ်ထံး 13:11

မၤသးဒ်န့ၣ်ဒီးစီၤလိာ်ဃုထၢထီၣ်ဝဲထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါလၢအဂီၢ်ဒၣ်ဝဲဒီးသုးကွံာ်အသးဆူမုၢ်ထီၣ်တကပၤ န့ၣ်လီၤ. တၢ်န့ၣ်မ့ၢ်ပှၤခံဂၤအတၢ်အိၣ်လီၤဖးလိာ်အသးဒ်လဲၣ်အဂ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 13:6

မၤသးဒ်န့ၣ်ဒီး, တၢ်အီၣ်ဆၣ်အလီၢ်တအိၣ်လၢလၢလီၣ်လီၣ်လၢအဝဲသ့ၣ် ခံဂၤကအိၣ်ဒ်သိးသိးအဂီၢ်ဘၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်အိၣ်ဒီးဆၣ်ဖိကီၢ်ဖိအါအါကလဲာ်လီၤ.

လံာ်တၢ်ကဲထီၣ်အခီၣ်ထံး 17:8

ယကဟ့ၣ်လီၤနၤဒီးနစၢၤနသွဲၣ်သ့ၣ်တဖၣ်လၢထံကီၢ်အံၤလၢအခဲအံၤ နမ့ၢ်ပှၤတခီဘီမုၢ်ဖိလၢအပူၤန့ၣ်လီၤ. ကီၢ်ကနၤဧၣ်ဒီဘ့ၣ်ညါန့ၣ်ကဘၣ်ဃးဒီးနစၢၤနသွဲၣ်သ့ၣ်တဖၣ်လီၤ ထူလီၤယိာ်လီၤ. ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 28:4

မ်ယွၤဆိၣ်ဂ့ၤနၤဒီးနစၢၤနသွဲၣ်တဖၣ်ဒ်အဆိၣ်ဂ့ၤတ့ၢ်စီၤအၤ ဘြၤဟၣ်အသိးဒီးမ်နကန့ၢ်သါကီၢ်လၢနအိၣ်တ့ၢ်လံလၢအပူၤလၢ ကစၢ်ယွၤဟ့ၣ်တ့ၢ်စီၤအၤဘြၤဟၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 36:5

ဒီးနီၢ်အဟိးလံးဘါမၤဆံးစၢ်စီၤယဧူၤၡး, စီၤယၤဧလၣ်, ဒီးစီၤကိးရးလီၤ. ကယဲၢ်ဖိခွါခဲလၢာ်သ့ၣ်တဖၣ်အံၤဘၣ်တၢ်ဆံး စၢ်န့ၢ်အီၤလၢစီၤဧ့ၡီၤအဂီၢ်လၢကီၢ်ကနၤဧၣ်အပူၤန့ၣ်လီၤ.

လံာ်ယဃ့းစက့လး 27:13

နမၤပနံၣ်တၢ်ကၤအတၢ်မၤလၢကီၢ်ကြံး(စ်), ဝ့ၢ်တူၤဘလးဒီး ဝ့ၢ်မ့ၤၡးအပူၤ, ဒီးမၤတၢ်ဆါတၢ်ပှ့ၤ နတၢ်ဖိတၢ်လံၤတဖၣ် လၢကုၢ်တဖၣ်အဂီၢ်ဒီး လၢတၢ်ပီးတၢ်လီတဖၣ်လၢတၢ်မၤအီၤ လၢတိၢ်ဘီအဂီၢ်န့ၣ်လီၤ.

လံာ်လီၣ်ဖျါ 18:13

ဒီးသ့ၣ်ကဒါရၤအဖံး, တၢ်နၢမူမၤဝံၣ်မၤဘဲကသူ, တၢ်နၢမူနၢဆှီ, မူရၣ်ဒီးလီၢ်ဘၣ်, စပံးထံဒီးသိ, ကိၣ်ကမူၣ်ဒီးဘုကၠူၣ်, ကျီၢ်, ဒီးသိတဖၣ်, ကသ့ၣ်တဖၣ်ဒီးလ့ၣ်ကဟၣ်တဖၣ်, ကုၢ်တဖၣ်, ဒီးပှၤကညီအသးသမူတဖၣ်ဒၣ်လဲာ်န့ၣ်လီၤ.