လံာ်တၢ်ကဲထီၣ်အခီၣ်ထံး 36:31 - Sgaw Karen Common Bible

³¹ တချုးဒံးဘၣ်လၢကီၢ်အံၣ်စရ့လးအစီၤပၤအိၣ်ဒံးနီတဂၤန့ၣ်, စီၤပၤလၢလာ်တဖၣ်အံၤပၢကီၢ်အဒိၣ်တဂၤဝံၤတဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 36:31 Iomraidhean Croise

လံာ်တၢ်ကဲထီၣ်အခီၣ်ထံး 17:16

ယကဆိၣ်ဂ့ၤအီၤဒီးယကဟ့ၣ်လီၤနၤဖိခွါတဂၤခီဖျိအီၤစ့ၢ်ကီး လီၤ. ယကဆိၣ်ဂ့ၤအီၤဒီးအဝဲကကဲထီၣ်ပှၤကလုာ်တဖၣ်အမိၢ်ဒီးစီၤပၤ တဖၣ်ကအိၣ်ဝဲလၢအစၢၤအသွဲၣ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 17:6

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်ဒီးလၢအကျါတနီၤ န့ၣ်ကကဲထီၣ်စီၤပၤတဖၣ်လီၤ. နကအိၣ်ဒီးနစၢၤနသွဲၣ်အါဂၤတုၤဒၣ်လဲာ်အဝဲသ့ၣ်တဖၣ်ကကဲထီၣ်ပှၤ ကလုာ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 36:30

ပှၤဒံၡိၣ်အဒူၣ်, ပှၤအ့စၢ်အဒူၣ်ဒီးပှၤဒံၡၣ်အဒူၣ်တဖၣ်လီၤ.

လံာ်တၢ်ဂံၢ် 20:14

စီၤမိၤၡ့ဆှၢလီၤပှၤစိာ်တၢ်ကစီၣ်တဖၣ်လၢကၤဒ့ၣ်ဆူကီၢ်အဒိၣ် အစီၤပၤအအိၣ်လီၤ. အဝဲသ့ၣ်စံးဝဲ, “တၢ်ကစီၣ်အံၤဟဲလၢနဘူးနတံၢ်ပှၤအံၣ်စရ့လးဖိတဖၣ်အဒူၣ်တဖၣ် အအိၣ်န့ၣ်လီၤ. နသ့ၣ်ညါတၢ်ကီတၢ်ခဲတဖၣ်လၢပတူၢ်ဘၣ်တ့ၢ်အီၤ,

လံာ်သိၣ်လီၤသီလီၤတၢ် 33:29

အံၣ်စရ့လးဧၢ, နဘၣ်ဆိၣ်ဂ့ၤနဲဆံးဒိၣ်လဲၣ်. ပှၤဒ်သိးသု, ပှၤတကလုာ်လၢအဘၣ်တၢ်အုၣ်က့ၤခီၣ်က့ၤအီၤလၢယွၤ န့ၣ်, တအိၣ်ဝဲဒၣ်ဘၣ်. ယွၤအနီၢ်ကစၢ်ဒၣ်ဝဲမ့ၢ်သုကတီၤဒီးသုနးလၢအကဒီသဒၢသုဒီး ဟ့ၣ်သုတၢ်မၤနၢၤန့ၣ်လီၤ. သုဒုၣ်သုဒါတဖၣ်ကဟဲဃ့ကညးသုလၢတၢ်မၤစၢၤအဂီၢ် ဒီးသုကယီၢ်တံၢ်လီၤကွံာ်အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 33:5

ယွၤကဲထီၣ်က့ၤအဝဲအပှၤဂီၢ်မုၢ်အံၣ်စရ့လးအစီၤပၤ, ဖဲအဝဲသ့ၣ်အဒူၣ်တဖၣ်ဒီးအခိၣ်အနၢ်တဖၣ်ပာ်ဖှိၣ်ထီၣ်အသးတပူၤဃီ န့ၣ်လီၤ.