လံာ်တၢ်ကဲထီၣ်အခီၣ်ထံး 35:2 - Sgaw Karen Common Bible

² လၢတၢ်န့ၣ်အဃိစီၤယၤကိာ်စံးဘၣ်အပှၤဟံၣ်ဖိဃီဖိဒီးကယဲၢ်ပှၤ အိၣ်ဒီးအီၤခဲလၢာ်, “ကွံာ်တ့ၢ်ကွံာ်ပှၤတခီဘီမုၢ်ဖိအကစၢ်တဖၣ်လၢအအိၣ်ဒီးသု, မၤကဆှီထီၣ်သုသးဒီးသိးထီၣ်တၢ်ကူတၢ်သိးလၢအကဆှီတဖၣ်တ က့ၢ်.

လံာ်တၢ်ကဲထီၣ်အခီၣ်ထံး 35:2 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 31:19

ဖဲစီၤလၤဘၣ်လဲၤတံာ်အသိးအဆူၣ်န့ၣ်နီၢ်ရၤဃ့လးဟုၣ်န့ၢ်အပၢ် အတၢ်ဂီၤတရၤဖးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:30

ယသ့ၣ်ညါလၢနအဲၣ်ဒိးက့ၤဆူနဟံၣ်ဒိၣ်မးလီၤ. ဘၣ်ဆၣ်ဒီးဘၣ်မနုၤလၢနဟုၣ်န့ၢ်ယပှၤဟံၣ်ဖိဃီဖိအကစၢ်တဖၣ်န့ၣ် လဲၣ်.”

လံာ်တၢ်ကဲထီၣ်အခီၣ်ထံး 31:34

နီၢ်ရၤဃ့လးဟံးန့ၢ်တၢ်ဂီၤတရၤဖးတဖၣ်ဒီးပာ်ဝဲလၢကီၤလၤ အူးအဂီၤကၢ်အထၢၣ်ပူၤဒီးဆ့ၣ်နီၤဝဲလၢအဖီခိၣ်န့ၣ်လီၤ. စီၤလၤဘၣ်ဃုဝဲလၢဒဲဒီတဖျၢၣ်အပူၤသနာ်က့တထံၣ်န့ၢ်ဝဲဒၣ် ဘၣ်.

လံာ်တၢ်ကဲထီၣ်အခီၣ်ထံး 34:2

တုၤပှၤဃံၤဝံၤဖိစီၤဃမိၢ်အဖိခွါစီၤၡက့ၣ်, ပဒိၣ်ဖဲလီၢ်ကဝီၤန့ၣ်ထံၣ်အီၤဒီးဟံးန့ၢ်အီၤဒီးမၤဆူၣ်မၤ စိးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:23

လၢဟီၣ်ခိၣ်ချၢအံၤပှၤကလုာ်ဂၤလၢကလီၤဂာ်ဒီးအံၣ်စရ့လးလၢ နမၤပူၤဖျဲးအီၤလၢကုၢ်အလီၢ်ဒ်သိးနကဒုးကဲထီၣ်အီၤလၢနပှၤ ဂီၢ်မုၢ်ဒၣ်နဲန့ၣ်, တအိၣ်ဘၣ်နီတကလုာ်ဘၣ်. တၢ်အဒိၣ်အမုၢ်ဒီးတၢ်လီၤလးတဖၣ်လၢနမၤတ့ၢ်လၢအဝဲသ့ၣ်အဂီၢ် န့ၣ်ဒုးဟူထီၣ်သါလီၤနမံၤလၢဟီၣ်ခိၣ်ဒီဘ့ၣ်ညါလီၤ. နဟီထီၣ်ကွံာ်တ့ၢ်ပှၤကလုာ်အဂၤတဖၣ်ဒီးအဝဲသ့ၣ်အကစၢ်တဖၣ်ဖဲနပှၤ ဂီၢ်မုၢ်လဲၤထီၣ်ဒုးတၢ်အခါန့ၣ်လီၤ. ပှၤဂီၢ်မုၢ်အံၤမ့ၢ်ပှၤလၢနမၤထူၣ်ဖျဲးထီၣ်အီၤလၢ ကီၢ်အဲၤကူပတူးဒ်သိးကကဲထီၣ်နပှၤဒၣ်နဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:29

ဘၣ်ဆၣ်ပှၤဂီၢ်မုၢ်လၢအသူၣ်လီၤအတၢ်အိၣ်တၢ်ဆိးအလီၢ်ဖဲ ၡၤမရံအပူၤန့ၣ်, မၤဒံးဒၣ်အတၢ်ဂီၤတၢ်ဖီၣ်ဒၣ်ဝဲတဖၣ်ဒီးအဝဲ သ့ၣ်ပာ်လီၤဝဲဒၣ်လၢတၢ်ဘူၣ်ထီၣ်ဘါထီၣ်အလီၢ်တဖၣ်, လၢပှၤအံၣ်စရ့လးဖိတဖၣ်သူၣ်ထီၣ်တ့ၢ်ဝဲအပူၤန့ၣ်လီၤ. ပှၤတကရူၢ်ဘၣ်တကရူၢ်လၢအလီၤဆီလိာ်အသးန့ၣ်မၤတၢ်ဂီၤတၢ်ဖီၣ် တဖၣ်လၢဝ့ၢ်တဖၣ်လၢအဝဲသ့ၣ်အိၣ်ဆိးဝဲအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:10

စီၤအလံၤၡါမၢလီၤအခ့အပှၤတဂၤဒ်သိးကလဲၤတဲအီၤလၢအဝဲကလဲၤ ဒီးလုၣ်ထံနွံဘျီ, လၢထံကျိယၢ်ဒ့ၣ်အပူၤ, ဒီးအဝဲကဘျါက့ၤလၢာ်လၢာ်ဆ့ဆ့လၢ အတၢ်ဆါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:26

ပှၤကလုာ်ဂၤအကစၢ်တဖၣ်န့ၣ်မ့ၢ်ဒၣ်တၢ်ဂီၤတၢ်ဖီၣ်တဖၣ်လီၤ. မ့မ့ၢ်ယွၤတ့လီၤပာ်လီၤမူခိၣ်န့ၣ်လီၤ.

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

စံးထီၣ်ပတြၢၤ 51:2

သ့စီယၤလၢယတၢ်အၢစီစီ, ဒီးမၤကဆှီယၤလၢယတၢ်ဒဲးဘးတက့ၢ်.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.

လံာ်တၢ်ဟးထီၣ်ကွံာ် 19:14

အန့ၣ်ဝံၤဒီး, စီၤမိၤၡ့ဟဲက့ၤလီၤလၢကစၢၢ်လိၤဒီးတဲဘၣ်ပှၤ ဂီၢ်မုၢ်လၢကကတဲာ်ကတီၤအသးလၢတၢ်ဘူၣ်ထီၣ်ဘါထီၣ်အဂီၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဆှုၣ် အတၢ်ကူတၢ်သိးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 23:13

ဒိကနၣ်တၢ်ကိးမံၤဒဲးလၢယၤ, ယွၤ, စံးတ့ၢ်သုတက့ၢ်. ဘါထုကဖၣ်တၢ်ဆူကစၢ်အဂၤတဖၣ်အအိၣ်တဂ့ၤ. ယၢၤထီၣ်ဒၣ်လဲာ်အမံၤတဖၣ်တဂ့ၤ.

လံာ်ပှၤစံၣ်တဲၤတဲလီၤတၢ် 5:1

ပလီၢ်နသးလၢနတၢ်လဲၤဆူယွၤအတၢ်လုၢ်ဟံၣ်န့ၣ်တက့ၢ်. ဂ့ၤတက့ၢ်လၢနကလဲၤဖဲန့ၣ်လၢနကမၤလိန့ၢ်တၢ်အဂီၢ်အါန့ၢ်ဒံး တၢ်လဲၤလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဒ်ပှၤဟးဂီၤဖိတဖၣ်မၤ ဝဲအသိး, ပှၤတဖၣ်လၢအတသ့ၣ်ညါနီၤဖးတၢ်အဘၣ်ဒီးတၢ်အကမၣ်ဘၣ်န့ၣ်လီၤ.

လံာ်ယၡါယၤ 1:16

သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်ယံးရမံယၤ 13:27

အဝဲထံၣ်တ့ၢ်နမၤတၢ်တဖၣ်လၢအဝဲသးဟ့ဝဲန့ၣ်လီၤ. အဝဲထံၣ်တ့ၢ်နလူၤပိာ်ထွဲပှၤတစူၢ်တနာ်ယွၤ အကစၢ်တဖၣ်အခံလၢတၢ်လူၢ်ဒီခိၣ်တဖၣ်ဒီးလၢစံာ်ပျီပူၤတဖၣ်, ဒ်ပှၤတဂၤလၢအသးကတၢထီၣ်ထွဲပှၤလၢအဃၢၤအမါအခံအသိးမ့ၢ်ဂ့ၤ, ကသ့ၣ်ဖါတဒုလၢအလူၤထွဲကသ့ၣ်မိၢ်တဒုအခံအသိးမ့ၢ်ဂ့ၤန့ၣ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. မ့ၢ်သုကကဆှီထီၣ်အခါဖဲလဲၣ်.”

လံာ်ယံးရမံယၤ 16:20

ပှၤကညီတဂၤမၤကဲထီၣ်ကစၢ်တဖၣ်လၢအဂီၢ်ဒၣ်ဝဲကသ့ဧါ. အဝဲမ့ၢ်မၤတ့ၢ်ဒ်န့ၣ်ဒီး, တၢ်သ့ၣ်တဖၣ်န့ၣ်မ့ၢ်ကစၢ်နီၢ်နီၢ် တဖၣ်တသ့ဝဲဘၣ်.”

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်ယဃ့းစက့လး 18:31

စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

လံာ်ယဃ့းစက့လး 20:7

ယတဲဘၣ်တ့ၢ်အဝဲသ့ၣ်လၢကစူးကွံာ်ညိကွံာ်တၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢလၢအဝဲသ့ၣ်အဲၣ်ဝဲဒီးသုတမၤဘၣ်အၢအသးဒီးကီၢ် အဲၤကူပတူးအယွၤတဖၣ်လၢအကဘျံးကဘျၣ်န့ၣ်တဂ့ၤ. ယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ဒၤနံးယ့လး 5:4

အဝဲသ့ၣ်အီစပံးထံဒီးစံးထီၣ်ပတြၢၤကစၢ်တဖၣ်လၢဘၣ်တၢ်မၤ အီၤလၢထူ, စ့, တိၢ်ဘီ, ထး, သ့ၣ်, ဒီးလၢၢ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:5

ကယဲၢ်ပှၤလၢအထိးဘၣ်အလီၢ်မံမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 17:16

မ့တမ့ၢ်ဒ်န့ၣ်ဘၣ်ဒီးကဘၣ်တူၢ်တၢ်ဒ်အတၢ်ဒဲးဘးအိၣ်ဝဲအသိးန့ၣ်လီၤ.

လံာ်တၢ်ဂံၢ် 31:24

လၢနွံသီတသီအနံၤန့ၣ်သုကဘၣ်ဆှုၣ်သုတၢ်ကူတၢ်သိးတဖၣ် လီၤ. အန့ၣ်ဝံၤဒီးသုကကဆှီထီၣ်က့ၤဒ်တၢ်ဘူၣ်တၢ်ဘါအလုၢ် အလၢ်အသိးဒီးသုကဒိးန့ၢ်တၢ်ပျဲလၢ သုကလဲၤနုာ်ဆူသူၣ်ဒဲလီၢ်န့ၣ်လီၤ.

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

1 ကရံၣ်သူး 10:7

ဒီးလၢပသုတဘါထီၣ်စ့ၢ်ကီးတၢ်ဂီၤတၢ်ဖီၣ်, ဒ်အဝဲသ့ၣ်တနီၤမၤဝဲအသိးတဂ့ၤအဂီၢ်န့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ပှၤဂီၢ်မုၢ်တဖၣ်ဆ့ၣ်နီၤအီၣ် သကိးအီသကိးတၢ်, ဒီးမူးအံၤကဲထီၣ်မူးဧိၤပွဲဧိၤလၢအအိၣ် ဃုာ်တၢ်အီမူၤအီဘှီးသးလၢသံး, တၢ်ဂဲၤကလံၣ်ဒီးတၢ်မၤကမၣ်မုၣ်ကမၣ်ခွါန့ၣ်လီၤ.”

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.

လံာ်သိၣ်လီၤသီလီၤတၢ် 11:28

မ့မ့ၢ်, သုမ့ၢ်တစူၢ်ဘၣ်တၢ်မၤလိာ်တဖၣ်အံၤဒီးဃၣ်ဃီၤသုသးဆူ ကစၢ်အဂၤတဖၣ်လၢသုကဘူၣ်ထီၣ်ဘါထီၣ်အီၤအအိၣ်လၢ သုတဘါထီၣ်ဘၣ်တ့ၢ်အီၤလၢညါနီတစုဘၣ်န့ၣ်, မ့ၢ်တၢ်ဆိၣ်အၢတမံၤန့ၣ်လီၤ.

လံာ်သိၣ်လီၤသီလီၤတၢ် 32:16

အဝဲသ့ၣ်အတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်ဒုးအိၣ်ထီၣ်ယွၤ အတၢ်သးက့ၣ်, တၢ်အၢတၢ်သီလၢအဝဲသ့ၣ်မၤတ့ၢ်န့ၣ်, မၤသးဒိၣ်ထီၣ်အီၤလီၤ.

လံာ်သိၣ်လီၤသီလီၤတၢ် 5:7

ဘူၣ်ထီၣ်ဘါထီၣ်ကစၢ်အဂၤ, နီတဂၤတဂ့ၤ, မ့မ့ၢ်ဘါထီၣ်ထဲယၤတဂၤဧိၤတက့ၢ်.

လံာ်သိၣ်လီၤသီလီၤတၢ် 6:14

ဘူၣ်ထီၣ်ဘါထီၣ်ကစၢ်အဂၤတဖၣ်, လၢအမ့ၢ်ပှၤဂီၢ်မုၢ်အိၣ်လၢသု ဃၢၤတဖၣ်အကစၢ်တဖၣ်န့ၣ်နီတဂၤတဂ့ၤ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

လံာ်စီၤယိၤၡူ 23:7

ဒီးသုတအိၣ်ဃါဃုာ်လိာ်သုသးဒီးပှၤကလုာ်လၢအအိၣ်လီၤတဲာ်လၢ သုကျါတဖၣ်အံၤတဂ့ၤ, သုသုတယၢၤထီၣ်ဘၣ်အကစၢ်တဖၣ် အမံၤတဂ့ၤ, သုသုတဆိၣ်တၢ်လၢအမဲာ်ညါဒီးမၤအဝဲသ့ၣ် အတၢ်မၤတဂ့ၤ, သုသုတတီၤလီၤလၢအဝဲသ့ၣ်အမဲာ်ညါတဂ့ၤ.

လံာ်စီၤယိၤၡူ 24:14

လၢတၢ်န့ၣ်အဃိ, ပျံၤယွၤဒီးမၤအတၢ်လၢတၢ်သးအိၣ်ဒီးတၢ်သး တီအပူၤတက့ၢ်. ပာ်ကွံာ်ကစၢ်တဖၣ်လၢသုမိၢ်ပၢ်ဖံဖုလၢပျၢၤမၤအတၢ်လၢထံမိၢ်ပှၢ်ဝၢ်ဘးခီ ဒီးလၢကီၢ်အဲၤကူပတူးဒီးမၤယွၤအတၢ်တက့ၢ်.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်စီၤယိၤၡူ 24:2

ဒီးစီၤယိၤၡူစံးဘၣ်ပှၤဂီၢ်မုၢ်ခဲလၢာ်, ယွၤအံၣ်စရ့လးအကစၢ်ယွၤစံးဒ်အံၤ, လၢပျၢၤသုမိၢ်ပၢ်ဖံဖုလၢပျၢၤတဖၣ်အိၣ်ဆိးဝဲလၢ ထံမိၢ်ပှၢ်အဝၢ်ဘးခီဒီးဘါကစၢ်အဂၤတဖၣ်လီၤ. သုပၢ်လၢပျၢၤအကျါတဂၤမ့ၢ်ဝဲစီၤတ့ရၤ လၢအမ့ၢ်စီၤအၤဘြၤဟၣ်ဒီးစီၤနၤဃိၢ်အပၢ်န့ၣ်လီၤ.

လံာ်စီၤယိၤၡူ 24:20

ဒီးသုမ့ၢ်လဲၤသဒၣ်အီၤလၢသုကမၤကစၢ်အဂၤတဖၣ်အတၢ်ဒီး, အဝဲကဃၣ်အသးထီဒါသုဒီးမၤအၢမၤနးသုလီၤ. လၢအပူၤကွံာ်အဝဲမ့ၢ်ဂ့ၤလၢသုဂီၢ်ဒၣ်လဲာ်, ကမၤဟးဂီၤသုန့ၣ်လီၤ.”

လံာ်စီၤယိၤၡူ 24:23

အဝဲစံးဝဲ, “မ့မ့ၢ်ဒ်န့ၣ်ဒီး, မၤဟးဂီၤကွံာ်ကစၢ်အဂၤတဖၣ်လၢအအိၣ်ဒီး သုဒီးအၢၣ်လီၤသုတၢ်သးတီဒီးယွၤ, အံၣ်စရ့လးအကစၢ်ယွၤန့ၣ်တက့ၢ်.”

ယူဒၤ 1:23

အုၣ်က့ၤခီၣ်က့ၤပှၤဂၤတဖၣ်ခီဖျိတၢ်ထုးထီၣ်ကွံာ်အဝဲသ့ၣ် လၢမ့ၣ်အူပူၤန့ၣ်တက့ၢ်. ဒီးပှၤအဂၤတဖၣ်န့ၣ်ဒုးနဲၣ်တၢ်သးကညီၤဃါဃုာ်ဒီးတၢ်ပျံၤတၢ်ဖုး, ဒီးသးဟ့ဒၣ်လဲာ်အဝဲသ့ၣ်အကူအသိးလၢ အဘၣ်တၢ်မၤဘၣ်အၢဘၣ်သီအီၤလၢအဝဲသ့ၣ်အနီၢ်ခိတၢ်ဒဲးဘး တဖၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.

လံာ်နီၢ်ရူၤသး 1:15

ဒီးနီၢ်နၤဧမံစံးဘၣ်အီၤ, “နီၢ်ရူၤသးဧၢ, နခံနဲမုၣ်တဂၤက့ၤက ဒါက့ၤလံဆူအပှၤကလုာ်ဒီးအကစၢ်တဖၣ်အအိၣ်လံ. က့ၤပိာ်အခံဆူနဟံၣ်ဒၣ်နဲတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 16:5

စီၤၡမူၤအ့လးစံးဆၢဝဲ, “မ့ၢ်လီၤ. ယဟဲဒ်သိးယကလုၢ်ထီၣ်တၢ် လုၢ်တၢ်ပာ်တမံၤဆူယွၤအအိၣ်လီၤ. မၤကဆှီသုသးဒီးဟဲပိာ်ယခံတက့ၢ်.” အဝဲတဲဘၣ်စ့ၢ်ကီးစီၤယံးၡဲဒီးအဖိခွါတဖၣ်လၢကမၤကဆှီ အသးဒီးကွဲမုာ်အဝဲသ့ၣ်တဖၣ်ဆူတၢ်လုၢ်တၢ်ပာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:3

စီၤၡမူၤအ့လးစံးဘၣ်ပှၤဂီၢ်မုၢ်, “သုမ့ၢ်ဃၣ်က့ၤသုသးဆူ ယွၤအအိၣ်လၢသူၣ်လၢသးဒီဖျၢၣ်ညါန့ၣ် သုကဘၣ်တၢၤကွံာ်ကယဲၢ်ပှၤ တခီဘီမုၢ်ဖိအကစၢ်တဖၣ်ဒီးကစၢ်မုၣ်ဧၤၡတြိးအဂီၤတဖၣ်လီၤ. ပာ်စီဆှံထီၣ်သုသးလၢာ်လၢာ်ဆ့ဆ့ဆူယွၤအအိၣ်ဒီး ဘူၣ်ထီၣ်ဘါထီၣ်ထဲအဝဲတဂၤဧိၤန့ၣ်တက့ၢ်. ဒီးအဝဲကအုၣ်က့ၤခီၣ်က့ၤသုလၢပှၤဖလ့ၡသးဖိတဖၣ်အစိကမီၤအ ဖီလာ်လီၤ.”