လံာ်တၢ်ကဲထီၣ်အခီၣ်ထံး 35:18 - Sgaw Karen Common Bible

¹⁸ ဘၣ်ဆၣ်ဘူးလၢအကသံ, ဖဲအတၢ်သါလၢခံကတၢၢ်န့ၣ်, အဝဲယုၢ်န့ၢ်အဖိခွါအမံၤလၢစီၤဘံၣ်အိနံလီၤ. မ့မ့ၢ်အပၢ်ယုၢ်န့ၢ်အမံၤလၢစီၤဘံၣ်ယၤမံၣ်လီၤ.

လံာ်တၢ်ကဲထီၣ်အခီၣ်ထံး 35:18 Iomraidhean Croise

လံာ်တၢ်ကဲထီၣ်အခီၣ်ထံး 30:1

မ့မ့ၢ်နီၢ်ရၤဃ့လးန့ၣ်တဆံးစၢ်န့ၢ်အဖိနီတဂၤလၢစီၤယၤကိာ် အဂီၢ်ဘၣ်. ဒီးအသးက့ၣ်အဒီပုၢ်ဝဲၢ်မုၣ်နီၢ်လ့ၤအၤဒီးစံးဘၣ်စီၤယၤကိာ်, “ဟ့ၣ်ယၤလၢဖိတဖၣ်တက့ၢ်. မ့တမ့ၢ်ဘၣ်ဒီးယကသံလီၤ.”

လံာ်တၢ်ကဲထီၣ်အခီၣ်ထံး 35:17

ဒီးဖဲအဟုးဆါနးကတၢၢ်အခါန့ၣ်ပှၤကွၢ်ပဟုးစံးဘၣ်အီၤ, “နီၢ်ရၤဃ့လးဧၢပျံၤတၢ်တဂ့ၤ. မ့ၢ်ပိာ်ခွါဖိအသီတဂၤ လီၤ.”

လံာ်တၢ်ကဲထီၣ်အခီၣ်ထံး 35:19

ဖဲနီၢ်ရၤဃ့လးသံဝဲန့ၣ်, ဘၣ်တၢ်ခူၣ်လီၤအီၤဖဲကျဲလဲၤဆူ ဝ့ၢ်အ့ဖရးသးအကပၤလၢခဲအံၤဘၣ်တၢ်သ့ၣ်ညါအီၤလၢဝ့ၢ်ဘ့ၤသလ့ ဃ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:24

နီၢ်ရၤဃ့လးအဖိခွါတဖၣ်မ့ၢ်ဝဲ, စီၤယိၤသးဒီးစီၤဘံၣ်ယၤ မံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:38

ဘၣ်ဆၣ်စီၤယၤကိာ်စံးဝဲ, “ယဖိခွါလဲၤဃုာ်တၢ်ဒီးသုတသ့ ဘၣ်. အဒီပုၢ်ဝဲၢ်ခွါသံလံ. ဒီးအဝဲမ့ၢ်ပှၤထဲတဂၤဧိၤလၢအအိၣ် တီၢ်န့ၣ်လီၤ. လၢကျဲန့ၣ်, တၢ်တမံၤမံၤကမၤဘၣ်ဖုးအသးဒီးအီၤလီၤ. ယမ့ၢ်ပှၤသးပှၢ်တဂၤ, ဒီးတၢ်သူၣ်အုးသးအုးလၢသု ကဒုးအိၣ်ထီၣ်လၢယဂီၢ်န့ၣ်ကမၤသံယၤလီၤ.”

လံာ်တၢ်ကဲထီၣ်အခီၣ်ထံး 42:4

ဘၣ်ဆၣ်, စီၤယၤကိာ်တဆှၢလီၤဘၣ်စီၤယိၤသးအဒီပုၢ်ဝဲၢ်ခွါတံၢ် နီၢ်လၢအမ့ၢ်စီၤဘံၣ်ယၤမံၣ်ဃုာ်ဒီးအဝဲသ့ၣ်ဘၣ်. အဂ့ၢ်ဒ်အံၤ, အဝဲဘၣ်ယိၣ်လၢတၢ်ကမၤအသးတမံၤမံၤဒီးစီၤဘံၣ်ယၤ မံၣ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်တၢ်ကဲထီၣ်အခီၣ်ထံး 49:27

စီၤဘံၣ်ယၤမံၣ်လီၤဂာ်ဒီးထွံၣ်မံၤလၢအအၢအသီတဒုလီၤ. လၢဂီၤဒီးလၢဟါန့ၣ်အဝဲမၤသံတၢ်ဒီးအီၣ်ဂီၤကွံာ်တၢ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 4:9

ပှၤအိၣ်ဝဲတဂၤလၢအမံၤမ့ၢ်ဝဲစီၤယၤဘ့း, လၢအဘၣ်တၢ်ပာ်ကဲ အီၤဒိၣ်ဒိၣ်ကလဲာ်လၢအဟံၣ်ဖိဃီဖိန့ၣ်လီၤ. အမိၢ်ယုၢ်န့ၢ်အမံၤလၢစီၤယၤဘ့းမ့ၢ်လၢအတၢ်အိၣ်ဖျဲၣ်ထီၣ်န့ၣ် ဒုးဆိးကဲးအမိၢ်ဒိၣ်မးအဃိန့ၣ်လီၤ.

စံးထီၣ်ပတြၢၤ 16:10

အဂ့ၢ်ဒ်အံၤ, နကဟုကယာ်ယၤလၢ တၢ်သံအစိကမီၤလံန့ၣ်လီၤ. ယမၤနတၢ်လၢ တၢ်ကလုာ်တီ, ဒီးနတစူးကွံာ်ညိကွံာ်ပှၤလၢအအဲၣ်နၤ, ဆူတၢ်သံအကီၢ်ပူၤန့ၣ်ဘၣ်.

စံးထီၣ်ပတြၢၤ 80:17

ပာ်မူဒီးကဟုဘံၣ်ကယာ်ဘၢ ပှၤဂီၢ်မုၢ်လၢနဃုထၢတ့ၢ်လံအီၤ, ပှၤကလုာ်လၢနမၤဆူၣ်ထီၣ်အဂံၢ်အဘါန့ၣ်တက့ၢ်.

လံာ်တၢ်ဟးထီၣ်ကွံာ် 12:7

ပှၤဂီၢ်မုၢ်ကဘၣ်ဟံးန့ၢ်တၢ်သွံၣ်တနီၤဒီးထွါအီၤလၢတြဲၤအထူၣ် တဖၣ်အလိၤဒီးလၢတြဲၤတဖၣ်အခိၣ်ထိးဖဲဟံၣ်လၢဆၣ်ဖိကီၢ်ဖိတဖၣ် ကဘၣ်တၢ်အီၣ်အီၤန့ၣ်လီၤ.

လံာ်သးသယုၢ်တၢ် 2:12

ဟီၣ်ပသူထီၣ်ဝဲဆူအမိၢ်တဖၣ်အအိၣ်လၢတၢ်သူၣ်ဝံၤသၣ်စ့ၤဒီးတၢ် သးသူထံအပူၤန့ၣ်လီၤ. အဝဲသ့ၣ်လီၤဃံၤလၢကျဲတဖၣ်အဖီခိၣ်ဒ်ပှၤဘၣ်ဒိဘၣ်ထံးတဖၣ် အသိး ဒီးသံဝဲကယီကယီလၢအမိၢ်တဖၣ်အစုတီၤလိၤန့ၣ်လီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

လံာ်လူၤကၣ် 23:46

ယ့ၣ်ၡူးကိးထီၣ်လၢအကလုၢ်ဖးဒိၣ်, “ပၢ်ဧၢ, ယဟ့ၣ်လီၤယသးလၢနစုပူၤလီၤ.” အဝဲဒၣ်စံးတၢ်ဒ်န့ၣ်ဝံၤဒီးအသးဟးထီၣ်ကွံာ်လီၤ.

မၤတၢ် 7:59

ဖဲအဝဲသ့ၣ်ကွံာ်အီၤလၢလၢၢ်အဖၢမုၢ်န့ၣ်, စီၤစတ့းဖၣ်ဃ့ဘါထု ကဖၣ်ကစၢ်ဒီးစံး, “ကစၢ်ယ့ၣ်ၡူးဧၢ, တူၢ်လိာ်ဘၣ်ယသးတက့ၢ်.”