လံာ်တၢ်ကဲထီၣ်အခီၣ်ထံး 34:30 - Sgaw Karen Common Bible

³⁰ စီၤယၤကိာ်စံးဘၣ်စီၤစူၤမ့းအိၣ်ဒီးစီၤလ့ၤဝံ, “သုဒုးလီၤဘၣ်ယၤလၢတၢ်ကိၢ်တၢ်ဂီၤအပူၤလံ. ခဲကနံၣ်အံၤပှၤကနၤဧၣ်ဖိ တဖၣ်, ပှၤပရးစးဖိတဖၣ်ဒီးကယဲၢ်ပှၤအိၣ်လၢကီၢ်ပူၤတဂၤလၢ်လၢ် ကသးဟ့ယၤလီၤ. ယတအိၣ်ဒီးပှၤပိာ်ခွါအါဂၤဘၣ်. အဝဲသ့ၣ်ခဲလၢာ်မ့ၢ်ပာ်ဖှိၣ်ထီၣ်အသး, ထီဒါယၤဒီးဒုးယၤန့ၣ် ပဒူၣ်ဖိထၢဖိဒီတဒူၣ်ညါကဟးဂီၤကွံာ်ဝဲန့ၣ်လီၤ.”

လံာ်တၢ်ကဲထီၣ်အခီၣ်ထံး 34:30 Iomraidhean Croise

လံာ်တၢ်ကဲထီၣ်အခီၣ်ထံး 12:12

တုၤပှၤအဲၤကူပတူးဖိသ့ၣ်တဖၣ်ထံၣ်ဘၣ်နၤဒီးအဝဲသ့ၣ်ကစံးဝဲ, ‘တၢ်အံၤမ့ၢ်အမါလီၤ.’ မၤသးဒ်န့ၣ်ဒီးအဝဲသ့ၣ်ကမၤသံယၤဒီးပျဲမူနၤန့ၣ်လီၤ.

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 12:6

စီၤအၤဘြၣ်လဲၤခီဖျိထံကီၢ်န့ၣ်တုၤအဟဲတုၤဖဲသ့ၣ်စီဆှံ တထူၣ်လၢကစၢၢ်မိၤရံယၤ, တၢ်လီၢ်စီဆှံတတီၤလၢဝ့ၢ်ၡက့ၣ်န့ၣ် လီၤ. (အကတီၢ်ဖဲန့ၣ်ပှၤကနၤဧၣ်ဖိသ့ၣ်တဖၣ်အိၣ်ဒံးဝဲလၢကီၢ်န့ၣ် အပူၤလီၤ.)

လံာ်တၢ်ကဲထီၣ်အခီၣ်ထံး 13:7

မၤသးဒ်န့ၣ်ဒီး, တၢ်အ့ၣ်လိာ်ဆိးက့လိာ်အိၣ်ထီၣ်ဝဲဒၣ်လၢပှၤလၢ အကွၢ်စီၤအၤဘြၣ်အဆၣ်ဖိကီၢ်ဖိဒီးပှၤလၢအကွၢ်စီၤလိာ်အဆၣ်ဖိ ကီၢ်ဖိတဖၣ်အဘၢၣ်စၢၤန့ၣ်လီၤ. (အကတီၢ်ဖဲန့ၣ်ပှၤကနၤဧၣ်ဖိဒီးပှၤပရးစၤဖိအိၣ်ဆိးဒံးဝဲ လၢကီၢ်ပူၤန့ၣ်လီၤ).

လံာ်တၢ်ကဲထီၣ်အခီၣ်ထံး 34:2

တုၤပှၤဃံၤဝံၤဖိစီၤဃမိၢ်အဖိခွါစီၤၡက့ၣ်, ပဒိၣ်ဖဲလီၢ်ကဝီၤန့ၣ်ထံၣ်အီၤဒီးဟံးန့ၢ်အီၤဒီးမၤဆူၣ်မၤ စိးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 34:29

အဝဲသ့ၣ်ဟံးန့ၢ်ကွံာ်တၢ်လုၢ်ဒိၣ်ပှ့ၤဒိၣ်ခဲလၢာ်, ဖီၣ်န့ၢ်ကယဲၢ်ပှၤပိာ်မုၣ်ဒီးဖိသၣ်ခဲလၢာ်ဒီးစိာ်ကွံာ်ကယဲၢ် တၢ်အိၣ်လၢဟံၣ်တဖၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 34:31

ဘၣ်ဆၣ်အဝဲသ့ၣ်စံးဆၢဝဲ, “ပပျဲပဒီပုၢ်ဝဲၢ်မုၣ်ဘၣ်တၢ်မၤ အီၤဒ်ပှၤဃဲသဲမုၣ်ပတီၢ်မုၢ်တဂၤအသိးတကဲဘၣ်.”

လံာ်တၢ်ကဲထီၣ်အခီၣ်ထံး 46:26

စီၤယၤကိာ်အစၢၤအသွဲၣ်လိၤလိၤတဖၣ်လၢအလဲၤဃုာ်ဒီးအီၤဆူကီၢ် အဲၤကူပတူးန့ၣ်အတၢ်ဂံၢ်မ့ၢ်ဝဲခဲလၢာ်ပှၤဃုဆံဃုဂၤ, န့ၣ်လီၤ. ဖဲအံၤ, အဖိခွါတဖၣ်အမါတဘၣ်တၢ်ဂံၢ်အီၤဘၣ်.

လံာ်တၢ်ကဲထီၣ်အခီၣ်ထံး 46:27

ဖိခွါခံဂၤအိၣ်ဖျဲၣ်ဝဲလၢစီၤယိၤသးအဂီၢ်လၢကီၢ်အဲၤကူ ပတူးအပူၤန့ၣ်လီၤ. စီၤယၤကိာ်အဒူၣ်ဖိထၢဖိလၢအလဲၤန့ၣ်, အတၢ်ဂံၢ်တုၤဆူကီၢ်အဲၤကူပတူးအပူၤမ့ၢ်ဝဲ, ပှၤအဂၤနွံဆံန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:6

ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:21

စီၤအဃံသဖ့ၤလးစံးဆၢဝဲဒၣ်, “လဲၤဒီးမံဃုာ်ဂဲၤဃုာ်ဒီး နပၢ်အသံၣ်မါတဖၣ်လၢအပာ်လီၤတဲာ်တ့ၢ်ဝဲဒ်သိးအကကွၢ်ထွဲ စီၤလိၣ်စီၤပၤအနူၢ်အစီၤအဂီၢ်န့ၣ်တက့ၢ်. တုၤနုၤတစု, ပှၤကိးဂၤဒဲးလၢကီၢ်အံၣ်စရ့လးအပူၤကသ့ၣ်ညါဝဲလၢ နပၢ်ပာ်နၤဒ်အဒုၣ်အဒါတဂၤအသိးဒီးပှၤပိာ်နခံတဖၣ်အသး အဂံၢ်အဘါကဆူၣ်ထီၣ်ဝဲလီၤ.”

လံာ်စီၤပၤအခီၣ်ထံးတဘ့ၣ် 11:25

အဝဲမ့ၢ်ကီၢ်အံၣ်စရ့လးအဒုၣ်အဒါတဂၤဖဲစီၤၡလိၤမိၤအိၣ်မူ ဝဲအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:18

စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:12

သ့ၣ်နီၣ်ထီၣ်က့ၤတၢ်မၤလီၤလးတဖၣ်လၢကစၢ်ယွၤမၤတ့ၢ်ဝဲ ဒီးတၢ်စံၣ်ညီၣ်တဖၣ်လၢအဟ့ၣ်ဝဲ,

လံာ်ကွဲးနီၣ်တၢ်အခီၣ်ထံးတဘ့ၣ် 16:19

ကစၢ်ယွၤအပှၤဂီၢ်မုၢ်အနီၣ်ဂံၢ်စှၤဝဲဒီးမ့ၢ်ပှၤအိၣ်တမှံၤတဖၣ် လၢကီၢ်ကနၤဧၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:6

စီၤပၤဃၤနူၣ်ဒီးပှၤဧၣ်မိၣ်ဖိသ့ၣ်တဖၣ်သ့ၣ်ညါဝဲဒၣ်လၢအဒုး ကဲထီၣ်ဘၣ်တ့ၢ်စီၤဒၤဝံးလၢအဝဲသ့ၣ်အဒုၣ်အဒါ, အဃိအဝဲသ့ၣ်ဟ့ၣ်လီၤစ့အကံကၢ်တကထိလၢကဒိလဲပာ်, လ့ၣ်ကဟၣ်ဒီးပှၤဒိးကသ့ၣ်သုးဖိတဖၣ်လၢကီၢ်မ့းစပတၤမံအထးခီ ဒီးလၢကီၢ်စူၤရံအကီၢ်ဆၣ်တဖၣ်လၢအမ့ၢ်ဝဲမၤကၤဒီးစိဘၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:7

စီၤကၢ်မံၤအဖိခွါစီၤဧၤကၣ်, လၢစီၤစ့ရၤအစၢၤအသွဲၣ်အကျါ တဂၤဟဲစိာ်န့ၢ်တၢ်တတၢးတနါလၢပှၤအံၣ်စရ့လးဖိသ့ၣ်တဖၣ်အဂီၢ် မ့ၢ်လၢအဟံးန့ၢ်ဃာ်တၢ်ဂုာ်န့ၢ်လၢအဘၣ်တၢ်ဟ့ၣ်လီၤပာ်တ့ၢ်အီၤ ဆူကစၢ်ယွၤအဃိန့ၣ်လီၤ.

စံးထီၣ်ပတြၢၤ 105:12

ကစၢ်ယွၤအပှၤဂီၢ်မုၢ်အနီၣ်ဂံၢ်စှၤဝဲ, မ့ၢ်ပှၤတမှံၤလၢကီၢ်ကနၤဧၣ်အပူၤလီၤ.

လံာ်တၢ်ဟးထီၣ်ကွံာ် 5:21

ဒီးအဝဲသ့ၣ်စံးဘၣ်စီၤမိၤၡ့ဒီးစီၤအၤဟရိၣ်, “ယွၤထံၣ်တၢ်လၢသုမၤန့ၣ်ဒီးကစံၣ်ညီၣ်သု, မ့ၢ်လၢသုထိၣ်ဂဲၤစီၤပၤဒီးအခ့အပှၤတဖၣ်အသးလၢကသးဟ့ပှၤအဃိန့ၣ်လီၤ. ဒီးသုဟ့ၣ်အဝဲသ့ၣ်တၢ်ပျဲတမံၤဒ်သိးအကမၤသံပှၤန့ၣ်လီၤ.”

တၢ်ကတိၤဒိ. 11:17

ဖဲနသးကညီၤတၢ်န့ၣ်, နမၤဘျုးမၤဖှိၣ်လီၤနသးတမံၤလီၤ. နမ့မ့ၢ်ပှၤအၢဝဲသီဝဲဒီး, နမၤဘၣ်ဒိဘၣ်ထံးလီၤနသးဒၣ်နဲန့ၣ်လီၤ.

တၢ်ကတိၤဒိ. 11:29

ပှၤလၢအမၤကိၢ်မၤဂီၤအဟံၣ်ဖိဃီဖိန့ၣ်, လၢခံကတၢၢ်အတၢ်တအိၣ်ဒီးအီၤနီတမံၤလၢၤဘၣ်. ပှၤသူၣ်တထံသးတဆးတဖၣ်ကကဲထီၣ်တၢ်အကုၢ်အပှၤ တဖၣ်လၢပှၤကူၣ်သ့အဂီၢ်ထီဘိလီၤ.

တၢ်ကတိၤဒိ. 15:27

နမ့ၢ်ကျဲးစၢးမၤန့ၢ်တၢ်ဘၣ်ဘျုးလၢတၢ်တတီတလိၤအပူၤန့ၣ် နကဆှၢနဟံၣ်ဖိဃီဖိဆူတၢ်ကီတၢ်ခဲအပူၤလီၤ. ဟံးန့ၢ်ခိၣ်ဖးလာ်ဆှိးတဖၣ်တဂ့ၤ. ဒီးနကအိၣ်မူယံာ်ယံာ်လီၤ.

လံာ်သိၣ်လီၤသီလီၤတၢ် 4:17

ဆၣ်ဖိကီၢ်ဖိမ့ၢ်ဂ့ၤ, ထိၣ်မ့ၢ်ဂ့ၤ,

လံာ်သိၣ်လီၤသီလီၤတၢ် 4:27

ယွၤကမၤလီၤပြံလီၤပြါသုဆူပှၤကလုာ်ဂၤတဖၣ်အကျါ, ဖဲထဲဒၣ်ပှၤစှၤဂၤဧိၤလၢသုကျါကအိၣ်မူလီၤတဲာ်တ့ၢ်ဝဲဒၣ် န့ၣ်လီၤ.

လံာ်သိၣ်လီၤသီလီၤတၢ် 7:7

တမ့ၢ်ယွၤအဲၣ်သု, ဒီးဃုထၢသုမ့ၢ်လၢသုနီၣ်ဂံၢ်အါန့ၢ်ဒံး ပှၤအဂၤတဖၣ်အဃိဘၣ်. သုမ့ၢ်ပှၤအဆံးကတၢၢ်တကလုာ် လၢဟီၣ်ခိၣ်ချၢန့ၣ်လီၤ.

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:4

ကယဲၢ်ပှၤအံၣ်စရ့လးဖိတဖၣ်ဘၣ်တၢ်တဲဘၣ်အီၤလၢစီၤစီလူးမၤသံကွံာ် ပှၤဖလ့ၡသးဖိအသုးခိၣ်ဒိၣ်ဒီးလၢပှၤဖလ့ၡသးဖိ တဖၣ်သးဟ့အဝဲသ့ၣ်အဂ့ၢ်န့ၣ်လီၤ. လၢတၢ်န့ၣ်အဃိပှၤဂီၢ်မုၢ်စံးဆၢတၢ်ကိးဒ်သိးကပာ်ဖှိၣ်အသး ဃုာ်ဒီးစီၤစီလူးဖဲဝ့ၢ်ကံးလကၤလးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:2

စီၤၡမူၤအ့လးသံကွၢ်ဝဲ, “ယကမၤတၢ်န့ၣ်ဒ်လဲၣ်. စီၤစီလူးမ့ၢ်နၢ်ဟူတၢ်ဂ့ၢ်န့ၣ်ဒီးအဝဲကမၤသံယၤလီၤ.” ယွၤစံးဆၢအီၤ, “ဟံးန့ၢ်ကျီၢ်ဖိတဒုဒီးစံးလၢ, နကလဲၤဖဲန့ၣ်ဒ်သိးနကလုၢ်ထီၣ်တၢ်လုၢ်တၢ်ပာ်တမံၤဆူယွၤအအိၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 27:12

မ့မ့ၢ်ဒီးစီၤအၤကံၣ်နာ်စီၤဒၤဝံးဒီးစံးလီၤအသး, “အဝဲဘၣ်တၢ်သးဟ့အီၤနးနးကလဲာ်လၢ အပှၤကလုာ်ပှၤအံၣ်စရ့လးဖိဒၣ်ဝဲ ဒီးအဝဲကဘၣ်မၤယခ့ယပှၤအတၢ်မၤလၢအတၢ်အိၣ်မူတစိၤဒၣ်အီၤန့ၣ်လီၤ.”