လံာ်တၢ်ကဲထီၣ်အခီၣ်ထံး 34:29 - Sgaw Karen Common Bible

²⁹ အဝဲသ့ၣ်ဟံးန့ၢ်ကွံာ်တၢ်လုၢ်ဒိၣ်ပှ့ၤဒိၣ်ခဲလၢာ်, ဖီၣ်န့ၢ်ကယဲၢ်ပှၤပိာ်မုၣ်ဒီးဖိသၣ်ခဲလၢာ်ဒီးစိာ်ကွံာ်ကယဲၢ် တၢ်အိၣ်လၢဟံၣ်တဖၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 34:29 Iomraidhean Croise

လံာ်တၢ်ကဲထီၣ်အခီၣ်ထံး 31:26

ဒီးစီၤလၤဘၣ်စံးဘၣ်စီၤယၤကိာ်, “ဘၣ်မနုၤလၢနလီန့ၢ်ယၤ ဒီးစိာ်ထီၣ်ကွံာ်ယဖိမုၣ်တဖၣ်ဒ်ပိာ်မုၣ်တဖၣ်လၢတၢ်ဖီၣ်န့ၢ်အီၤ လၢတၢ်ဒုးတၢ်ယၤအပူၤအသိးန့ၣ်လဲၣ်.

လံာ်တၢ်ကဲထီၣ်အခီၣ်ထံး 34:27

ဖဲတၢ်မၤသံမၤဝီဒ်အံၤဝံၤန့ၣ်စီၤယၤကိာ်အဖိခွါအဂၤတဖၣ် ဂုာ်ဆူၣ်ပျီဆူၣ်ဝ့ၢ်လၢတၢ်ဟ့ၣ်ကၣ်ဆၢက့ၤအဝဲသ့ၣ်အဒီပုၢ်ဝဲၢ် မုၣ်အတၢ်မဲာ်ဆှးအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 34:28

အဝဲသ့ၣ်ဟံးန့ၢ်ကွံာ်သိအဖုတဖၣ်, ဂီၤဘုၣ်ဂီၤဖံးတဖၣ်, ကသ့ၣ်ယီၤတဖၣ်ဒီးကယဲၢ်တၢ်အိၣ်လၢဝ့ၢ်ပူၤဒီးပျီပူၤခဲလၢာ် န့ၣ်လီၤ.

လံာ်တၢ်ကဲထီၣ်အခီၣ်ထံး 34:30

စီၤယၤကိာ်စံးဘၣ်စီၤစူၤမ့းအိၣ်ဒီးစီၤလ့ၤဝံ, “သုဒုးလီၤဘၣ်ယၤလၢတၢ်ကိၢ်တၢ်ဂီၤအပူၤလံ. ခဲကနံၣ်အံၤပှၤကနၤဧၣ်ဖိ တဖၣ်, ပှၤပရးစးဖိတဖၣ်ဒီးကယဲၢ်ပှၤအိၣ်လၢကီၢ်ပူၤတဂၤလၢ်လၢ် ကသးဟ့ယၤလီၤ. ယတအိၣ်ဒီးပှၤပိာ်ခွါအါဂၤဘၣ်. အဝဲသ့ၣ်ခဲလၢာ်မ့ၢ်ပာ်ဖှိၣ်ထီၣ်အသး, ထီဒါယၤဒီးဒုးယၤန့ၣ် ပဒူၣ်ဖိထၢဖိဒီတဒူၣ်ညါကဟးဂီၤကွံာ်ဝဲန့ၣ်လီၤ.”

လံာ်တၢ်ဂံၢ် 31:11

အဝဲသ့ၣ်စိာ်ကွံာ်ကယဲၢ်တၢ်လၢအဂုာ်န့ၢ်ဝဲတဖၣ်ခဲလၢာ်, ဃုာ်ဒီးပှၤဃိာ်ဖိတဖၣ်ဒီးဆၣ်ဖိကီၢ်ဖိတဖၣ်,

လံာ်တၢ်ဂံၢ် 31:9

ကီၢ်အံၣ်စရ့လးအပှၤဂီၢ်မုၢ်ဖီၣ်န့ၢ်ပှၤမံးဒယၣ်ဖိပိာ်မုၣ်တဖၣ် ဒီးအဖိသၣ်တဖၣ်, ဟံးန့ၢ်ကွံာ်အဝဲသ့ၣ်အဂီၤဘုၣ်ဂီၤဖံး, ဒီးအဝဲ သ့ၣ်အသိအဖုတဖၣ်, ဂုာ်န့ၢ်ကယဲၢ်အဝဲသ့ၣ်အတၢ်စုလီၢ်ခီၣ်ခိၣ်ခဲ လၢာ်,