လံာ်တၢ်ကဲထီၣ်အခီၣ်ထံး 34:2 - Sgaw Karen Common Bible

² တုၤပှၤဃံၤဝံၤဖိစီၤဃမိၢ်အဖိခွါစီၤၡက့ၣ်, ပဒိၣ်ဖဲလီၢ်ကဝီၤန့ၣ်ထံၣ်အီၤဒီးဟံးန့ၢ်အီၤဒီးမၤဆူၣ်မၤ စိးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 34:2 Iomraidhean Croise

လံာ်တၢ်ကဲထီၣ်အခီၣ်ထံး 10:17

ပှၤဃံၤဝံဖိ, ပှၤဧၤရကၤဖိ, ပှၤစံၣ်ဖိ,

လံာ်တၢ်ကဲထီၣ်အခီၣ်ထံး 20:2

အဝဲစံးလၢအမါနီၢ်စၤရါန့ၣ်မ့ၢ်အဒီပုၢ်ဝဲၢ်မုၣ်န့ၣ်လီၤ. လၢတၢ်န့ၣ်အဃိဝ့ၢ်ကရၢ်အစီၤပၤစီၤအဘံၤမလ့းမၢပှၤဟဲစိာ်န့ၢ် နီၢ်စၤရါဆူအအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 33:19

အဝဲပှ့ၤန့ၢ်ဝဲပျီတတီၤန့ၣ်လၢစီၤၡက့ၣ်အပၢ်ပှၤဃမိၣ်ဖိအစၢၤ အသွဲၣ်တဖၣ်အအိၣ်လၢစ့ညၣ်အဘ့ၣ်တကယၤလီၤ.

လံာ်တၢ်ကဲထီၣ်အခီၣ်ထံး 34:27

ဖဲတၢ်မၤသံမၤဝီဒ်အံၤဝံၤန့ၣ်စီၤယၤကိာ်အဖိခွါအဂၤတဖၣ် ဂုာ်ဆူၣ်ပျီဆူၣ်ဝ့ၢ်လၢတၢ်ဟ့ၣ်ကၣ်ဆၢက့ၤအဝဲသ့ၣ်အဒီပုၢ်ဝဲၢ် မုၣ်အတၢ်မဲာ်ဆှးအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 34:3

ဘၣ်ဆၣ်အဝဲထံၣ်ဘၣ်ဝဲလၢပိာ်မုၣ်ဖိသၣ်န့ၣ်အိၣ်ဒီးအတၢ်ရဲၢ်သံ တုၤဒၣ်လဲာ်အဝဲအဲၣ်ဘၣ်အီၤဒီးကျဲးစၢးမၤန့ၢ်အတၢ်အဲၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 34:30

စီၤယၤကိာ်စံးဘၣ်စီၤစူၤမ့းအိၣ်ဒီးစီၤလ့ၤဝံ, “သုဒုးလီၤဘၣ်ယၤလၢတၢ်ကိၢ်တၢ်ဂီၤအပူၤလံ. ခဲကနံၣ်အံၤပှၤကနၤဧၣ်ဖိ တဖၣ်, ပှၤပရးစးဖိတဖၣ်ဒီးကယဲၢ်ပှၤအိၣ်လၢကီၢ်ပူၤတဂၤလၢ်လၢ် ကသးဟ့ယၤလီၤ. ယတအိၣ်ဒီးပှၤပိာ်ခွါအါဂၤဘၣ်. အဝဲသ့ၣ်ခဲလၢာ်မ့ၢ်ပာ်ဖှိၣ်ထီၣ်အသး, ထီဒါယၤဒီးဒုးယၤန့ၣ် ပဒူၣ်ဖိထၢဖိဒီတဒူၣ်ညါကဟးဂီၤကွံာ်ဝဲန့ၣ်လီၤ.”

လံာ်တၢ်ကဲထီၣ်အခီၣ်ထံး 6:2

ကစၢ်ယွၤအဖိခွါတနီၤထံၣ်ဝဲဒၣ်လၢဖိသၣ်မုၣ်ဖိသ့ၣ်တဖၣ်အံၤ ဃံလၤဝဲဒီးဟံးန့ၢ်ဝဲဖိသၣ်မုၣ်စုာ်စုာ်လၢအဘၣ်သူၣ်ဘၣ်သး ဝဲတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:4

စီၤဒၤဝံးပျဲလီၤအပှၤစိာ်တၢ်ကစီၣ်တဖၣ် လၢကလဲၤကိးပိာ်မုၣ်န့ၣ်လီၤ. အဝဲသ့ၣ်ဟဲက့ၤစိာ်ပိာ်မုၣ်န့ၣ်ဆူအဝဲအအိၣ်ဒီးအဝဲဒၣ်မံဃုာ်ဂဲၤဃုာ်ဒီးအီၤလီၤ. (ပိာ်မုၣ်န့ၣ်မၤကဆှီအသးဝံၤသီသီလၢပိာ်မုၣ်အလုၢ်အလၢ်တလါတဘျီန့ၣ်လီၤ.) အန့ၣ်ဝံၤဒီးပိာ်မုၣ်န့ၣ်က့ၤကဒါက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:14

ဘၣ်ဆၣ်ဒီးအဝဲတကနၣ်ဘၣ်ပိာ်မုၣ်န့ၣ်ဘၣ်. ဒီးမ့ၢ်လၢအဝဲအဂံၢ်အဘါဆူၣ်န့ၢ်ပိာ်မုၣ်န့ၣ်အဃိ အဝဲမၤနၢၤကွံာ်အီၤဒီးမၤဆူၣ်မၤစိးအီၤန့ၣ်လီၤ.

လံာ်စီၤယိၤဘး 31:1

ယမၤတ့ၢ်လံတၢ်အၢၣ်လီၤအီလီၤလၢယတကွၢ်မုၣ်လိၣ်ဘိ လၢတၢ်သးကတၢအပူၤနီတဘျီလၢၤဘၣ်.

လံာ်စီၤယိၤဘး 31:9

ယသးမ့ၢ်ဘၣ်တၢ်ကလံာ်န့ၢ်အီၤလၢပှၤလၢယဃၢၤအမါဒီး ယမ့ၢ်ခိးခူသူၣ်တၢ်လၢအတြဲၤခီၣ်ထံးန့ၣ်ဒီး,

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

လံာ်မးသဲ 5:28

ဘၣ်ဆၣ်ဒီးအခဲအံၤယစံးဘၣ်သုလၢပှၤတဂၤဂၤလၢ အကွၢ်ပိာ်မုၣ်အိၣ်ဒီးတၢ်သးကတၢန့ၣ်, အဲၣ်ဘၢတ့ၢ်လံတၢ်လၢအသးကံၢ်ပူၤလံ.

လံာ်သိၣ်လီၤသီလီၤတၢ် 21:14

လၢခံ, သုမ့ၢ်တအဲၣ်ဒိးလၢၤအီၤဘၣ်န့ၣ်, သုကဘၣ်ပျဲ အဝဲဟးထီၣ်သဘျ့ကွံာ်န့ၣ်လီၤ. မ့ၢ်လၢသုမၤဆူၣ်အီၤလၢကမံဃုာ်ဒီးသုဝံၤလံအဃိ, သုပာ်အီၤဒ်ကုၢ်တဂၤအသိးဒီးဆါကွံာ်အီၤတသ့လၢၤဘၣ်.

လံာ်သိၣ်လီၤသီလီၤတၢ် 22:24

သုကဘၣ်ထုးထီၣ်ကွံာ်အဝဲသ့ၣ်ဆူဝ့ၢ်အချၢဒီးကွံာ်သံအီၤလၢလၢၢ်န့ၣ်လီၤ. ပိာ်မုၣ်ဖိန့ၣ်ကဘၣ်သံဝဲမ့ၢ်လၢအဝဲတကိးထီၣ်ဃ့လၢတၢ်မၤစၢၤအဂီၢ်, ဖဲအဝဲအိၣ်ဒၣ်လၢဝ့ၢ်တဖျၢၣ်အပူၤ, တၢ်လီၢ်ဖဲအဝဲကိးပှၤနၢ်ဟူအီၤသ့ဝဲအဃိန့ၣ်လီၤ. ဒီးပိာ်ခွါန့ၣ်ကဘၣ်သံဝဲမ့ၢ်လၢအမံဃုာ်အိၣ်ဃုာ်ဒီးပိာ်မုၣ် ဖိတဂၤလၢအမၤတၢ်တ့တၢ်ဖျီအတၢ်အၢၣ်လီၤဝံၤလံအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီၤအံၤန့ၣ်လီၤ.

လံာ်သိၣ်လီၤသီလီၤတၢ် 22:29

အဝဲကဘၣ်ဟ့ၣ်တၢ်အပှ့ၤလၢပိာ်မုၣ်ဖိသၣ်န့ၣ်အဂီၢ်ဆူအပၢ်အအိၣ်စ့ညၣ်အဘ့ၣ်ယဲၢ်ဆံ, ဒီးပိာ်မုၣ်ဖိသၣ်ကဘၣ်ကဲထီၣ်အဝဲအမါလီၤ. အဂ့ၢ်ဒ်အံၤအဝဲဖီၣ်ဆူၣ်ပိာ်မုၣ်ဖိသၣ်န့ၣ်ဒ်သိးကအိၣ်ဃုာ်ဝဲအဃိလီၤ. လၢအတၢ်အိၣ်မူ ဒီတစိၤညါန့ၣ်, အဝဲမၤလီၤဖှၣ်အသးဒီးပိာ်မုၣ်ဖိသၣ်န့ၣ်တသ့ နီတစုဘၣ်. အဝဲကဘၣ်ဟ့ၣ်စ့အဘ့ၣ်ယဲၢ်ဆံဒ်တလးမူးပိာ်မုၣ်အပှ့ၤအသိးဆူ ပိာ်မုၣ်ဖိအပၢ်အအိၣ်, ဒီးပိာ်မုၣ်ဖိန့ၣ်ကဘၣ်ကဲထီၣ်အဝဲအ မါ, မ့ၢ်လၢအဝဲမၤဆူၣ်တ့ၢ်အီၤလၢကမံဃုာ်အိၣ်ဃုာ်ဒီးအီၤအဂီၢ် အဃိန့ၣ်လီၤ. ဖဲအဝဲအိၣ်မူဒံးဝဲအဆၢကတီၢ်န့ၣ်ပာ်မၢ်ကွံာ်ပိာ်မုၣ်ဖိန့ၣ် တသ့နီတစုဘၣ်.

လံာ်စီၤယိၤၡူ 9:7

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ပှၤဃ့ၤဝံဖိတဖၣ်, “ဘၣ်တဘၣ်သုအိၣ်သုဆိးလၢပကျါအဃိဒီး, ပမၤတၢ်အၢၣ်လီၤအီ လီၤဒီးသုကသ့ဒ်လဲၣ်.”

လံာ်ပှၤစံၣ်ညီၣ်ကွီၢ် 14:1

တနံၤန့ၣ်စီၤၡံၣ်ၡိၣ်လဲၤလီၤဆူဝ့ၢ်တံးမနး, ဖဲအပာ်သူၣ်ပာ်သးဘၣ်ပှၤဖလ့ၡသးမုၣ်ဖိတဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:28

စီၤကၤလးစံးဝဲဒၣ်, “ပဝဲပှၤပိာ်ခွါလၢၡက့ၣ်အပူၤတဖၣ်ပမ့ၢ်ပှၤဒ်လဲၣ်. ဘၣ်မနုၤပဘၣ်မၤစီၤအဘံၤမ့လ့းအတၢ်မၤန့ၣ်လဲၣ်. ဒ်လဲၣ်ဂ့ၤ, အဝဲမ့ၢ်မတၤလဲၣ်. မ့ၢ်စီၤကံးဒဧိၣ်အဖိခွါလီၤ. ဒီးစီၤစဘူလးဟဲစိာ်အဝဲအတၢ်မၤလိာ်တဖၣ် ဘၣ်ဆၣ်ဒီးဘၣ်မနုၤလၢပကဘၣ်မၤအတၢ်လဲၣ်. တီဒီးသုပၢ်ဖးဒိၣ်လၢပျၢၤစီၤဃမိၢ်လၢသုလီၤစၢၤလၢအီၤလၢ အသူၣ်ထီၣ်သုဒူၣ်သုထၢန့ၣ်တက့ၢ်.