လံာ်တၢ်ကဲထီၣ်အခီၣ်ထံး 34:14 - Sgaw Karen Common Bible

¹⁴ အဝဲသ့ၣ်စံးဘၣ်အီၤ, “ပပျဲပဒီပုၢ်ဝဲၢ်မုၣ်ဒိးတ့ဒိးဖျီ အသးဒီးပှၤတဂၤလၢအတဒိးကူးတရံးအသးတသ့ဘၣ်. တၢ်န့ၣ်ကမ့ၢ်တၢ်လီၤမဲာ်ဆှးတမံၤလၢပဂီၢ်လီၤ.

လံာ်တၢ်ကဲထီၣ်အခီၣ်ထံး 34:14 Iomraidhean Croise

လံာ်တၢ်ကဲထီၣ်အခီၣ်ထံး 17:11

စးထီၣ်ခဲအံၤဒီးဆူညါနကဘၣ်ကူးတရံးပှၤဖိသၣ်ပိာ်ခွါကိး ဂၤဒဲးဖဲအသးပှဲၤထီၣ်ဃိးသီဃုာ်ဒီးကုၢ်တဖၣ်လၢအအိၣ်ဖျဲၣ် ထီၣ်လၢနဟံၣ်ဒူၣ်ဃီထၢအပူၤမ့ၢ်ဂ့ၤ, ကုၢ်တဖၣ်လၢအဘၣ်တၢ်ပှ့ၤအီၤလၢပှၤတခီဘီမုၢ်ဖိအအိၣ်မ့ၢ်ဂ့ၤ န့ၣ်လီၤ. တၢ်အံၤကဒုးနဲၣ်ဖျါထီၣ်လၢတၢ်အၢၣ်လီၤအီလီၤအိၣ်ဝဲလၢနၤ ဒီးယၤအဘၢၣ်စၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 34:13

မ့ၢ်လၢစီၤၡက့ၣ်မၤမဲာ်ဆှးတ့ၢ်လံအဝဲသ့ၣ်အဒီပုၢ်ဝဲၢ်မုၣ် နီၢ်ဒံနၤအဃိဒီးစီၤယၤကိာ်အဖိခွါတဖၣ်စံးဆၢစီၤၡက့ၣ်ဒီး အပၢ်စီၤဃမိၢ်လၢတၢ်လီတၢ်ဝ့ၤအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 34:15

တၢ်အဂ့ၢ်အခၢးထဲတမံၤဧိၤလၢကဒုးသးလီၤပလိာ်ပှၤဒီးသုန့ၣ် မ့ၢ်ဒၣ်သုကကဲထီၣ်တၢ်ဒ်သိးဒီးပှၤခီဖျိသုပှၤပိာ်ခွါခဲ လၢာ်ဒိးဘၣ်တၢ်ကူးတရံးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:20

ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ. ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ. ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 15:7

လွံၢ်နံၣ်ဝံၤအလီၢ်ခံန့ၣ်, စီၤအးဘၡါလိၣ်စံးဘၣ်စီၤပၤစီၤ ဒၤဝံးဒ်အံၤ, “တၢ်ဒိၣ်ဧၢ, ပျဲယလဲၤဆူဝ့ၢ်ဃ့ဘြိၣ်ဒီးမၤလၢပှဲၤယတၢ်အၢၣ် လီၤအီလီၤလၢယမၤတ့ၢ်ဒီးယွၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 21:9

တၢ်ပရၢတဖၣ်စံးဝဲ, “ဘိးဘၣ်သ့ၣ်ညါထီၣ်တၢ်ဒုၣ်တၢ်အီၣ်အနံၤတ နံၤ, ကိးဖှိၣ်ကယဲၢ်ပှၤဂီၢ်မုၢ်တပူၤဃီ, ဒီးဒုးဆ့ၣ်နီၤစီၤနၤဘိးလၢတၢ်လၤကပီၤအလီၢ်န့ၣ်တက့ၢ်.

လံာ်မးသဲ 2:13

တုၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်က့ၤဝံၤအလီၢ်ခံဒီး ယွၤအကလူးတဂၤလီၣ်ဖျါထီၣ်အသးလၢစီၤယိၤသးလၢတၢ်မံမီၢ် အပူၤဒီးစံးဝဲ, “ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်န့ၣ်ဝံၤဃ့ၢ်ပူၤဖျဲးကွံာ်သုသးဆူ ကီၢ်အဲၤကူပတူးဒီးအိၣ်ဖဲန့ၣ်တုၤယမၢနဟးထီၣ်တစုန့ၣ်တက့ၢ်. အဂ့ၢ်ဒ်အံၤ စီၤပၤဟ့ၤရိာ်ကမၢလီၤပှၤလၢကဃုဖိသၣ်အံၤဒ်သိး အကမၤသံအီၤအဂီၢ်လီၤ.”

လံာ်မးသဲ 2:8

အဝဲမၢလီၤပှၤကူၣ်ဘၣ်ကူၣ်သ့တဖၣ်အံၤဆူဝ့ၢ်ဘ့ၤသလ့ ဃ့ၣ်ဒီးစံးဘၣ်အဝဲသ့ၣ်, “လဲၤဒီးကွၢ်ဃုဖိသၣ်န့ၣ်လီၤ တံၢ်လီၤဆဲးဒီးတုၤသုထံၣ်န့ၢ်အီၤဒီးဟဲက့ၤတဲဘၣ်ယၤဒ်သိး ယဲစ့ၢ်ကီးယကလဲၤဘူၣ်ထီၣ်ဘါထီၣ်ဘၣ်အီၤအဂီၢ်တက့ၢ်.”

ရိမ့ၤ 4:11

အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ. သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ် လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.

လံာ်ပှၤစံၣ်ညီၣ်ကွီၢ် 14:3

မ့မ့ၢ်အပၢ်ဒီးအမိၢ်တခီသံကွၢ်အီၤ, “ဘၣ်မနုၤလၢနကဘၣ်လဲၤဆူပှၤဖလ့ၡသးဖိတစူၢ်တနာ်ယွၤအအိၣ်လၢနကမၤန့ၢ်နမါတဂၤအဂီၢ်လဲၣ်. မ့ၢ်နဃုန့ၢ်ပိာ်မုၣ်ဖိတဂၤလၢပဒူၣ်ဖိထၢဖိအကျါ, လၢပပှၤကလုာ်အကျါတသ့ဘၣ်ဧါ.” ဘၣ်ဆၣ်ဒီးစီၤၡံၣ်ၡိၣ်တဲအပၢ်, “ပိာ်မုၣ်တဂၤန့ၣ်မ့ၢ်ပှၤလၢယအဲၣ်ဒိးနမၤန့ၢ်အီၤလၢယဂီၢ်လီၤ. ယအဲၣ်အီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”