လံာ်တၢ်ကဲထီၣ်အခီၣ်ထံး 34:10 - Sgaw Karen Common Bible

¹⁰ ဒီးသုကအိၣ်ဖဲအံၤလၢပထံလီၢ်ကီၢ်ပူၤဒီးပှၤ, သုကအိၣ်ဖဲ သုအဲၣ်ဒိးအိၣ်တပူၤပူၤ, မၤကူၣ်မၤကၤသဘျ့သူၣ်သဘျ့သးဒီး အိၣ်ဒီးသုစုလီၢ်ခီၣ်ခိၣ်ဒၣ်ဝဲလီၤ.”

လံာ်တၢ်ကဲထီၣ်အခီၣ်ထံး 34:10 Iomraidhean Croise

လံာ်တၢ်ကဲထီၣ်အခီၣ်ထံး 13:9

မၤသးဒ်န့ၣ်ဒီး, မ်ပကအိၣ်လီၤဖးလိာ်သကိးပသးတက့ၢ်. ဃုထၢတၢ်လီၢ်တတီၤတီၤလၢနသးလီလၢကီၢ်အံၤအပူၤတက့ၢ်. လဲၤနဲကျဲတဘိဒီးယကလဲၤယဲအဂၤတဘိလီၤ.”

လံာ်တၢ်ကဲထီၣ်အခီၣ်ထံး 20:15

အဝဲစံးဘၣ်စီၤအၤဘြၤဟၣ်, “အအံၤမ့ၢ်ယထံယကီၢ်ဒီဘ့ၣ်လီၤ. အိၣ်နဲဆိးနဲလၢတၢ်လီၢ်လၢဘၣ်သူၣ်ဘၣ်သးနၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 34:11

ဒီးစီၤၡက့ၣ်စံးဘၣ်နီၢ်ဒံနၤအပၢ်ဒီးအဒီပုၢ်ဝဲၢ်ခွါတဖၣ်, “မ်သုသးကညီၤကွၢ်မဲာ်ယၤတက့ၢ်. ဒီးယကဟ့ၣ်သုတၢ်လၢသုအဲၣ် ဒိးတမံၤလၢ်လၢ်လီၤ.

လံာ်တၢ်ကဲထီၣ်အခီၣ်ထံး 34:9

မ်ပမၤသကိးတၢ်သးလီၤပလိာ်တမံၤလၢတၢ်တ့ဃုာ်ဖျီဃုာ်ကအိၣ်ဝဲ လၢပပှၤဂီၢ်မုၢ်ဒီးသုအဘၢၣ်စၢၤတက့ၢ်.

လံာ်တၢ်ကဲထီၣ်အခီၣ်ထံး 42:34

ဟဲကိးသုပုၢ်အဆံးကတၢၢ်ဆူယအိၣ်တက့ၢ်. အန့ၣ်ဒီးယကသ့ၣ်ညါလၢသုတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. မ့မ့ၢ်ပှၤအတီအလိၤတဖၣ်န့ၣ်လီၤ. ယကဟ့ၣ်ကဒါက့ၤသုဒီပုၢ်ဝဲၢ်ခွါလၢသုဒီးသုအိၣ်ဖဲအံၤဒီး ကူၣ်တၢ်ကၤတၢ်သ့န့ၣ်လီၤ.’

လံာ်တၢ်ကဲထီၣ်အခီၣ်ထံး 47:27

ပှၤအံၣ်စရ့လးဖိတဖၣ်အိၣ်ဝဲဆိးဝဲလၢကီၢ်အဲၤကူပတူးအပူၤ, လၢကီၢ်ကိၡ့ၣ်အလီၢ်ကဝီၤဖဲအဝဲသ့ၣ်ထူးထီၣ်တီၤထီၣ်, ဒီးအိၣ်ဒီးအဖိတဖၣ်အါဂၤန့ၣ်လီၤ.