လံာ်တၢ်ကဲထီၣ်အခီၣ်ထံး 33:4 - Sgaw Karen Common Bible

⁴ မ့မ့ၢ်စီၤဧ့ၡီၤဃ့ၢ်သဂၢၢ်အီၤ, ဖိးဟုအီၤဒီးနၢမူအီၤန့ၣ် လီၤ. အဝဲသ့ၣ်ခံဂၤလိာ်ဟီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 33:4 Iomraidhean Croise

လံာ်တၢ်ကဲထီၣ်အခီၣ်ထံး 29:11

ဒီးနၢမူဝဲနီၢ်ရၤဃ့လးဒီးကိးထီၣ်ဝဲလၢတၢ်သူၣ်ခုသးခု အဃိလီၤ.

လံာ်တၢ်ကဲထီၣ်အခီၣ်ထံး 29:13

ဒီးတုၤစီၤလၤဘၣ်နၢ်ဟူအဖိဒိၣ်ခွါစီၤယၤကိာ်အကစီၣ်န့ၣ်လဲၤ ဃ့ၢ်ဝဲလၢကထံၣ်လိာ်အီၤဒီးဖိးဃုဃာ်အီၤဒီးနၢမူအီၤ, ဒီးဟဲက့ၤကိးအီၤဆူအဟံၣ်ပူၤန့ၣ်လီၤ. တုၤစီၤယၤကိာ်တဲစီၤလၤဘၣ်လၢကယဲၢ်တၢ်ခဲလၢာ်လၢအမၤတ့ၢ်အသး ဝံၤဒီး,

လံာ်တၢ်ကဲထီၣ်အခီၣ်ထံး 32:11

ယဃ့ထုကဖၣ်လၢနကအုၣ်က့ၤခီၣ်က့ၤယၤလၢယဝဲၢ်စီၤဧ့ၡီၤအစု ပူၤလီၤ. ယပျံၤတၢ်, ယပျံၤလၢအဝဲကဟဲဒုးပှၤဒီးမၤဟးဂီၤကွံာ်ပှၤတုၤ ဒၣ်လဲာ်ဖိသၣ်ဒီးပှၤပိာ်မုၣ်တဖၣ်ခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

လံာ်တၢ်ကဲထီၣ်အခီၣ်ထံး 43:30

တုၤနုၤတစုစီၤယိၤသးဟးထီၣ်သတူၢ်ကလာ်, မ့ၢ်လၢအသးလီၤသကံးဒိၣ်မးလၢအဒီပုၢ်ဝဲၢ်ခွါအဃိန့ၣ်လီၤ. အဝဲထၢၣ်အသးတန့ၢ်လၢၤဘၣ်အဃိ, လဲၤနုာ်ဆူအဒၢးပူၤဒီးဟီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 43:34

တၢ်အီၣ်ဘၣ်တၢ်ဟံးန့ၢ်အီၤလၢစီၤယိၤသးအစီၢ်နီၤခိၣ်ဒီးဟ့ၣ် လီၤဆူအဝဲသ့ၣ်, ဒီးစီၤဘံၣ်ယၤမံၣ်ဘၣ်တၢ်ဟ့ၣ်အီၤအါန့ၢ်အဂၤတဖၣ်ယဲၢ်စးလီၤ. ဒီးအဝဲသ့ၣ်အီၣ်တၢ်ဒီးအီတၢ်ဒီးစီၤယိၤသးတုၤအမူၤအဘှီး တစုန့ၣ်လီၤ.

လံာ်တၢ်ကဲထီၣ်အခီၣ်ထံး 45:2

အဝဲဟီၣ်လၢအကလုၢ်သီၣ်ဖးဒိၣ်, တုၤဒၣ်လဲာ်ပှၤအဲၤကူပတူးဖိ တဖၣ်နၢ်ဟူဝဲ, ဒီးတၢ်ကစီၣ်န့ၣ်ဘၣ်တၢ်လဲၤစိာ်အီၤဆူစီၤပၤ အနူၢ်အစီၤပူၤလီၤ.

လံာ်တၢ်ကဲထီၣ်အခီၣ်ထံး 46:29

စီၤယိၤသးဒိးထီၣ်အလ့ၣ်ကဟၣ်ဒီးလဲၤဝဲဆူကီၢ်ကိၡ့ၣ်လၢ ကသဂၢၢ်အပၢ်အဂီၢ်လီၤ. ဖဲအဝဲသ့ၣ်ထံၣ်လိာ်အသးန့ၣ်, စီၤယိၤသးဖိးအပၢ်အကိာ်ဒီးဟီၣ်ဝဲဒၣ်ဖးယံာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:33

လၢတၢ်န့ၣ်အဃိ, စီၤယိၤအာ်လဲၤဆူစီၤပၤဒၤဝံးအအိၣ်ဒီးတဲ ဘၣ်အီၤတၢ်လၢစီၤအးဘၡါလိၣ်စံးတ့ၢ်ဝဲန့ၣ်လီၤ. စီၤပၤမၢပှၤလဲၤကိးစီၤအးဘၡါလိၣ်လၢကဟဲဆူအဝဲအအိၣ်ဒီး တီၤလီၤကဒွံကျိာ်ဒီးဆူးလီၤအခိၣ်ဆူဟီၣ်ခိၣ်လိၤလၢအမဲာ်ညါန့ၣ်လီၤ. စီၤပၤတူၢ်လိာ်မုာ်အီၤလၢတၢ်နၢမူန့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်စီၤယိၤဘး 2:12

ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ.

စံးထီၣ်ပတြၢၤ 34:4

ယဃုယွၤဒီးအဝဲဒၣ်စံးဆၢယၤ, ဒီးမၤပူၤဖျဲးယၤလၢကယဲၢ် ယတၢ်ဘၣ်ယိၣ်ခဲလၢာ်န့ၣ်လီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်လူၤကၣ် 15:20

လၢတၢ်န့ၣ်အဃိအဝဲဒၣ်ဂဲၤဆၢထၢၣ်ဒီးက့ၤကဒါက့ၤဝဲဆူအပၢ် အအိၣ်လီၤ. ဖဲအဝဲဒၣ်အိၣ်စီၤစုၤယံၤဒံးလၢအဟံၣ်န့ၣ်, အပၢ်ထံၣ်အီၤ, အသးပူၤပှဲၤဒီးတၢ်သးကညီၤဒီးအဝဲဒၣ်ဃ့ၢ်ဝဲ, ဖိးဃာ်အဖိခွါဒီးနၢမူအီၤလီၤ.

မၤတၢ် 20:37

အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:41

ဖဲပှၤသးစၢ်ဖိက့ၤဝဲန့ၣ်, စီၤဒၤဝံးဂဲၤဆၢထၢၣ်လၢလၢၢ်အၤစ့းဒီးတီၤလီၤဝဲလၢအခီၣ်လ့ၢ်ခိၣ်ဒီးပိာ်လီၤအမဲာ်သၣ်လၢ ဟီၣ်ခိၣ်သၢစုလီၤ. စီၤဒၤဝံးဒီးစီၤယိနၤသၣ်ခံဂၤလိာ်ဟီၣ်ဝဲဖဲအနၢမူလိာ် အသးအခါန့ၣ်လီၤ. စီၤဒၤဝံးအတၢ်သးအုးဒိၣ်န့ၢ်ဒံးစီၤယိနၤသၣ်တက့ၢ်န့ၣ်လီၤ.