လံာ်တၢ်ကဲထီၣ်အခီၣ်ထံး 33:18 - Sgaw Karen Common Bible

¹⁸ လၢအတၢ်ဟဲက့ၤကဒါက့ၤလၢကီၢ်မ့းစပတၤမံန့ၣ်စီၤယၤကိာ်ဟဲ တုၤဘၣ်ဝဲဂ့ၤဂ့ၤဘၣ်ဘၣ်ဆူဝ့ၢ်ၡက့ၣ်အိၣ်လၢကီၢ်ကနၤဧၣ်အပူၤ ဒီးပာ်လီၤအသူၣ်ဒဲအလီၢ်လၢပျီတဘ့ၣ်အပူၤဘူးဒီးဝ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 33:18 Iomraidhean Croise

လံာ်တၢ်ကဲထီၣ်အခီၣ်ထံး 12:6

စီၤအၤဘြၣ်လဲၤခီဖျိထံကီၢ်န့ၣ်တုၤအဟဲတုၤဖဲသ့ၣ်စီဆှံ တထူၣ်လၢကစၢၢ်မိၤရံယၤ, တၢ်လီၢ်စီဆှံတတီၤလၢဝ့ၢ်ၡက့ၣ်န့ၣ် လီၤ. (အကတီၢ်ဖဲန့ၣ်ပှၤကနၤဧၣ်ဖိသ့ၣ်တဖၣ်အိၣ်ဒံးဝဲလၢကီၢ်န့ၣ် အပူၤလီၤ.)

လံာ်တၢ်ကဲထီၣ်အခီၣ်ထံး 25:20

ဒီးဖဲစီၤအံၤစဲးန့ၢ်မါလၢနီၢ်ရံးဘကၤ, လၢအမ့ၢ်ပှၤစူၤရံဖိ စီၤဘသူၤအ့လးအိၣ်လၢပၤဒနါရၣ်အပျီပူၤ (ပှၤအမံနယၣ်ဖိလၢ ကီၢ်မ့းစပံတၤမ, အဖိမုၣ်), ပှၤစူၤရံဖိစီၤလၤဘၣ်အဒီပုၢ်ဝဲၢ်မုၣ်န့ၣ်, အသးအိၣ်လံဝဲအနံၣ်လွံၢ်ဆံန့ၣ်လီၤ.

လံာ်တၢ်ကဲထီၣ်အခီၣ်ထံး 28:2

အခိၣ်တလိာ်, လဲၤဆူကီၢ်မ့းစပတၤမံဆူနဖုစီၤဘသူၤအ့လး အဟံၣ်ဒီးန့ၢ်နမါလၢပိာ်မုၣ်ဖိတဖၣ်အကျါတဂၤလၢအမ့ၢ်နဖါတံၢ် စီၤလၤဘၣ်အဖိမုၣ်အကျါတဂၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 31:25

စီၤယၤကိာ်သူၣ်ထီၣ်အဒဲလၢကစၢၢ်တဖျၢၣ်အလိၤဒီးစီၤလၤဘၣ်သူၣ် ထီၣ်အဒဲဃုာ်ဒီးအဘူးအတံၢ်လၢကီၢ်အိၣ်ဒီးတၢ်လူၢ်တၢ်တြီၤဖဲ ကီၢ်ကံးလဧးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:9

ဖဲစီၤယၤကိာ်ဟဲက့ၤကဒါက့ၤလၢကီၢ်မ့းစပတၤမံန့ၣ်, ကစၢ်ယွၤလီၣ်ဖျါထီၣ်ကဒီးအသးလၢအီၤဒီးဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:13

စီၤယၤကိာ်စံးဘၣ်စီၤယိၤသး, “ယအဲၣ်ဒိးလၢနကလဲၤဆူ ဝ့ၢ်ၡက့ၣ်ဖဲနဒီပုၢ်ဝဲၢ်ခွါသ့ၣ်တဖၣ်ကွၢ်ထွဲသိတဖၣ်အလီၢ်န့ၣ် လီၤ.” စီၤယိၤသးစံးဆၢဝဲ, “မ့ၢ်, ယကလဲၤလီၤ.”

လံာ်တၢ်ကဲထီၣ်အခီၣ်ထံး 46:15

လၢအဖိမုၣ်နီၢ်ဒံနၤအမဲာ်ညါန့ၣ်, ပှၤသ့ၣ်တဖၣ်အံၤ, မ့ၢ်ဖိခွါတဖၣ်လၢနီၢ်လ့ၤအၤဆံးစၢ်န့ၢ်လၢစီၤယၤကိာ်အဂီၢ် လၢကီၢ်မ့းစပတၤမံအပူၤန့ၣ်လီၤ. အစၢၤအသွဲၣ်တဖၣ်လၢနီၢ်လ့ၤအၤအတၢ်ဂံၢ်မ့ၢ်ဝဲခဲလၢာ်သၢဆံသၢ ဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:7

ယမၤတၢ်အံၤမ့ၢ်ဒၣ်လၢနမိၢ်နီၢ်ရၤဃ့လးအဃိန့ၣ်လီၤ. ဖဲယဟဲက့ၤကဒါက့ၤလၢကီၢ်မ့းစပတၤမံန့ၣ်, အဝဲသံလၢကီၢ်ကနၤဧၣ်, တယံၤဒီးတၢ်လီၢ်ဖဲဝ့ၢ်အ့ဖရးသးအါအါ ဘၣ်, ဒီးမ့ၢ်တၢ်သးအုးဖးဒိၣ်လၢယဂီၢ်လီၤ. ယခူၣ်လီၤကွံာ်အီၤဖဲန့ၣ်, လၢကျဲဆူဝ့ၢ်အ့ဖရးသးအကပၤန့ၣ် လီၤ.” (အ့ဖရးသး, ခဲအံၤဘၣ်တၢ်သ့ၣ်ညါအီၤဒ်ဝ့ၢ်ဘ့ၤသလ့ဃ့ၣ်န့ၣ် လီၤ.)

စံးထီၣ်ပတြၢၤ 60:6

ကစၢ်ယွၤကတိၤတ့ၢ်လံတၢ်လၢအတၢ်လီၢ်စီဆှံအပူၤလံ, လၢတၢ်သူၣ်ခုသးခုအပူၤ, ယကနီၤဖးၡက့ၣ်အဆၢ ဒီးဟ့ၣ်လီၤကွံာ် စူးကိၤသးအတၢ်လူၢ်တၢ်တြီၤန့ၣ် ဆူယပှၤဂီၢ်မုၢ်လီၤ.

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

လံာ်ယိၤဟၣ် 3:23

စီၤယိၤဟၣ်စ့ၢ်ကီးဘျၢတၢ်ဖဲအဲၤနိၣ်လၢအတယံၤဒီးၡၤလ့ၣ် မ့ၢ်လၢထံအိၣ်အါဝဲဖဲတၢ်လီၢ်န့ၣ်, ဒီးပှၤလဲၤဆူအအိၣ်ဒီး အဝဲဒၣ်ဘျၢပှၤတဖၣ်န့ၣ်လၢထံလီၤ.

လံာ်ယိၤဟၣ် 4:5

လဲၤတုၤဝဲလၢဝ့ၢ်စံဃၢ်, အိၣ်လၢကီၢ်ၡၤမရံအပူၤ, ဘူးဒီးဟီၣ်ခိၣ်အကဝီၤလၢစီၤယၤကိာ်ဟ့ၣ်လီၤအဖိခွါ စီၤယိၤသးန့ၣ်လီၤ.

မၤတၢ် 7:16

အဝဲသ့ၣ်အစိၣ်တဖၣ်န့ၣ်ဘၣ်တၢ်က့ၤစိာ်အီၤဆူဝ့ၢ်ၡက့ၣ်, ဒီးဘၣ်တၢ်ခူၣ်လီၤအီၤလၢတၢ်သွၣ်ခိၣ်အပူၤ, လၢစီၤအၤဘြၤဟၣ်ပှ့ၤန့ၢ်တ့ၢ်လၢစ့နီၢ်လၢစီၤဃမိၢ်အဒူၣ်ဖိ ထၢဖိတဖၣ်အအိၣ်န့ၣ်လီၤ.

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.

လံာ်ပှၤစံၣ်ညီၣ်ကွီၢ် 9:1

စီၤကံးဒဧိၣ်အဖိခွါစီၤအဘံၤမ့လ့းလဲၤဝဲဆူ အမိၢ်အဘူးအတံၢ်ခဲလၢာ်အိၣ်ဝဲဆိးဝဲအလီၢ်ဝ့ၢ်ၡက့ၣ်န့ၣ်လီၤ.