လံာ်တၢ်ကဲထီၣ်အခီၣ်ထံး 33:17 - Sgaw Karen Common Bible

¹⁷ မ့မ့ၢ်စီၤယၤကိာ်လဲၤဝဲဆူစူးကိၤသးဖဲအသူၣ်ထီၣ်ဟံၣ်တဖျၢၣ် လၢအဂီၢ်ဒၣ်ဝဲဒီးတၢ်အိၣ်ကဒုအလီၢ်လၢအဂီၤဘုၣ်ဂီၤဖံးတဖၣ်အ ဂီၢ်န့ၣ်လီၤ. လၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢစူး ကိၤသးန့ၣ်လီၤ.

လံာ်တၢ်ကဲထီၣ်အခီၣ်ထံး 33:17 Iomraidhean Croise

လံာ်တၢ်ကဲထီၣ်အခီၣ်ထံး 33:16

ဒီးလၢတနံၤဃီန့ၣ်စီၤဧ့ၡီၤစးထီၣ်က့ၤကဒါက့ၤဝဲဆူကီၢ် အဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:46

စီၤပၤမၢပှၤသိတၢ်တဖၣ်အံၤခဲလၢာ်လၢကပံာ်လၢအအိၣ်ဝဲဖဲ စူးကိၤသးဒီးဝ့ၢ်စၤရတါအဘၢၣ်စၢၤလၢအအိၣ်ဝဲဖဲ ထံကျိယၢ်ဒ့ၣ်အတၢ်ပၢၤခိၣ်န့ၣ်လီၤ.

စံးထီၣ်ပတြၢၤ 60:6

ကစၢ်ယွၤကတိၤတ့ၢ်လံတၢ်လၢအတၢ်လီၢ်စီဆှံအပူၤလံ, လၢတၢ်သူၣ်ခုသးခုအပူၤ, ယကနီၤဖးၡက့ၣ်အဆၢ ဒီးဟ့ၣ်လီၤကွံာ် စူးကိၤသးအတၢ်လူၢ်တၢ်တြီၤန့ၣ် ဆူယပှၤဂီၢ်မုၢ်လီၤ.

လံာ်တၢ်ဟးထီၣ်ကွံာ် 12:37

ပှၤအံၣ်စရ့လးဖိတဖၣ်ဟးထီၣ်ဝဲလၢအခီၣ်စးထီၣ်လၢဝ့ၢ်ရၤမစ့ တုၤဆူဝ့ၢ်စူးကိၤသးန့ၣ်လီၤ. ပှၤပိာ်ခွါအိၣ်ဝဲဒၣ်အဂၤဃုကလီၢ်ဃၣ် ဃၣ်ဒီးပိာ်မုၣ်တဖၣ်ဒီးဖိသၣ်တဖၣ်တဘၣ်တၢ်ဂံၢ်ဃုာ်အီၤဘၣ်.

လံာ်တၢ်ဟးထီၣ်ကွံာ် 13:20

ပှၤအံၣ်စရ့လးဖိတဖၣ်ဟးထီၣ်လၢဝ့ၢ်စူးကိၤသးဒီးသူၣ်လီၤအဒဲ တဖၣ်ဖဲဝ့ၢ်အ့သၣ်လၢပှၢ်မုၢ်ကနၢအဃၢၤန့ၣ်လီၤ.

လံာ်စီၤယိၤၡူ 13:27

လၢထံကျိယၢ်ဒ့ၣ်အတၢ်ပၢၤခိၣ်အံၤအိၣ်ဒီးဝ့ၢ်ဘ့ၤသဟၤရၣ်, ဝ့ၢ်ဘ့ၤသနံးမရၤ, ဝ့ၢ်စူးကိၤသး, ဝ့ၢ်စၤဖိၣ်ဒီးဃ့ၡဘိၣ်အစီၤပၤစံဃိၣ် အဘီမုၢ်လၢအအိၣ်လီၤတဲာ်တဖၣ်န့ၣ်လီၤ. အမုၢ်နုာ်ကီၢ်ဆၢမ့ၢ်ဝဲထံကျိယၢ်ဒ့ၣ်ဒီးတုၤလၢ ပီၣ်လဲၣ်ကၤလံၤလါလၢကလံၤစိးန့ၣ်လီၤ.

လံာ်ပှၤစံၣ်ညီၣ်ကွီၢ် 8:14

အဝဲဖီၣ်န့ၢ်ဝ့ၢ်စူးကိၤသးအပှၤသးစၢ်တဂၤ, ဒီးသံကွၢ်တၢ်လၢအီၤန့ၣ်လီၤ. ပှၤသးစၢ်န့ၣ်ကွဲးလီၤန့ၢ်စီၤကံးဒဧိၣ်လၢဝ့ၢ်စူးကိၤသးအခိၣ်အနၢ်နွံဆံနွံဂၤအမံၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:16

တုၤနုၤတစု, အဝဲဟံးန့ၢ်မဲးမုၢ်ခိၣ်အတၤဆှုၣ်တၤမဲတဖၣ်ဒီးသူဝဲလၢ တၢ်စံၣ်ညီၣ်ဝ့ၢ်စူးကိးသးအခိၣ်အနၢ်တဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:5

ဒီးတုၤအဝဲသ့ၣ်တုၤဃီၤဖဲဝ့ၢ်စူးကိၤသးန့ၣ်စီၤကံးဒဧိၣ် စံးဘၣ်ပှၤအိၣ်လၢဝ့ၢ်ပူၤတဖၣ်န့ၣ်, “ဝံသးစူၤဟ့ၣ်ယပှၤတဖၣ်လၢကိၣ်အလိၣ်တနီၤတက့ၢ်. အဝဲသ့ၣ်လီၤဘှံးလီၤတီၤဒီးယလူၤဖီၣ်ဒံး ပှၤမံးဒယၣ်ဖိအစီၤပၤတဖၣ်လၢအမ့ၢ်စီၤစ့ဘၤဒီးစီၤစးလမူနၤန့ၣ်လီၤ.”

လံာ်ပှၤစံၣ်ညီၣ်ကွီၢ် 8:8

စီၤကံးဒဧိၣ်လဲၤဆူညါဆူပနံၤအ့လးဒီးဃ့တၢ်တမံၤဃီလၢ ပှၤအိၣ်ဖဲန့ၣ်တဖၣ်န့ၣ်လီၤ. ဘၣ်ဆၣ်ဒီးပှၤပနံၤအ့လးဖိတဖၣ်စံးဆၢတၢ်တမံၤဃီဒ်ပှၤစူးကိၤသးဖိတဖၣ် အသိးန့ၣ်လီၤ.