လံာ်တၢ်ကဲထီၣ်အခီၣ်ထံး 33:14 - Sgaw Karen Common Bible

¹⁴ ဝံသးစူၤလဲၤဆိတၢ်လၢယမဲာ်ညါ, ဒီးယကပိာ်ထွဲထီၣ်ကယီ ကယီ, လဲၤတၢ်တချ့ဖဲအချ့ဒ်ယသ့ဃုာ်ဒီးယဂီၤဘုၣ်ဂီၤဖံးဒီး ဖိသၣ်တဖၣ်တုၤယချုးန့ၢ်နၤလၢကီၢ်အဒိၣ်အပူၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 33:14 Iomraidhean Croise

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:4

စီၤယၤကိာ်မၤလိာ်အဝဲသ့ၣ်လၢကစံး, “ယၤ, စီၤယၤကိာ်, နခ့နပှၤလၢအဒိကနၣ်နၤစံးဘၣ်ယကစၢ်စီၤဧ့ၡီၤလၢ, ယအိၣ်တ့ၢ်လၢ စီၤလၤဘၣ်အအိၣ်ဒီးအိၣ်ဖဲန့ၣ်ယံာ်တုၤခဲကနံၣ်အံၤလီၤ.

လံာ်တၢ်ကဲထီၣ်အခီၣ်ထံး 33:13

စီၤယၤကိာ်စံးဆၢဝဲ, “နသ့ၣ်ညါလၢဖိသၣ်တဖၣ်အဂံၢ်စၢ်ဘါစၢ် ဝဲ, ဒီးယကဘၣ်ဆိကမိၣ်တၢ်လၢသိ, ဂီၤဘုၣ်ဂီၤဖံးဒီးအဖိတဖၣ်အဂီၢ် လီၤ. အဝဲသ့ၣ်မ့ၢ်ဘၣ်တၢ်မိၤဆူၣ်အီၤလၢတနံၤဃီအတီၢ်ပူၤန့ၣ်, ဆၣ်ဖိကီၢ်ဖိဒီတဖုကသံဝဲလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:10

ခဲကနံၣ်အံၤပှၤဂီၢ်မုၢ်လၢကီၢ်ဧၣ်မိၣ်, ကီၢ်မိၤအးဒီးကီၢ်အဒိၣ်တဖၣ်ဟဲထီၣ်ဒုးပှၤလံ. ဖဲပမိၢ်ပၢ်ဖံဖုလၢပျၢၤတဖၣ်ဟးထီၣ်လၢကီၢ်အဲၤကူပတူးအပူၤ န့ၣ်, နတပျဲအဝဲသ့ၣ်လဲၤနုာ်ဆူထံကီၢ်သ့ၣ်တဖၣ်န့ၣ်အပူၤဘၣ်. လၢတၢ်န့ၣ်, အဃိပမိၢ်ပၢ်ဖံဖုလၢပျၢၤတဖၣ်လဲၤပူၤကွံာ်လၢ အဝဲသ့ၣ်အကီၢ်အဃၢၤဒီးတမၤဟးဂီၤကွံာ်ဘၣ်အဝဲသ့ၣ်ဘၣ်.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယဃ့းစက့လး 25:8

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “မ့ၢ်လၢကီၢ်မိၤအးစံး တ့ၢ်ဝဲလၢကီၢ်ယူဒၤန့ၣ်လီၤဂာ်ဒီးကယဲၢ်ကီၢ်အဂၤတဖၣ်အဃိ,

လံာ်မၢ်ကူး 4:33

ယ့ၣ်ၡူးစံးဘၣ်တဲဘၣ်အဝဲသ့ၣ်လၢယွၤအကလုၢ်အကထါ ဒီးသူဝဲတၢ်ကတိၤဒိဒ်သိးအံၤတဖၣ်အါမးဖဲအဝဲသ့ၣ်နၢ်ပၢၢ် ဝဲသ့အတီၤန့ၣ်လီၤ.

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

1 ကရံၣ်သူး 3:2

ယဘၣ်ဒုးအီသုလၢတၢ်နုၢ်ထံလီၤ. တမ့ၢ်တၢ်အီၣ်လၢအအိၣ်ဒီးအသံးအကာ်ဘၣ်. အဂ့ၢ်မ့ၢ်လၢသုတအိၣ်ကတဲာ်ကတီၤဒံးသုသးလၢသုကဟံးန့ၢ်အီၣ် တၢ်အီၣ်လၢအအိၣ်ဒီးအသံးအကာ်ဒံးဘၣ်အဃိန့ၣ်လီၤ. ဒီးခဲကနံၣ်အံၤဒၣ်လဲာ်န့ၣ်, သုတအိၣ်ကတဲာ်ကတီၤသုသးလၢတၢ်တမံၤန့ၣ်အဂီၢ်ဒံးဘၣ်န့ၣ်လီၤ.

လံာ်သိၣ်လီၤသီလီၤတၢ် 2:1

ဒီးလၢခံကတၢၢ်ပဃၣ်ကဒါက့ၤပသး, ဒီးလဲၤနုာ်ဆူပှၢ်မုၢ်ကနၢအပူၤ, လၢကျဲလဲၤဆူပီၣ်လဲၣ်က့ၣ်ကွီၤအကၣ်ဘၣ်အလိၤ, ဒ်ယွၤဟ့ၣ်လီၤအကလုၢ်အသိး, ဒီးပလဲၤဝ့ၤဝီၤတၢ်အါနံၤအါသီ လၢကီၢ်အဒိၣ်လၢအပှဲၤဒီးတၢ်လူၢ်တၢ်တြီၤတဖၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:4

ယွၤဧၢ, ဖဲနဟးထီၣ်လၢကစၢၢ်စ့ဧၢ်, ဖဲနဟဲထီၣ်လၢကီၢ်အဒိၣ်ပူၤန့ၣ်, ဟီၣ်ခိၣ်ဟူးဝးဝဲ, ဒီးတၢ်စူၤလီၤလၢမူကပိာ်လိၤလီၤ. မ့ၢ်ဝဲလီၤ. တၢ်အၢၣ်တဖၣ်ဒုးစူၤလီၤထံန့ၣ်လီၤ.